باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندار اۋىل - قىستاقتىڭ اناعۇرلىم كورىكتەنىپ، شارۋالاردىڭ بارىنشا اۋقاتتانۋىن پارمەندى جەبەدى
2021-10-12 12:15:12     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

قىستاق - اترەتتەردىڭ 1 - شۋجيلەرى باستاماشىلىق، ونەگەلىلىك رولىن ساۋلەلەندىردى

وبلىسقا توتە قاراستى ورىندار اۋىل - قىستاقتىڭ اناعۇرلىم كورىكتەنىپ، شارۋالاردىڭ بارىنشا اۋقاتتانۋىن پارمەندى جەبەدى


ٴتىلشىمىز ما چىڭلۋ، ەرىكتى ٴتىلشى حى شين حابارلايدى. «وسى رەتكى تاربيەلەۋ كۋرسىنا قاتىناسۋ ارقىلى بۇرىن تۇسىنبەگەن قىرۋار ىستەردى ٴتۇسىنىپ، انىق ٴبىلىپ الدىم، مەن تاعى ماماننىڭ قولفون ٴنومىرىن جازىپ الدىم، بۇدان بىلاي تاۋىق باعۋدا جولىققان ماسەلەلەر جونىندە اقىل - كەڭەس سۇرايمىن» دەدى 9 - ايدىڭ 26 - كۇنى توعىزتاراۋ اۋدانى اعارسىن قالاشىعى اقتام قىستاعىنىڭ تۇرعىنى ماقسات ادىلبەك ۇلى تىلشىگە، ماقساتتىڭ 70 تەن استام تاۋىعى بار، كاسىپتىك - تەحنيكالىق تاربيەلەۋگە قاتىناسقاننان كەيىن ونىڭ اۋقاتتانۋ سەنىمى مەن بەكىمى بارىنشا كۇشەيگەن.

9 - ايدا اقتام قىستاعى قىستاق تۇرعىندارىن تەحنيكا، ونەرگە تاربيەلەۋ تەبىنىن ارتتىرىپ، 236 بوس ەڭبەككۇشتى ۇزاق مەزگىل ورنىقتى جۇمىستاندىرىپ، كىسى باسىندىق ايلىق تازا كىرىسىن 3 مىڭ يۋاننان اسىردى.

وبلىسقا توتە قاراستى ورىندار «بۇقارا ٴۇشىن ناقتى ٴىس ىستەيمىن» امالياتتىق قيمىلىنا ۇشتاستىرىپ، قىستاق - اترەتتەردىڭ 1 - شۋجيلەرىنىڭ رولىن تولىق ساۋلەلەندىرىپ، «1 - شۋجي پارتيا ياچەيكاسىنىڭ قىزمەتىن مىقتى يگەرىپ، ياچەيكا شۋجيىنا جەتەكشىلىك ەتۋ» قيمىلىن ورىستەتىپ، ٴبىر قىستاق تاعى ٴبىر قىستاققا، ٴبىر وتباسى تاعى ٴبىر وتباسىنا، بۇقارا پارتيا مۇشەلەرىنە، پارتيا مۇشەلەرى ياچەيكاعا قاراي بەيىمدەلۋدەي تاماشا اۋقىمدى قالىپتاستىردى.

قورعاس قالاسى يشاگاشان سىبە اۋىلى قاراتاس قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ 3 - رەتكى 1 - شۋجيى قىزمەت اترەتىن باستاپ، ۇزدىكسىز شايقاس جاساپ، قىستاق دارەجەلى زاپاس كۇش ازىرلەۋ قامباسىن جانە كوتەرمەگە الىپ كومەكتەسۋ، جەتەكشىلىك ەتۋ تىزىمدىگىن جاساپ، كوتەرمەگە الىپ كومەكتەسۋ، جەتەكشىلىك ەتۋ جاعدايىن سول جەردە سوڭىنا ٴتۇسىپ ۇعىسىپ، پارتيا قىزمەتىن بىلەتىن، ساياساتتان حاباردار، تەحنيكا تەتىگىن يگەرگەن اۋىلعا قايتقان ستۋدەنتتەردى، اۋقاتتانۋ باستاماشىلارىن، قوسىننان قايتقان اسكەريلەردى تاربيەلەدى؛ ىلگەرىندى - كەيىندى 3 سەلبەستىك كووپەراتيۆىن قۇرىپ، 358 قىستاق تۇرعىنىن كووپەراتيۆكە مۇشەلىككە قابىلداپ، جەمىس ورماننىڭ سورتىن جاڭالاپ، تۇرعىنداردىڭ كىرىسىن ارتتىردى.

وبلىسقا توتە قاراستى ورىندار ەڭ تومەنگى تۇرمىستى قامتاماسىزداندىرۋ، وقۋ - اعارتۋ، ەمدەۋ، قوعامدىق قۇتقارۋ، كومەك بەرۋ، كەدەيلەردى سۇيەمەلدەۋ شاعىن سومالى قارىز اقشاسىن تاراتۋ سياقتى كەدەيلىكتەن ارىلتۋدان قامال الۋ ساياساتتارىن اتقارۋدى ۇزدىكسىز، ورنىقتى جالعاستىرىپ، قايتالاي كەدەيلەسۋدەن ساقتانۋ جاعدايىن باقىلاۋ، تەكسەرۋ جانە كومەكتەسۋ، سۇيەمەلدەۋ مەحانيزمىن كەمەلدەندىرىپ، كەدەيلىكتەن ارىلتۋدان قامال الۋ ناتيجەلەرىن ۇزدىكسىز بەكەمدەدى.

نىلقى اۋدانى قاراسۋ اۋىلى سەيپىل قىستاعىنىڭ 1- شۋجيى قىزمەت اترەتىنىڭ مۇشەلەرىن باستاپ، ساياسات جاعىنان سۇيەمەلدەپ ۇيرەتۋ، رۋحاني جاقتا جىگەرىن شىڭداۋ، تۇرمىستا سۇيەمەلدەپ، قيىنشىلىعىن شەشۋ، قابىلەت جاعىندا تەحنيكا، ونەرگە باۋلۋ، ەكونوميكالىق جاقتا كاسىپ اشۋىنا كومەكتەسۋ، ٴونىم جاعىندا ساتۋعا كومەكتەسۋ، وقۋ - اعارتۋ جاعىندا وقۋشىلاردى سۇيەمەلدەۋ، دەنساۋلىق جاعىندا ەمدەلۋ قامسىزداندىرۋىنا قاتىناستىرىپ سۇيەمەلدەۋ سياقتى كومەك بەرۋ، سۇيەمەلدەۋ شارالارىن قولدانىپ، قاتىستى ورىندارمەن سەلبەسىپ، سۋ يگىلىگى، قاتىناس نىساندارىنا قول جەتكىزىپ، ساۋداگەر شاقىرۋ ارقىلى 59 ميلليون 230 مىڭ يۋان قارجى ەنگىزىپ، 10 مىڭ مۋ اۋماقتاعى جايىلىمدى قايتا تىڭايتۋ ينجەنەرياسىن اتقارىپ، كەدەيلىكتەن ارىلتۋدان قامال الۋ ناتيجەلەرىن ۇزدىكسىز بەكەمدەپ، اۋىل - قىستاقتى گۇلدەندىرۋدى جاپپاي ىلگەرىلەتتى.

وبلىسقا توتە قاراستى ورىندار ەرەكشە كاسىپ تۇرلەرىن كادەگە جاراتىپ، ٴوندىرۋ، قامداۋ، ساتۋدى ىركىلىسسىزدەندىرىپ، سەلبەستىك كووپەراتيۆتەرىن قۇرىپ، شارۋا وتباسىلارى مەن كاسىپ نىساندارىن تىعىز ۇشتاستىرۋ مەحانيزمىن قالىپتاستىرىپ، اۋىل - قىستاق كاسىپ بازارىنىڭ باسەكەلىك قۋاتىن جانە حاۋىپ - قاتەرگە توتەپ بەرۋ قۋاتىن جوعارىلاتتى. قازىرگە دەيىن وبلىسقا توتە قاراستى ورىنداردا 4 دارەجەلى 197 باستاماشى كاسىپورىن، ٴبىر مىڭ 415 ٴار دارەجەلى، تۇرلىشە شارۋالار سەلبەستىك كووپەراتيۆى قۇرىلدى.

تەكەس اۋدانى شولاقتەرەك قالاشىعى اقتەرەك قىستاعىنىڭ 1 - شۋجيى قىزمەت اترەتىنىڭ مۇشەلەرى جانە قىستاق «ەكى كوميتەتىندەگى» كادرلارمەن بىرگە ٴبىر تۇتاس جوسپار جاساپ، قىستاق دارەجەلى نەگىزگى، باستاماشى كاسىپتەردىڭ قۇرىلىمىن رەتتەپ، «سەرىكتەستىك+سەلبەستىك كووپەراتيۆى+بازا+ ەگىنشى وتباسى» سىندى ساتۋعا قىزمەت وتەۋ ۇلگىسىن اتقارىپ، 3 مىڭ 500 مۋ اۋماقتا الما، ورىك، الحور سياقتى ەرەكشە جەمىس اعاش ەگىمشىلىك بازاسىن قۇرىپ، ساياحات ٴوڭىرى بايلىق ابزالدىعىنا سۇيەنىپ، ورىك گۇلى مەرەكەسىن وتكىزىپ، حالىقتىق تۇسەلحانا اشۋ، توراپ تىكە تارالىمى ارقىلى زات ساتۋ سياقتىلار ارقىلى جەمىس ورماننىڭ ەكونوميكالىق ونىمدىلىگىن كورنەكتىلەندىرىپ، ساتۋ ارناسىن كەڭەيتىپ، بۇكىل قىستاق تۇرعىندارىنىڭ كىسى باسىندىق جىلدىق ورتاشا كىرىسىن 19 مىڭ يۋاننان اسىردى.

موڭعولكۇرە اۋدانى قاراسۋ قالاشىعى اياققى قاراسۋ قىستاعىنىڭ 1- شۋجيى ازىقتىق ساڭىراۋقۇلاعى ەگىمشىلىگىن دامىتۋ نىسانىنا بەلسەنە قول جەتكىزىپ، ۇرىمجىدەگى «گۋشياڭيۋان» ازىقتىق ساڭىراۋقۇلاق ەگىمشىلىگى سەرىكتەستىگىمەن سەلبەسىپ، ساڭىراۋقۇلاق ەگىمشىلىگى بازاسىمەن ازىقتىق ساڭىراۋقۇلاعىن ەگۋ، قامداۋ، ساتۋدى ٴبىر تۇلعالاندىرىپ، ەرەكشە كاسىپتى دامىتۋدىڭ تابىستى جولىنا ٴتۇستى. قازىر بۇل جەردە 27 ساڭىراۋقۇلاق جىلىجايى، 2 بالعىن كۇيدە ساقتاۋ قويماسى، 500 مىڭ دانا ٴبىر رەتتىك ساڭىراۋقۇلاق ەگۋ دورباشاسى بار، بۇل ارادا جۇمىستانعانداردىڭ ٴاربىرىنىڭ وتباسىندىق جىلدىق كىرىسى 40 مىڭ يۋان ارتتى.

وبلىسقا توتە قاراستى ورىندار جاڭاشا كاسىپتىك ەگىنشىلەردى تاربيەلەۋ ينجەنەرياسىن اتقارىپ، الۋان فورمالى، كوپ ارنالى جۇمىستانۋ ورنىن ازىرلەپ، اۋىل - قىستاقتى گۇلدەندىرۋ ٴۇشىن ارناۋلى كاسىپتىك دارىندىلاردى تاربيەلەپ  بەردى. قازىرگە دەيىن 30 ميلليون يۋاننان استام قارجى ٴبولىپ، جاڭاشا كاسىپتىك ەگىنشىلەردەن ٴبىر مىڭ 200 ادامدى تاربيەلەدى.