汉文 ىلە اقپارات تورابىنا حوش كەلدىڭىزدەر!
ىلە اراق كاسىبى نىسان قۇرىلىسى «ىلە قارقىنىن» ايگىلەدى
2022-03-26 12:05:57     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

جۇمىس باستاۋدان وندىرىسكە قوسىلعانعا دەيىن تەك 5 اي عانا ۋاقىت جۇمسالدى

ىلە اراق كاسىبى نىسان قۇرىلىسى «ىلە قارقىنىن» ايگىلەدى


ٴتىلشىمىز لۋ جۇڭ حابارلايدى. 3 - ايدىڭ 15 - كۇنى كەشتە سەبەزگى جاڭبىر جاۋىپ، اۋارايى شىڭىلتىر بولسا دا ىلە اراق شارۋاشىلىعى شەكتى جاۋاپكەرلىك سەرىكتەستىگىنىڭ قۇرىلىس ورنى ەڭبەك دۋمانىنا بولەندى. 

«نىساننىڭ 5 - ايدىڭ 20 - كۇنى ۋاعىندا اياقتاۋىنا كەپىلدىك ەتۋ ٴۇشىن، كوكتەم مەرەكەسىندە دە جۇمىس توقتاتپادىق، جۋىقتان بەرى جاۋىن - شاشىن تولاستاماي، قۇرىلىس جۇرگىزۋگە بەلگىلى ىقپال جاساعانىمەن، ٴبىز ٴتيىمسىز اسەردى جەڭىپ، وزىمىزگە جىگەر بەرىپ، نىسان اياق الىسىن مىقتى يگەردىك» دەدى ىلە اراق شارۋاشىلىعى شەكتى جاۋاپكەرلىك سەرىكتەستىگى نىسان قۇرىلىسىنىڭ جاۋاپتىسى ياڭ ۋيۋي تىلشىگە. 

ىلە اراق كاسىبى شەكتى جاۋاپكەرلىك سەرىكتەستىگى (تومەندە قىسقارتىلىپ ىلە اراق كاسىبى دەلىنەدى) نىسانىنىڭ يەلەگەن جەر اۋماعى 677 مۋ، جالپى قوسىلعان قارجى 2 ميلليارد 32 ميلليون يۋان بولىپ، وڭتۇستىك، سولتۇستىك ەكى ٴىرى وزەكتى زاۆود رايونىن، 27 زاۆود ٴۇيىن سالۋ جوسپارلانعان، قۇرىلىس اۋمامى 220 مىڭ شارشى مەترگە جەتەدى. مۇنىڭ ىشىندە ٴبىرىنشى مەرزىمدىك نىسانعا جالپى ٴبىر ميلليارد 500 ميلليون يۋان قارجى قوسىلىپ، نەگىزىنەن اراق اشىتۋ سەحى جانە اشتقى اراق جاساۋ سەحى، قوراپتاۋ سەحى، اق اراق قويماسى سياقتى 17 زاۆود ٴۇيى سالىنادى. ٴبىرىنشى مەرزىمدىك نىسان وندىرىسكە قوسىلعاننان كەيىن جىلىنا 11 مىڭ توننا ساپ اراق ٴوندىرىپ، جىلدىق ساتىلىم كىرىسى ٴبىر ميلليارد يۋان اينالاسىندا بولادى ەكەن. 

كەزەكتە ىلە اراق كاسىبىنىڭ 1 - مەرزىمدىك نىسانىنا 600 ميلليون يۋان قارجى قوسىلعان، مۇنىڭ ىشىندە بايىرعى زاۆود رايونىنىڭ قويۋ حوش ٴيىستى اراق اشىتۋ سەحىنىڭ تەحنيكالىق وزگەرتۋ نىسانى سالىنىپ بولىپ وندىرىسكە قوسىلعان، سونداي - اق 2021 - جىلى 12 - ايدىڭ 30 - كۇنى ٴبىرىنشى اراق ۇراسىنىڭ ٴبىرىنشى قازانىنان 430 كيلوگرام ساپ اراق ٴساتتى وندىرىلگەن. جۇمىس باستاعاننان وندىرىسكە قوسىلعانعا دەيىن نەبارى 5 اي عانا ۋاقىت جۇمسالىپ، سول جىلى جوبالاۋدى، سول جىلى قۇرىلىس جۇرگىزۋدى، سول جىلى وندىرىسكە قوسۋدى، سول جىلى اراق شىعارۋدى جۇزەگە اسىرعان. قازىر قويۋ حوش ٴيىستى اراق سەحىنىڭ جەكە اراق ۇراسىنىڭ ٴونىم مولشەرى 400 كيلوگرامنان اسىپ، ونداعى جالپى ەستەر قىشقىلى مەملەكەتتىڭ ساپالى ولشەمىنەن جوعارى بولعان. 

ياڭ ۋيۋي بىلاي دەدى: «اۆتونوميالى وبلىستىق پارتكوم، ۇكىمەت ىلە اراق كاسىبى نىسانى قۇرىلىسىن ەكونوميكانى دامىتۋداعى ماڭىزدى ينجەنەريالاردىڭ ٴبىرى ەتىپ، باسشىلار كوتەرمەگە الىپ بايلانىس جاساۋ، مەرزىمدى ورنالاستىرۋ جاساۋ، شايقاستى اشىق اشكەرە قاداعالاۋ، نىسان رەسمياتىن بىرلەسىپ تەكسەرۋ، بىرلەسىپ بەكىتۋ سياقتى ٴبىر قىدىرۋ شارالار ارقىلى ٴبىر تۇتاس جوسپارلاپ ورنالاستىرۋدى كۇشەيتتى. قاتىستى تاراۋلاردىڭ زور كۇشپەن سۇيەمەلدەۋىندە، ىلە اراق كاسىبى نىسانى جوبالاۋدان جۇمىس باستاۋعا دەيىن ٴبىر جارىم اي ۋاقىت جۇمساپ، اۆتونوميالى وبلىستىڭ ٴتۇيىندى كاسىپ نىسانى قۇرىلىسىنىڭ رەكوردىن جاڭالادى. كەزەكتە، 1 - مەرزىمدىك نىساندا سولتۇستىك زاۆود رايونىنىڭ 1 -، 2 -، 3 - ٴنومىرلى اراق اشىتۋ سەحى جانە 1 - ٴنومىرلى اق اراق قويماسى، لاس سۋدى ٴبىر جاقتى ەتۋ پۋنكتى جانە وعان تاۋەلدى جابدىق ۇيلەرىنىڭ نەگىزگى تۇلعالىق قۇرىلىسى سالىنىپ بولدى؛ وڭتۇستىك زاۆود رايونىنىڭ 2 - نومىردەن 7 - نومىرگە  دەيىنگى اق اراق قويماسىنىڭ نەگىزگى قۇرىلىسى، قوراپتاۋ سەحىنىڭ توبەسىن جابۋ قۇرىلىسى جانە LNG گازداندىرۋ پۋنكتىنىڭ جابدىقتارىن ورناتۋ؛ اراق اشىتقىسىن جاساۋ، ۇنتاقتاۋ سەحتارىنىڭ %40 نەگىزگى تۇلعالىق قۇرىلىسى، كۇبى قامباسىنىڭ %45 قۇرىلىسى سالىنىپ بولدى. نىسان قۇرىلىسىمەن بىرگە، اراق اشىتۋ تەحنيكاسىن وزگەرتۋ نىسانىنىڭ وندىرىسكە قوسىلۋىنا ىلەسە، ىلە اراق كاسىبى قۇرىلىس، ٴوندىرىس، ساتۋدى قاتار جۇزەگە اسىردى. ٴبىرىنشى توقساندا سوربۇلاق جەلىلەس اراعى مەن نارات جەلىلەس اراعىنان 125 مىڭ جاشىك ساتىلىپ، ساتىلۋ سوماسى 58 ميلليون 370 مىڭ يۋان بولدى». 

ٴتىلشىنىڭ ۇعىسۋىنا قاراعاندا، ىلە اراق كاسىبى ٴوندىرىسى ورنىقتى، قالىپتى جاعدايدا، جىلىنا قۇنى 220 ميلليون يۋاننان استام اراق قۇمىراسى، تاۋار ماركاسى، قاعاز قوراپ، قاعاز جاشىك سياقتى قوسىمشا ماتەريال ساتىپ الىپ، كاۋلەن مەن ٴبيداي ەگىستىك جەر كولەمى 50 مىڭ مۋعا، ٴونىم مولشەرى 20 مىڭ تونناعا، اۋىل شارۋاشىلىعىنا قوسقان ۇلەسىنىڭ ٴونىم قۇنى 172 ميلليون يۋانعا جەتەدى ەكەن. «تەك 1 - مەرزىمدىك نىسان وندىرىسكە قوسىلعاننان كەيىن جىلىنا 16 مىڭ توننادان استام كاۋلەن پايدالانىلادى. بيىل كاسىپورىن جەرگىلىكتى ديقاندارمەن 23 مىڭ مۋدان استام جەرگە كاۋلەن ەگۋ كەلىسىمىنە قول قويىستى، ديقاندار ٴار مۋ جەردەن 500 يۋاننان استام كىرىس كىرگىزەتىن بولادى» دەدى ياڭ ۋيۋي.