汉文 ىلە اقپارات تورابىنا حوش كەلدىڭىزدەر!
قۇلجا اۋدانى 34 كەلەلى نىساندا شوعىرلى جۇمىستى قالپىنا كەلتىردى جانە باستادى
2022-03-22 12:43:30     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ەرىكتى ٴتىلشى ۋاڭ زىشۋان حابارلايدى. 3 - ايدىڭ 17 - كۇنى قۇلجا اۋدانى 2022 - جىلدىڭ 1 - توقسانىنداعى كەلەلى نىسانداردا شوعىرلى جۇمىستى قالپىنا كەلتىرۋ، جۇمىس باستاۋ سالتىن وتكىزىپ، 34 كەلەلى نىساندا شوعىرلى جۇمىستى قالپىنا كەلتىرگەن جانە باستاعان.

تاياۋ جىلداردان بەرى قۇلجا اۋدانى جاڭا دامۋ ۇستانىمىن جاپپاي دايەكتىلەندىرىپ، نىسان قۇرىلىسىن ەكونوميكانىڭ ارتۋىن جەبەۋدىڭ، دامۋ نەگىزىن بەكەمدەۋدىڭ، حالىق تۇرمىسىن قامتاماسىز ەتۋدىڭ، جاقسارتۋدىڭ ماڭىزدى تۇتقاسى ەتۋدەن جازباي، ٴبىر توپ ٴتۇيىندى نىساندى دەن قويا اتقارىپ جانە قۇرىپ، تۇتاس اۋداننىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە پارمەندى تىرەك ازىرلەگەن. وسى رەت جۇمىستى شوعىرلى باستاعان 34 ٴتۇيىندى نىسانعا جالپى 9 ميلليارد 490 ميلليون يۋان قارجى قوسىلىپ، بۇل قالا، اۋىل قۇرىلىسى، كاسىپتىڭ تيبىن وزگەرتۋ، حالىق تۇرمىسى ىستەرى، ەكولوگيالىق ورتانى قورعاۋ، قاتىناس، سۋ يگىلىگى، مادەنيەت، ساياحات سياقتى كوپ سالانى قامتىعان، تۇتاس اۋداننىڭ كاسىپ تيبىن وزگەرتۋ، دارەجەسىن جوعارىلاتۋ، اۋىل - قىستاقتى گۇلدەندىرۋ، قالا ساپاسىن جوعارىلاتۋ، بۇقارانىڭ تۇرمىسىن جاقسارتۋ جونىنەن توتەنشە ماڭىزدى مانگە يە.

قۇلجا اۋدانى وسى رەتكى شوعىرلى جۇمىس باستاۋدى وراي ەتىپ، نىسان قۇرىلىسىن جوعارى كۇشەمەلىلىكپەن ىلگەرىلەتىپ، نىسان ورىندارىن قۇرىلىس جۇرگىزۋدىڭ التىن مەزگىلىن مىقتى يگەرۋگە جەتەكتەپ، قۇرىلىس قارقىنىن جەدەلدەتىپ، نىسانداردىڭ ەرتەرەك سالىنىپ بولۋىنا، ەرتەرەك وندىرىسكە قوسىلۋىنا، ەرتەرەك ونىمدىلىك جاراتۋىنا قول جەتكىزبەك ەكەن.

قۇلجا اۋداندىق دامۋ جانە رەفورما كوميتەتىنىڭ ورىنباسار مەڭگەرۋشىسى شۇي ۋىنشيڭ بىلاي دەدى: «بيىل قۇلجا اۋدانى 67 زاپاس نىساندى جوسپارلاپ، جالپى 31 ميلليارد 700 ميلليون يۋان قارجى قوسىپ، 11 ميلليارد 400 ميلليون يۋان قارجى قوسۋدى جوسپارلادى. ٴبىرىنشى توقساندا جۇمىستى قالپىنا كەلتىرگەن، باستاعان 34 نىسانعا 4 ميلليارد 220 ميلليون يۋان قارجى قوسۋدى جوسپارلاپ، ٴبىرىنشى توقسانداعى باستامانىڭ جاقسى بولۋىنا بەرىك نەگىز قالاندى».

قۇلجا اۋدانىنىڭ جاڭاشا قالا - قالاشىقتاندىرۋ جاعىنداعى گۇڭيۋە اۋماعىن اشۋ قۇرىلىس نىسانى وسى رەتكى 34 ٴتۇيىندى نىساننىڭ ٴبىرى سانالادى. بۇل نىسان جاڭادان سالىناتىن قوناق ٴۇي، تاۋار ٴۇي، ساۋدا جالپىلىق تۇلعاسى، مەكتەپ، بالالار باقشاسى، جولاۋشىلار تاسىمال بەكەتى، باقشا، اۆتوكولىك توقتاتۋ الاڭى سياقتىلاردى قامتىعان جالپىلىق قۇرىلعى نىسانى. نىساننىڭ جالپى يەلەگەن جەر اۋماعى 460 مۋ، جالپى قۇرىلىس اۋماعى 190 مىڭ شارشى مەتر، جالپى 660 ميلليون يۋان قارجى قوسىلعان، بيىل 300 ميلليون يۋان قارجى قوسۋ جوسپارلانعان. ىلە تونيڭ قالا - قالاشىق قۇرىلىسىنا قارجى قوسۋ، تيجارات جۇرگىزۋ شەكتى سەرىكتەستىگىنىڭ باس ديرەكتورى ياڭ شياۋحۋ بىلاي دەدى: «سەرىكتەستىگىمىز وسى نىساندى اتقارۋدىڭ نەگىزگى تۇلعاسى رەتىندە، قۇلجا اۋدانىنىڭ ورتالىق قالا رايونىنىڭ ورنالاسۋىمەن ۇشتاستىرىپ، وسى نىسانعا مىعىم تەحنيكالىق كۇش دايىنداپ، جان - جاقتى قۇرىلىس جوسپارىن جاساپ، مەملەكەت مەنشىگىندەگى كاسىپورىن ابزالدىعىن ساۋلەلەندىرىپ، جاۋاپكەرلىگىن ايگىلەپ، مەملەكەت مەنشىگىندەگى كاسىپورىننىڭ بەت - بەينەسىن بەينەلەپ، نىساننىڭ ەرتەرەك سالىنىپ، پايدالانۋعا بەرىلۋىنە كەپىلدىك ەتىپ، ەكونوميكالىق، قوعامدىق ونىمدىلىكتى تەز ارادا جۇزەگە اسىرادى».