ەرىكتى ٴتىلشى حى جىحۇڭ حابارلايدى. 11 - ايدىڭ 17 - كۇنى وبلىستىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى ليۋ شينلي باسقارۋىنداعى تاراۋلاردىڭ باسشىلىق القاسىنداعىلاردىڭ نازاريا ۇيرەنۋ وزەكتى گرۋپپاسىنداعىلاردى ۇيىمداستىرىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن جەتكىزدى، ۇيرەندى. 

بارلىق ۇلى جەتىستىكتەر تىنباي كۇرەسۋدىڭ ناتيجەسى. وبلىستىق پارتكوم ساياسي - زاڭ كوميتەتىنىڭ، توراپ - ينفورماتسيا قىزمەتى كوميتەتىنىڭ، وقۋ - اعارتۋ قىزمەتى كوميتەتىنىڭ، سونداي - اق ادەبيەت - كوركەمونەرشىلەر بىرلەستىگىنىڭ باسشىلىق القاسىنداعىلار مەن اۋدان، باسقارما دارەجەلى باسشى - كادرلارى ٴبىر اۋىزدان بىلاي دەپ قارادى: پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە جاپپاي قورىتىندىلانعان پارتيانىڭ ٴجۇز جىلدىق كۇرەسى بارىسىندا قول جەتكىزگەن كەلەلى تابىستارى مەن تاريحي تاجىريبەلەرى تۇتاس پارتياداعىلاردىڭ اقىل - پاراساتتى ارتتىرىپ، ىنتىماقتى نىعايتىپ، سەنىمدى بەكەمدەپ، جىگەردى شىڭداۋىن ىلگەرىلەتىپ، بۇرىنعىلار ىسىنە مۇراگەرلىك ەتىپ، بولاشاققا جول اشۋ بارىسىنداعى ۇلى ىستەردى جەبەۋىنە ٴتيىمدى بولدى. 

جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ٴماجىلىسىنىڭ مازمۇنداماسىن، «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» جانە باس شۋجي شي جينپيڭنىڭ «جۇڭگو كوممۋنيستىك پارتياسى ورتالىق كوميتەتىنىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» جونىندەگى تۇسىنىكتى ۇيرەنگەننەن كەيىن ماجىلىسكە قاتىناسقان كادرلار بىلاي دەپ قارادى: جالپى ٴماجىلىس مازمۇنداماسى مەن قارارىنىڭ مازمۇنى باي، ٴمانى تەرەڭ، ادامدى جەلپىندىرەدى، ٴبىزدىڭ بۇدان بىلايعى ٴبىر مەزگىلدەگى قىزمەتتەردى ويداعىداي ىستەۋىمىزدى ٴتۇبىرلى نەگىزبەن قامدادى. 

كوپشىلىك ٴبىر اۋىزدان مىنانى ٴبىلدىردى: بۇدان كەيىن ۇيرەنۋدى ۇزدىكسىز تەرەڭدەتىپ، جاۋاپكەرلىكتى كۇشەيتىپ، قيىندىقتارعا قارسى ەكپىندەي العا ىلگەرىلەپ، جالپى ٴماجىلىس پەن قارار رۋحىن باتىل دايەكتىلەندىرىپ جانە تياناقتاندىرىپ، «ەكىنى تىكتەۋدى» «ەكىنى قورعاۋدىڭ» يدەيالىق ىرىقتىلىعىنا، ساياسي ىرىقتىلىعىنا، ارەكەت ىرىقتىلىعىنا شىنايى اينالدىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن كەمەلدى، دۇرىس دايەكتىلەندىرىپ، نازاردى قوعام  ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، وتانىمىزدىڭ باتىس سولتۇستىك بولەگىن باتىل قورعاپ، ىلە ەكونوميكاسىنىڭ جوعارى ساپادا دامۋى ٴۇشىن حاۋىپسىز، ورنىقتى قوعامدىق ورتا جاراتۋعا ۇلەس قوسامىز. 

ماجىلىستەن كەيىن ٴارقايسى ورىندار پارتيا ياچەيكاسىن بىرلىك ەتىپ، مازمۇندامانى، قاراردى جانە تۇسىندىرمەنى ىشكەرىلەي ۇيرەنۋگە ۇيىمداستىرىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ قىزۋ ورلەۋىن كوتەردى.