باس بەتكە قايتۋ | 中文 ىلە اقپارات تورابىنا حوش كەلدىڭىزدەر!
كۇنەس اۋدانى دۋماندى بەينەمەن مەملەكەت مەرەكەسىن قۇتتىقتادى
2021-10-12 12:20:45     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

قىزىل تۋلار جەلبىرەدى، جۇرەكتەر پارتيا دەپ سوقتى

كۇنەس اۋدانى دۋماندى بەينەمەن مەملەكەت مەرەكەسىن قۇتتىقتادى


ٴتىلشىمىز ٴپاتيما، ەرىكتى ٴتىلشى جاڭ جيە حابارلايدى. مەملەكەت مەرەكەسىندە بۇكىل ەلدەگىلەر مەرەكەنى بىرگە تويلادى. 10 - ايدىڭ 1 - كۇنى ٴتىلشى كۇنەس اۋدانىنداعى ٴارقايسى اۋىل، قالاشىق، قىستاقتىڭ (الەۋمەتتىك اۋماق) كوشەلەرگە، اۋلالارعا بەس جۇلدىزدى قىزىل تۋدى ەرتەمەن ٴىلىپ بولعانىن كوردى. نارت قىزىل رەڭ كوشەلەردىڭ كەلبەتىن اسىرىپ، مەملەكەت مەرەكەسىن قۇتتىقتاۋ قويۋ اۋانىن قالىپتاستىردى.

سوربۇلاق قالاشىعىندا كوشە بويىنداعى دۇكەندەرگە، كوشەلەرگە بەس جۇلدىزدى قىزىل تۋ ٴىلىنىپ، بارلىق جەر مەرەكەلىك قويۋ تۇسكە ەندى. نارت قىزىل تۋ كوشە بويىن نۇرلاندىرىپ، ادامدار مەرەكە شاتتىعىنا شومدى.

«ٴبىز مەملەكەت مەرەكەسىن قۇتتىقتاۋ، پارتياعا العىس ايتۋ جاعىندا ٴبىرقىدىرۋ قيمىل جوسپارلاپ، ارناۋلى قارجى اجىراتىپ، مەملەكەت تۋى فورماسىنداعى 28 اشەكەيلى شام ساندىقشاسىن جاساپ، كوپشىلىككە مەرەكەنىڭ قىزۋ دۋمانىن سەزىندىردىك»، - دەدى سوربۇلاق قالاشىعىنىڭ ۇگىت كادرى ۋاڭ ۋىنجيە.

گو جىگاڭنىڭ سوربۇلاق قالاشىعىندا ەرەن بازار اشقانىنا 7 جىل بولدى. بيىلعى مەملەكەت مەرەكەسىندە ول اۋەلگىسىندەي دۇكەن ەسىگىنە مەملەكەت تۋىن ٴىلىپ، وتانشىلدىق سۇيىسپەنشىلىگىن ايگىلەدى. ول تىلشىگە بىلاي دەدى: «ٴار جىلى مەملەكەت مەرەكەسى قارساڭىندا كوپشىلىكتىڭ ٴبارى كوشە بويلارىن تازالاپ، دۇكەندەرىن رەتتەپ، دۇكەندەرىنىڭ الدىنا مەملەكەت تۋىن ىلەدى. مەن ٴوزىمنىڭ جۇڭگولىق بولعاندىعىمدى ەرەكشە ماقتانىش سەزىنەمىن».

ٴتىلشىنىڭ ۇعىسۋىنشا، كوپتەگەن بۇقارا كوشەگە ىلىنگەن مەملەكەت تۋىن كورگەننەن كەيىن وزدەرى ساقتاعان مەملەكەت تۋىن الىپ شىعىپ، ۇيلەرىنىڭ قاقپاسىنا ٴىلىپ، مەملەكەت مەرەكەسىن ٴوز اۋلالارىندا تويلاپتى. كۇنەس قالاشىعى شاقبى اۋزى قىستاعىنىڭ تۇرعىنى چي يۇيچين مەملەكەت مەرەكەسى قارساڭىندا قۋانىشتى كوڭىل كۇيمەن ٴۇيىنىڭ الدىنا مەملەكەت تۋىن ٴىلىپ، وتانعا دەگەن اقجارما تىلەگىن بەينەلەدى.

«قازىر تۇرمىسىمىز جاقسى، اۋىلىمىزدا وراسان زور وزگەرىستەر تۋىلدى، كوپشىلىك مەملەكەتتىڭ ٴتۇرلى ٴتيىمدى ساياساتىنان شىنايى يگىلىكتەنۋدە. مەملەكەت مەرەكەسىندە كوپشىلىك وزدەرىنىڭ وتانعا دەگەن قىزۋ سۇيىسپەنشىلىگى مەن ىزگى تىلەگەن ٴتۇرلى فورمالارمەن بەينەلەدى. وتانىمىزدىڭ گۇلدەنىپ - كوركەيۋىن، بۇقارانىڭ تۇرمىسىنىڭ كۇننەن - كۇنگە جاقسارىپ، باقىتتى بولۋىن  تىلەيمىز»، - دەدى چي يۇيچين.

نەگىزگى اۋەندى اسقاقتاتىپ، وڭ ەنەرگيا تاراتىپ، ٴار ۇلت بۇقاراسىنىڭ وتانشىلدىق قىزۋ سۇيىسپەنشىلىگىن قوزعاپ، كوڭىلدى دە دۋماندى مەملەكەت مەرەكەسىن قۇتتىقتاۋ اۋانىن جاراتۋ ٴۇشىن، كۇنەس اۋدانى داڭعىل - كوشەلەردىڭ ەكى جاعاسىنا قىزىل لەنتالى شام ساندىقشاسىن، مەملەكەت مەرەكەسىن قۇتتىقتاۋ تۇمشالامالى شامدارىن ٴىلىپ، وتان انانىڭ 72 جىلدىق تورقالى تويىنا تارتۋ سيلادى.