ەرىكتى تىلشىلەر جاڭ جىڭبين، قاستەر حابارلايدى. 3 - ايدىڭ 17 - كۇنى تەكەس اۋدانى 2022 - جىلدىڭ 1 - توقسانىنداعى نىسانداردا جۇمىستى شوعىرلى قالپىنا كەلتىرۋ، باستاۋ سالتىن وتكىزدى.

وسى رەت جۇمىس شوعىرلى قالپىنا كەلتىرگەن،  جۇمىس باستاعان نىساندار ساياحات، وقۋ - اعارتۋ، ەمدەۋ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋ سياقتى كوپتەگەن كاسىپ سالالارىنا سايادى. نىساننىڭ سالىنۋى تەكەس اۋدانىنىڭ ەكونوميكاسىنىڭ، قوعامىنىڭ دامۋىنا تىڭ ومىرشەڭدىك كۇش قوسىپ، جاڭا قوزعاۋشى كۇش توپتايدى. تەكەس اۋدانى وسى رەتكى جۇمىستى شوعىرلى قالپىنا كەلتىرۋ، باستاۋدى وراي ەتىپ، «بارلىق ادام نىسان جوبالاۋ، بارلىق ادام نىسانعا كوڭىل ٴبولۋ، بارلىق ادام نىسانعا قىزمەت وتەۋ» سىندى قويۋ راي قالىپتاستىرىپ، تۇتاس اۋداندا جاڭا كەزەكتى ساۋداگەر شاقىرۋ، قارجى ەنگىزۋ جانە نىسان قۇرىلىسى ورلەۋىن كوتەردى.

جۇمىسى شوعىرلى قالپىنا كەلتىرىلگەن  10 ٴتۇيىندى نىسانعا 2 ميلليارد 519 ميلليون يۋان قارجى قوسىلادى، جىلدىق جوسپاردا ٴبىر ميلليارد 47 ميلليون يۋان قارجى قوسۋ كوزدەلگەن. مۇنىڭ ىشىندە كوپ ٴتۇرلى جەمىس ونىمدەرىن جىنتىكتەي مانەرلەۋ نىسانى − وسى رەتكى جاڭادان جۇمىس باستاعان كەلەلى نىسان، مانەرلەۋ كاسىپ باقشاسىنىڭ يەلەگەن جەر اۋماعى 60 مىڭ شارشى مەتردەن اسادى، جالپى قۇرىلىس اۋماعى 30 مىڭ شارشى مەتردەن اسادى، بۇعان 120 ميلليون يۋان قارجى قوسىلادى، بۇل مانەرلەۋ، سەزىنۋ، تاماشالاۋ ٴبىر تۇلعالانعان جەمىس ونىمدەرىن مانەرلەۋدەن ۇلگى كورسەتۋ باقشاسى؛ الداعى 3 - 5 جىلدا 3 ميلليارد يۋاندىق 3 - كاسىپتىڭ توعىسپالى ٴونىم قۇنىن جۇزەگە اسىرۋعا كۇش سالىنباق.

شينجياڭ جۇڭيۋان جەمىس شارۋاشىلىعى عىلىم - تەحنيكا شەكتى سەرىكتەستىگىنىڭ باس ديرەكتورى گاۋ بيڭ بىلاي دەپ تانىستىردى: سەرىكتەستىك نىسان قۇرىلىسىن جەدەلدەتىپ، «ساياحات +» ۇلگىسى ارقىلى 1 -، 2 -، 3 - كاسىپتەردىڭ توعىسپالى دامۋىن ىلگەرىلەتىپ، تەكەس اۋدانى ەكونوميكاسىنىڭ جوعارى ساپالى دامۋىنا جانە اۋىل - قىستاقتىڭ گۇلدەنۋىنە دەم بەرەدى.

تەكەس اۋداندىق ساۋدا جانە ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى دۋ شياۋجياڭ بىلاي دەپ تانىستىردى: وسى رەتكى نىسانداردىڭ جاپپاي ىسكە قوسىلۋى، اسىرەسە، اۋىل شارۋاشىلىعىنا ساياتىن نىساندار تۇتاس اۋداننىڭ اۋىل شارۋاشىلىق ونىمدەرىن جىنتىكتەي مانەرلەۋىندە، اۋىل شارۋاشىلىعىن كاسىپ سالالاندىرا دامىتۋىندا اسا ماڭىزدى رول اتقارادى، وسىلايشا اۋىل شارۋاشىلىعىن دامىتۋدى، شارۋالاردىڭ كىرىسىن ارتتىرۋدى ونان ارى جەبەۋگە بولادى.