ەرىكتى ٴتىلشى جۋ تيڭ حابارلايدى. 3 - ايدىڭ 17 - كۇنى توعىزتاراۋ اۋدانى 2022 - جىلعى ٴبىرىنشى توقسانداعى كەلەلى نىسانداردىڭ جۇمىسىن شوعىرلى قالپىنا كەلتىرۋ، جۇمىس باستاۋ سالتىن وتكىزدى.

سول كۇنى توعىزتاراۋ اۋدانىنداعى شينياۋ الاڭى مەن اۋداندىق شاڭيۋان شاعىن رايونىنىڭ قۇرىلىس نىسانىندا دا رەسمي جۇمىس باستالدى.

بيىل توعىزتاراۋ اۋدانى نىسان قۇرىلىستارىن جاپپاي ىلگەرىلەتىپ، 1 -، 2 -، 3 - كاسىپتەردى، ٴىرى، شاعىن نىسانداردى توعىسپالى دامىتۋعا تاباندى بولىپ، تۇتاس اۋداندا نىسان قۇرىلىستارىنا كوڭىل ٴبولۋ، قولداۋ كورسەتۋ، ات سالىسۋ، قىزمەت ەتۋ سىندى تاماشا راي قالىپتاستىرىپ، نىسان قۇرىلىستارىن جەدەلدەتىپ، نىسان قۇرىلىستارىنىڭ حاۋىپسىزدىگىن كۇشەيتىپ، نىساندارعا قىزمەت ەتۋدى جان - جاقتى، كۇن - ٴتۇن دەمەي، جالپى بارىس بويىنشا مىقتى يگەرىپ، نىسانداردىڭ ەرتە سالىنۋىن، ەرتە وندىرىسكە قوسىلۋىن، ەرتە ونىمدىلىك جاراتۋىن ىلگەرىلەتتى. سونىمەن بىرگە، كەلەلى نىسان قۇرىلىستارىنىڭ ارتۋدى ورنىقتىرۋداعى، قۇرىلىمدى رەتتەۋدەگى، حالىق تۇرمىسىنا تيىمدىلىك جەتكىزۋدەگى تىرەكتىك رولىن شىنايى ساۋلەلەندىرىپ، نىسان قۇرىلىستارى ارقىلى تۇتاس اۋداننىڭ دامۋ نەگىزىن بەكەمدەپ، قوزعاۋشى قۋاتتى كۇشەيتىپ، ەكونوميكانىڭ جوعارى ساپالى دامۋىن ىلگەرىلەتەدى.

بيىل توعىزتاراۋ اۋدانى 6 ميلليارد 700 ميلليون يۋان قارجى قوسىپ، 100 دەن استام جاڭا جانە جالعاستى سالىناتىن نىسانداردى اتقارۋدى جوسپارلاپ وتىر ەكەن. ۇعىسۋعا قاراعاندا، سول كۇنگى جۇمىس باستاۋ سالتىندا 40 نىساندا جۇمىستى شوعىرلى قالپىنا كەلتىرىپ جانە جۇمىس باستاپ، بۇعان 3 ميلليارد 828 ميلليون يۋان قارجى قوسۋ جوسپارلانىپ، ٴبىرىنشى توقساندا 297 ميلليون يۋان قارجى قوسۋ مەجەلەنۋدە ەكەن.