汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندار مۇگەدەكتەر ىستەرىن دامىتۋدىڭ جاڭا جاعدايىن قۇلشىنا اشتى
2022-05-17 10:59:49     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز مىڭ شيا حابارلايدى. «قوس قولمەن ەڭبەكتە،  قايراتتان!» 5 - ايدىڭ 13 - كۇنى قۇلجا قالاسى ازاتتىق جولى ٴمالى  باسقارماسى اۋەجاي داڭعىلى الەۋمەتتىك اۋماعىنداعى مۇگەدەكتەردىڭ شوعىرلى ۇيرەنۋ جانە ساۋىقتىرۋعا جاتتىقتىرۋ ورنىنداعى مەيىرگە بولەۋ ۇيىندە 6 جاستاعى ياڭ ياڭ جاتتىقتىرۋشىنىڭ دەم بەرۋىندە اقىرىن - اقىرىن ەڭبەكتەدى.

ياڭ ياڭ − 1 - دارەجەلى مۇگەدەك بالا. ونىڭ ٴوزىن مەڭگەرۋ قۋاتى ٴالسىز، وزدىگىنەن جۇرە المايدى. وتكەن جىلى شەشەسىنىڭ سەرىك بولۋىندا مەيىرگە بولەۋ ۇيىنە كەلىپ جاتتىعا باستاعان بولاتىن. قىسقا عانا بىرنەشە ايدا ياڭ ياڭدا كورنەكتى وزگەرىستەر بولدى. بۇل - وبلىسقا توتە قاراستى ورىنداردىڭ مۇگەدەكتەرگە قىزمەت وتەۋ ورەسىن قۇلشىنا جوعارىلاتىپ، مۇگەدەكتەردىڭ قوعامدىق تۇرمىسقا باسقالارمەن ۇقساس قاتىناسۋىن قامتاماسىزداندىرىپ، ولاردى رەفورما مەن دامۋ جەتىستىكتەرىنەن ورتاق يگىلىكتەندىرۋ قىزمەتىنىڭ ناتيجەسى بولاتىن.

جىل باسىنان بەرى وبلىسقا توتە قاراستى ورىندار مۇگەدەكتەر ىستەرىندە زور تابىستارعا قول جەتكىزدى. اۆتونوميالى وبلىستىق مۇگەدەكتەر قىزمەتى كوميتەتى مەملەكەتتىك كەڭەستىڭ مۇگەدەكتەر قىزمەتى كوميتەتى جاعىنان «مەملەكەتتىك مۇگەدەكتەر قىزمەتىندەگى ۇزدىك ورىن»  اتاعىن ەنشىلەسە؛ وبلىستىق مۇگەدەكتەر بىرلەستىگى مەملەكەتتىك ايەلدەر بىرلەستىگى جاعىنان «مەملەكەتتىك ايەلدەر مەن بالالاردىڭ ۇقىق - مۇددەسىن قورعاۋداعى ۇزدىك كوللەكتيۆ» اتاعىن ەنشىلەگەن. وبلىسقا توتە قاراستى ورىنداردا ٴتۇرلى مۇگەدەكتەرگە ساياتىن كاسىپتىك قىزمەتتەر جاپپاي ورىستەتىلىپ، مۇگەدەكتەر جاعدايىندا كورنەكتى وزگەرىستەر تۋىلىپ، مۇگەدەكتەردىڭ وزىندىك ساپاسى كورنەكتى جوعارىلاعان. كەزەكتە وبلىسقا توتە قاراستى ورىندار مۇگەدەكتەر قىزمەتىن اۆتونوميالى وبلىستىڭ «10 ٴتۇرلى حالىققا تيىمدىلىك جاساۋ ينجەنەرياسىنا» ەنگىزدى. وتكەن جىلى وبلىستىق مۇگەدەكتەر بىرلەستىگى نازاردى قيىنشىلىعى بار بۇقارالىق توپتى جۇمىستاندىرۋعا شوعىرلاندىرىپ، جۇمىستاندىرۋ ارقىلى كومەكتەسۋ، يگىلىك جاراتۋ ارقىلى جۇمىستاندىرۋدى ماڭىزدى ٴتۇيىن ەتىپ، 6 مىڭ 168 مۇگەدەكتى باسقا سالاعا ويىستىرىپ جۇمىستاندىرىپ، مىندەتتى %205.6 ورىنداعان؛ نازاردى قىزمەت وتەۋگە، قامتاماسىزداندىرۋعا شوعىرلاندىرىپ، 8 ميلليون 224 مىڭ يۋان قارجى قوسىپ، 2 مىڭ 117 مۇگەدەكتى باعىمعا الۋ قىزمەت وتەۋىمەن جانە تۇرمىس ورتاسىن كەدەرگىسىز ەتىپ وزگەرتۋمەن قامتاماسىز ەتكەن؛ 13 ميلليون 20 مىڭ يۋان قارجى قوسىپ، 15 مىڭ 771 مۇگەدەكتى قۇتقارۋ - كومەكتەسۋ قىزمەت وتەۋىمەن قامتاماسىزداندىرعان. بۇدان سىرت، وبلىستىق مۇگەدەكتەر بىرلەستىگى مۇگەدەكتەرگە تيىمدىلىك جاساۋ قىزمەتىنىڭ تياناقتانۋىن دالمە - ٴدال ىلگەرىلەتىپ، مۇگەدەكتەرگە قىزمەت ەتۋ قۇرىلىمىن جاڭادان قۇرۋدى كۇش سالا جەبەگەن؛ ەلەكتروندىق ساۋدا تىكە تاراتۋ ۇلگىسىن قولدانۋ ارقىلى شارۋاشىلىق قۇرۋ، جۇمىستاندىرۋ بويىنشا جەتىلدىرۋ بازاسىنىڭ جەتەكشىلىك رولىن تولىق ساۋلەلەندىرگەن؛ ساۋىقتىرۋعا قىزمەت ەتۋدىڭ جاپپاي تياناقتانۋىن كۇش سالا جەبەگەن؛ مۇگەدەكتەردى تاربيەلەۋ، جۇمىستاندىرۋ تەبىنىن ۇزدىكسىز كۇشەيتكەن؛ مۇگەدەكتەردىڭ ۇقىق - مۇددەسىن قورعاۋ جانە باقىلاۋ - ساقتاندىرۋ قىزمەتى سياقتىلاردى ىلگەرىلەتكەن.