ٴتىلشىمىز حۋاڭ يان حابارلايدى. «پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، <ەكىنى تۇراقتاندىرۋدىڭ> شەشۋشى ماڭىزىن جەتە تانىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، رۋحاني ٴمانىن جەتە ٴتۇسىنىپ، وزەكتى ٴمانىن يگەرىپ، تارتىمدى ەتىپ ٴتۇسىندىرۋ ٴارى جاڭا ٴمانىن ايقىن ۇعىندىرۋ كەرەك» دەدى 12 ـ ايدىڭ 13 ـ كۇنى قۇلجا قالاسى قارتتار ۇگىت ـ لەكسيا ۇيىرمەسىنىڭ باستىعى ۋاڭ چىڭجۇن.
سول كۇنى قۇلجا قالاسى قارت كادرلار قيمىل ورتالىعىندا ۋاڭ چىڭجۇن زەينەتكە شىققان قارت كادرلارعا ۇگىت - لەكسيا جاسادى.
ۇگىت ـ لەكسيادا ۋاڭ چىڭجۇن باي مازمۇندى پارتيا تاريحىمەن، ناقتى ساندى مالىمەتپەن ۇشتاستىرا وتىرىپ، جالپى ٴماجىلىس رۋحىن ٴتۇسىندىرىپ بايىمداپ، پارتيالى كادرلاردىڭ جالپى ٴماجىلىس رۋحى جونىندەگى تۇسىنىگىن اناعۇرلىم تەرەڭدەتتى.
بىرنەشە كۇننەن بەرى قۇلجا قالاسى قارتتار ۇگىت - لەكسيا ۇيىرمەسى ەرەكشە قاربالاستىققا ٴتۇسىپ، پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، ۇگىت - لەكسيا تەزيسىن جازۋ، قىستاققا (الەۋمەتتىك اۋماق) بارىپ ۇگىت - لەكسيا جاساۋ سياقتىلارمەن قاۋىرت اينالىستى. رۋحى كوتەرىڭكى 22 قارتتان ۇيىمداسقان بۇل ۇگىت - لەكسيا ۇيىرمەسى ارناۋلى تاقىرىپتا ۇگىت - لەكسيا جاساۋ، شوعىرلى ۇيرەنۋ، نەگىزگى ساتىعا بارىپ كەڭ كولەمدە لەكسيا جاساۋ سياقتى كوپ ٴتۇرلى ٴادىس ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ قىزۋ ورلەۋىن جەدەل كوتەردى. سونىمەن بىرگە، ولار نەگىزگى ساتىعا ىشكەرىلەي بارىپ، قاراپايىم، ۇعىنىقتى ٴتىل، جاندى مىسالدارمەن باي مازمۇندى ۇگىت ـ لەكسيا قيمىلدارىن ورىستەتىپ، جالپى ٴماجىلىس رۋحىنىڭ بۇقاراعا تولىق جەتكىزىلىپ، جۇرت جۇرەگىنە تەرەڭ ۇيالاۋىن ىلگەرىلەتتى.
«حالىق ٴۇشىن قىزمەت ىستەپ، تاعى دا تىڭ ۇلەس قوسۋعا كۇش - قۋاتىمدى ايامايمىن» دەدى قۇلجا قالاسىنداعى زەينەتكەر جاڭ جيجىڭ. ۇگىت ـ لەكسيا قيمىلىنان تەرەڭ شابىت العان زەينەتكە شىققان ساقا كادرلار ٴبىر اۋىزدان مىنانى ٴبىلدىردى: «پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، بۇقاراعا قىزمەت وتەپ، رولىمىزدى ساۋلەلەندىرە ٴتۇسىپ، تاعى دا تىڭ ۇلەس قوسامىز».
«ۇگىت ـ لەكسيا ۇيىرمەسى مۇشەلەرىنىڭ ۇگىت ـ لەكسياسىن تىڭداپ اسەرلى سەزىمگە بولەندىم. مەن قىستاق تۇرعىندارىن باستاپ جالپى ٴماجىلىستىڭ رۋحىن ويداعىداي ۇيرەنىپ، ۇگىتتەپ، تياناقتاندىرىپ، جالپى ٴماجىلىس رۋحىنىڭ باسكوپىر قىستاعىندا تياناقتانىپ، تامىر تارتۋىنا مۇمكىندىك جاراتامىن» دەدى قۇلجا قالاسى حانبيڭ اۋىلى باسكوپىر قىستاعى پارتيا ياچەيكاسىنىڭ شۋجيى شەرزات ٴدىلمۇرات.
«ۇگىت ـ لەكسيا وتە جاندى بولدى، بارلىعىمىز پارتيانىڭ ابزال ساياساتىنىڭ يگىلىگىن كورۋشىلەرمىز، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسسەك، تۇرمىسىمىز، ٴسوز جوق، بارعان سايىن جاقسارادى» دەدى باسكوپىر قىستاعىنداعى پارتيا مۇشەسى ابدۇجالەل ابىلەز.
ۇعىسۋعا قاراعاندا، پارتيا تاريحىن ۇيرەنۋ تاربيەسىن جەبەۋ ٴۇشىن، بيىل جىل باسىنان بەرى قۇلجا قالالىق پارتكوم قارت كادرلار مەكەمەسى ۇگىت ـ لەكسيا جاساۋ دەڭگەيىن اناعۇرلىم جوعارىلاتىپ، ۇگىت ـ لەكسيا «تىزىمدىگىن» جاساپ، قىزىل رۋحتى اسقاقتاتا جىرلاۋ ورلەۋىن كوتەرىپ، ساقا كادر كۋرسانتتار اراسىنان ٴبىر توپ لەكسياشى تاربيەلەپ، ولاردى نەگىزگى ساتىعا، الەۋمەتتىك اۋماقتارعا، بۇقارا اراسىنا بارىپ ۇگىت ـ لەكسيا جاساۋعا جۇمىلدىرعان.
«ساياسي ساپاسى جاقسى، نازاريالىق دەڭگەيى جوعارى، ۇگىت - لەكسيا جاساۋ قابىلەتى كۇشتى زەينەتكەر كادرلاردى سارالاپ، <قارتتار ۇگىت - لەكسيا ۇيىرمەسىن> ۇيىمداستىرىپ، ىشكەرىلەي نەگىزگى ساتىعا بارىپ ۇگىت - لەكسيا ورىستەتۋدەگى ماقساتىمىز - قالىڭ كادرلار مەن بۇقارانى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇزدىكسىز تەرەڭ ٴتۇسىنۋ جانە يگەرۋگە تاربيەلەپ، جەتەكتەپ، ۇنەمى ۇيرەنۋ، جاڭارۋ بارىسىندا نازاريالىق تاربيەلەنۋدى كۇشەيتۋ بولىپ تابىلادى» دەدى قۇلجا قالالىق پارتكوم قارت كادرلار مەكەمەسىنىڭ كادرى جاڭ چۇنچۇن.