ٴتىلشىمىز يان جيانشيا، ەرىكتى ٴتىلشى لي جينمەي حابارلايدى. جاقىنعى كۇندەردەن بەرى تەكەس اۋدانىنداعى ٴارقايسى تاراۋلار، ورىندار ۇلگىدە جاڭالىق اشىپ، مازمۇندى بايىتىپ، ميكرو پارتيا ساباعى، تالقى ورىستەتۋ، «كىشى مازار ساباقحاناسى» ارقىلى پارتيا 19 - كەزەكتى ورتالىق كوميتەتى التىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋدىڭ قىزۋ ورلەۋىن كوتەرىپ، جالپى ٴماجىلىس رۋحىن جۇرت كوكەيىنە ۇيالاتتى.

جۋىردا تەكەس اۋداندىق پارتكوم پارتيا مەكتەبىنىڭ 2021 - جىلعى كۇزگى ورتا جاس، جاس كادرلاردى تاربيەلەۋ كۋرسىنداعى 41 كۋرسانت شولاقتەرەك قالاشىعى قىزىلقورا قىستاعىنداعى توڭكەرىستىك پارتيالىلىق تاربيە بازاسىنا بارىپ، «كىشى مازار ساباقحاناسى» ارقىلى ۇزدىك تيپتەردىڭ جالپى ٴماجىلىس رۋحى جونىندەگى ۇگىت - لەكسياسىن تىڭدادى.

توڭكەرىستىك پارتيالىلىق تاربيە بازاسىندا كۋرسانتتار نارت قىزىل پارتيا تۋى الدىندا اۆتونوميالى رايوندىق ۇزدىك پارتيا مۇشەسى ٴدىلشات اۋكەن ۇلىنىڭ جاقىنعى جىلداردان بەرى پارتيانىڭ باسشىلىعىندا مالشىلار تۇرمىسىندا تۋىلعان زور وزگەرىستەر جونىندەگى ۇگىت - لەكسياسىن تىڭدادى.

سول كۇنى پارتيا مەكتەبىنىڭ مۇعالىمى جاڭ ۋەيكۇن كوپشىلىككە «تەكەس رۋحىنا ماداق» تاقىرىبىندا ميكرو پارتيا ساباعىن سويلەدى. كۋرسانت شيڭ شيا بىلاي دەدى: «جاس كادر بولۋ سالاۋاتىممەن كوڭىلىمدى ورنىقتىرىپ، حالىق ٴۇشىن قىزمەت ەتۋگە كۇش سالىپ، ٴوز قىزمەت ورنىمدا تاباندىلىقپەن ىستەپ، كوممۋنيستەردىڭ كۇرەس جۇرگىزۋ رۋحىن ماڭگى جادىمدا ساقتايمىن». كۋرسانتتار تۇس - تۇستان مىنانى ٴبىلدىردى: يدەيا مەن ارەكەتتى جالپى ٴماجىلىس رۋحىمەن بىرلىككە كەلتىرىپ، پارتيانىڭ 100 جىلدىق كۇرەس تاريحىنان اقىل - پاراسات پەن كۇش - قۋات الىپ، حالىقتى وزەك ەتۋگە تاباندى بولىپ، قاجىرلى دا شىنايى ىستەپ، باتىلدىقپەن العا ۇمتىلىپ، ٴوز قىزمەتىمىزدى تاسقىنداعان جىگەرمەن ويداعىداي ىستەپ، جاۋاپكەرلىگىمىزدى كۇشەيتىپ، جالپى ٴماجىلىس رۋحىنىڭ تياناقتانۋىنا، تامىر تارتۋىنا كەپىلدىك ەتەمىز».