سۋرەتتە: ديقان تەحنيكتەر ەگىمشى وتباسىلارىنا كوكونىس دەرت - دەربەزىنەن قالاي ساقتانۋ جونىندە جەتەكشىلىك ەتۋدە. 

مىڭ شيا فوتوسى

ٴتىلشىمىز مىڭ شيا حابارلايدى. قازىر جىلىجايداعى قالامشالاردى باپتاۋ مەن كوكونىستى بازارعا شىعارۋدىڭ شەشۋشى مەزگىلى، قۇلجا قالاسى داردامتى قالاشىق پارتكومى وسى قالاشىقتاعى ۋاڭدا كوكونىس سەلبەستىك كووپەراتيۆىمەن بىرلەسىپ، پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحى مەن قولدانىلمالى تەحنيكا بىلىمدەرىن اتىز باسىندا كوكونىس ەگىمشىلەرىنە ۇگىتتەپ، كوكەيگە ۇيالاتتى.

11 - ايدىڭ 26 - كۇنى وسى قالاشىقتىڭ لاستاي قىستاعىنداعى ديقان ياڭ شيۋفاڭنىڭ قيار جىلىجايىندا تەحنيك شيۇڭ جىميڭ وعان قياردى دەرت ـ دەربەزدەن قالاي ساقتاۋ جونىندە جەتەكشىلىك ەتتى.

جاقىنعى كۇندەردەن بەرى وسى قالاشىقتاعى ديقان تەحنيكتەر بۇكىل قالاشىقتاعى ٴبىر مىڭ 560 جىلىجايدا ەگىمشىلىك وندىرىسىنە جەتەكشىلىك ەتتى، كوكونىس ەگىمشىلەرى جالپى ٴماجىلىس رۋحىن ۇيرەنگەننەن كەيىن، مامانداردىڭ قىستا كوكونىس باپتاۋ تەحنيكاسى جونىندەگى لەكسياسىن تىڭدادى.

داردامتى قالاشىعى قالا بويىنشا ەڭ ۇلكەن قۇرىلعىلى اۋىل شارۋاشىلىق كوكونىس بازاسى رەتىندە تۇتاس قالانى كوكونىسپەن قامداۋ مىندەتىن ۇستىنە العان. قالاشىق پارتكومى پارتيا 19 ـ كەزەكتى ورتالىق كوميتەتى التىنشى جالپى ٴماجىلىسىنىڭ رۋحى جونىندەگى ۇگىت ـ لەكسيانى قىسقى كوكونىس ٴوندىرىسى، تەحنيكالىق ورەنى جوعارىلاتۋمەن ورگانيكالى ۇشتاستىرىپ، تەحنيكالىق جاقتان كوكونىس ەگىمشىلەرىنە كىرىستى ارتتىرىپ، اۋقاتتانۋ تەحنيكالىق بىلىمدەرىن جەتكىزىپ، ساياسات ارقىلى جەتەكشىلىك ەتىپ، ولاردى الاڭنان ارىلتتى.