汉文 ىلە اقپارات تورابىنا حوش كەلدىڭىزدەر!
قىزمەت ورنىنان 25 جىل بويى تاپجىلماعان قىستاق شيپاگەرى
2022-05-23 11:38:50     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

حابارىن جازىپ، سۋرەتىن تۇسىرگەن تىلشىلەرىمىز لاي يۇينيڭ، جاڭ چيڭحۋا


1 - مامىر دەمالىسىندا جوۋ حايشيا دەمالمادى، سىرتقا دا شىعىپ سەرۋەندەمەدى، اۋەلگىسىندەي قىستاق شيپاحاناسىندا ناۋقاس قابىلداپ، اۋرۋ كوردى نەمەسە ٴدارى قوبديشاسىن كوتەرىپ، قىستاق تۇرعىندارىنىڭ ۇيىنە بارىپ، قان قىسىمىن ولشەپ، دەنساۋلىق قورعاۋ بىلىمدەرىن ۇگىتتەدى.

 جوۋ حايشيا قورعاس اۋدانى لاڭگار قالاشىعى راۋشانباق قىستاعى ەمحاناسىنىڭ شيپاگەرى. 1997 - جىلى قۇلجا مەديتسينا مەكتەبىن بىتىرگەن ول قىستاقتىڭ ەمحاناسىنا قىزمەتكە بولىنەدى. «العاش قىزمەتكە قاتىناسقانىمدا ۇيعۇر ٴتىلىن بىلمەيتىن ەدىم، اۋىلداستار ناۋقاس كورسەتۋگە كەلسە، قاتتى ابىرجيتىنمىن» دەدى جوۋ حايشيا، سودان باستاپ ول ٴتىل ۇيرەنۋ بەكىمىنە كەلىپ، ٴبىر جاعىنان ٴتىل ۇيرەنىپ، ەندى ٴبىر جاعىنان كاسىپتىك قابىلەتىن جوعارىلاتۋعا بارىنشا قۇلشىندى. تابىس ٴارقاشان قۇلشىنعانعا ٴتان، قۇلشىنۋ ارقىلى ول بىرتە - بىرتە اۋىلداستارمەن ەركىن اڭگىمەلەسە الاتىن بولۋدان تىس، امبەباپ شيپاگەرلىك تولىمدىلىق كۋالىگىن الادى. ٴبىر رەتكى كاسىپتىك تاربيەلەۋگە قاتىناسقان جوۋ حايشيا جۇڭگوشا شيپاگەرلىك جونىندە جاڭا تۇسىنىككە يە بولادى. سودان باستاپ ينەمەن ەمدەۋ، لوڭقا قويۋ، ۋقالاۋ، تاراپ ەمدەۋ سياقتى ٴداستۇرلى جۇڭگوشا ەمدەۋ تەحنيكالارىن يگەرىپ، جۇڭگوشا ٴدارىنىڭ ەرەكشەلىگىنە جانە ناۋقاستىڭ اۋرۋ بەلگىسىنە قاراي ۇقساماعان ولشەمدە جۇڭگوشا ٴشوپ ٴدارى جانە ٴدارى ٴشوپ جاپسىرماسىن جاساپ، باتىسشا شيپاگەرلىك پەن جۇڭگوشا شيپاگەرلىكتى بىرلەستىرىپ، اۋىلداستاردىڭ اۋرۋىن ەمدەيدى. ۋاقىت ۇزارا كەلە اۋىلداستار جوۋ حايشيا جاساعان ٴدارى ٴشوپ جاپسىرماسىنىڭ، ٴدارى ٴشوپ مايىنىڭ قارتتاردا، بالالاردا بولاتىن ناۋقاستى ەمدەۋ ٴونىمى كورنەكتى ەكەنىن بايقاپ، وعان ناۋقاس كورسەتەتىندەر كوبەيدى.

«قازىر قىستاعىمىزدا جوعارى قان قىسىم اۋرۋىنا شالدىققان 418، قانتتى نەسەپ اۋرۋىنا شالدىققان 122 ناۋقاس بار» دەدى جوۋ حايشيا، ول وسى ناۋقاستار ٴۇشىن ارناۋلى ارحيۆ جاساپ، ٴاربىر ناۋقاستىڭ جاعدايىن ۋاعىندا ۇعىسىپ وتىرادى. مەيلى 20 نەشە جىلدىق جوعارى قان قىسىم اۋرۋى، رەۆماتيزم اۋرۋى بار مەرەنيساحان شەشەي بولسىن نەمەسە مي قان تامىرى توسىلعان، بەلى ۇنەمى اۋىراتىن بالاپان ەركىنبەك ۇلى جانە جارىم دەنەسى سالدانعان قوجا ابدوللا بولسىن، جوۋ حايشيا قولى بوساسا بولعانى، سولاردىڭ جانىنا بارىپ، قان قىسىمىن ولشەپ، ٴدارى جاپسىرىپ، ناۋقاسىن ەمدەيدى، ونىڭ قاجىرلى قۇلشىنىسىنىڭ ارقاسىندا قازىر بالاپان ەركىنبەك ۇلىنىڭ بەلى اۋىرمايتىن، قوجا ابدوللانىڭ سالدانعان اياعى اۋىرعاندى سەزەتىن بولدى. ٴار جولى وتباسىلاردى ارالاپ جاعداي ۇعىسقاندا قارتتار بەينە ٴوز قىزىن كورگەندەي، جوۋ حايشيانىڭ ٴوز جاعدايىن سۇرايدى، كىشكەنە بالالار «جوۋ شەشە» دەپ ەتەگىنە ورالادى. قايسى وتباسى ٴدامدى تاعام جاساسا، الدىمەن جوۋ حايشيانى تاماق ىشۋگە شاقىرادى.

 2020 - جىلعى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەزگىلىندە جوۋ حايشيا قىستاق ەمحاناسىندا تۇرىپ، كۇندى تۇنگە جالعاپ، اۋىلداستار ٴۇشىن قىزمەت ەتتى. قىزمەت ناتيجەسى كورنەكتى بولعاندىقتان، سول جىلى ول داڭقپەن پارتياعا مۇشە بولىپ قابىلداندى. ايلار اۋناپ، جىلدار جىلجىپ، بۇل اراعا كەلگەندەر ارت - ارتىنان قىزمەت اۋىستىرىپ كەتتى، جوۋ حايشيا وسى قىستاقتا تابانى كۇرەكتەي 25 جىل تۇرىپ، تاباندىلىقپەن ناۋقاس ەمدەدى.

جوۋ حايشيا بىلاي دەدى: «پارتيا مۇشەسى بولعاندىقتان، نەگىزگى ساتىعا تەرەڭ تامىر تارتىپ، كاسىپتىك بىلىمدەردى قۇلشىنا ۇيرەنىپ، ٴار ۇلت بۇقاراسى ٴۇشىن ويداعىداي قىزمەت ەتەمىن».

 قىستاق تۇرعىندارىنا دەنساۋلىق قورعاۋ بىلىمدەرىن ۇگىتتەۋ

 باقباق تەرىپ، ٴدارى ٴشوپ جيناۋ

 ٴدارى دايىنداۋ

 ينە شانشىپ ناۋقاس ەمدەۋ

 وتباسىلاردى ارالاپ، جاعداي يەلەۋ

 ناۋقاستىڭ اۋرۋ جاعدايىن تەكسەرۋ

 سالدانعان ناۋقاسقا قارايلاسۋ