عىلىمعا بويلاپ، ساپارلاس بولايىق

اۆتونوميالى وبلىستىڭ عىلىم - تەحنيكا قيمىلى اپتالىعى باستالدى

ٴتىلشىمىز جاڭ جينفىڭ حابارلايدى. 5 - ايدىڭ 21 - كۇنى اۆتونوميالى وبلىستىڭ عىلىم - تەحنيكا قيمىلى اپتالىعى وبلىستىق اۋا رايى مەكەمەسىندە باستالدى. قيمىل مەزگىلىندە وبلىستىق عىلىم - تەحنيكا قوعامى قاتىستى مەكەمە ورىندارمەن بىرگە نەگىزگى ساتىعا ىشكەرىلەي بارىپ عىلىم جالپىلاستىرۋ جانە حالىققا تيىمدىلىك جەتكىزۋ قيمىلىن ورىستەتەدى.

سول كۇنى وبلىستىق عىلىم - تەحنيكا قوعامى قۇلجا قالالىق 3 - ورتا مەكتەپتىڭ وقۋشىلارىن وبلىستىق اۋا رايى مەكەمەسىنىڭ اۋا رايى عىلىمىن جالپىلاستىرۋدان ۇلگى كورسەتۋ بازاسىن ەكسكۋرسيالاۋعا ۇيىمداستىردى. بولمە سىرتىنداعى كەڭىستىكتى بارلاۋ جابدىعى، ساڭلاۋلى ساندىقشانى، كوشپەلى اۋا رايى ستانسياسىن ەكسكۋرسيالاۋ، سونداي - اق ٴتۇسىندىرۋشىنىڭ جۇمىس ۇستىندە اۋا رايى زاڭدىلىعى جونىندە ٴتۇسىندىرۋىن تىڭداعان سوڭ وقۋشىلار اۋا رايىنان الدىن الا مالىمەتتىڭ جاسالۋ بارىسىن ٴنول ارالىقتان ٴتۇسىنىپ، نايزاعاي جارقىلداۋ، داۋىل سوعۋ سياقتى اۋا رايىنا قاتىستى اپاتتاردىڭ تۋىلۋ سەبەبى مەن ودان ساقتانۋ بىلىمدەرىن ۇيرەنىپ، اپاتتان ساقتانۋ، اپات زيانىن ازايتۋ تانىمدارىن جوعارىلاتتى. 

اۋا رايىنا قاتىستى اپاتتاردى VR ارقىلى سەزىنۋ رايونىندا وقۋشىلار كوز قالتقى تاعۋ ارقىلى تايفىڭ داۋىلى، نايزاعاي، قۇمدى بوران سياقتى قۇبىلىستاردى سەزىندى. ولار كوز قالتقىنىڭ كنوپكاسىن بۇراعانىندا كەسكىندە تايفىڭ داۋىلى، لاي كوشكىنى، قۇمدى بوران سياقتى قۇبىلىستاردىڭ ۇقساتىلمالى كورىنىسى پايدا بولدى.

قۇلجا قالالىق 3 - ورتا مەكتەپ 2 - جىلدىق وقۋشىسى يۋە حاۋ بىلاي دەدى: اسپاپپەن كورۋ جانە ٴتۇسىندىرۋشىنىڭ جۇمىس ۇستىندە ٴتۇسىندىرۋىن تىڭداعان سوڭ كوپتەگەن اۋا رايى بىلىمدەرىن تىكەلەي ۇيرەندىك، بۇل نازاريالىق تۇسىندىرۋگە قاراعاندا اناعۇرلىم قاراپايىم، تۇسىنىكتى بولادى ەكەن، بۇدان كەيىن دە ۇنەمى وسى اراعا كەلىپ عىلىم جالپىلاستىرۋ قيمىلىنا قاتىناسساق دەگەن ۇمىتتەمىز.

بيىلعى عىلىم - تەحنيكا قيمىلى اپتالىعىنىڭ ۋاقىتى 5 - ايدىڭ 21 - كۇنىنەن 28 - كۇنىنە دەيىن بولىپ، نەگىزگى تاقىرىبى «عىلىمعا بويلاپ، ساپارلاس بولايىق». قيمىل مەزگىلىندە وبلىستىق عىلىم - تەحنيكا قوعامى ٴتۇرلى حالىققا ٴتيىمدى قىزمەت وتەۋ قيمىلدارىن ورىستەتەدى. ىلە اۋىل شارۋاشىلىق - ساۋدا توبى يىمۋشين ٴسۇت كاسىبى سەرىكتەستىگى، شينجياڭ جياڭلياڭ كۇرىش كاسىبى شەكتى سەرىكتەستىگى، چاپچال سىبە اۆتونوميالى اۋدانى التىنبۇلاق قالاشىعى، قورعاس قالاسى يشياگاشان سىبە ۇلتتىق اۋىلى، نىلقى اۋدانى وزەن اۋىلى، توعىزتاراۋ اۋدانى اعارسىن قالاشىعى، كۇنەس اۋدانى بەستوبە اۋىلى سياقتى جەرلەرگە بارىپ، عىلىم - تەحنيكا جالپىلاستىرۋ قيمىلىن ورىستەتىپ، باعىمشىلىق، ەگىمشىلىك، ورمان جەمىس - جيدەك كاسىبى، دەرت - دەربەزدەن ساقتانۋ جانە ونى ەمدەۋ سياقتى تەحنيكالاردى شارۋالارعا جەتكىزىپ، وبلىسقا توتە قاراستى ورىنداردا عىلىمدى دارىپتەۋ، عىلىمدى سۇيەتىن، عىلىمدى ۇيرەنەتىن، عىلىمنان پايدالاناتىن قويۋ اۋان قالىپتاستىرىپ، اۋىل - قىستاقتى گۇلدەندىرۋگە مەدەت بەرەدى.