سۋرەتتە : قيمىلدان كورىنىس.

جۋ تيڭ فوتوسى

ەرىكتى ٴتىلشى جۋ تيڭ  حابارلايدى. 6 - ايدىڭ 5 - كۇنى توعىزتاراۋ اۋدانىنىڭ كوبەلەك كولى كورىنىس رايونى «كورىنىسى كوركەم كوبەلەك قالاسىنىڭ جاڭا داۋىرگە ماداق جىرى» اتىنداعى انار ٴدانى مادەنيەت ۇلكەن بازارى قيمىلىن باستاپ، بۇقارالىق ادەبيەت ـ كوركەمونەردىڭ سارا تۋىندىلارىن جاراتۋدى كۇش سالا ىلگەرىلەتىپ، بۇقارانىڭ مادەني تۇرمىسىن جانداندىردى.

قيمىل مايدانىندا بيڭتۋان 4 ـ شىسىنىڭ 73 ـ تۋانى، توعىزتاراۋ اۋداندىق ٴان ـ ٴبي ۇيىرمەسى سياقتى ورىنداردىڭ كونسەرت نومىرلەرى ناق مايداننىڭ دۋمانىن اسىردى. يۇيجۇي تەاترى «كوۋ جۇننىڭ كەبىس ارقالاۋى» جۇرتپەن جۇزدەسكەننەن كەيىن ونەر كورسەتۋشىلەردىڭ تاماشا وبرازى ناق مايدانداعى كورەرمەندەردىڭ قىزۋ القاۋىنا بولەندى، «قۇت جىرى» ٴبيى كورەرمەندەرگە ساحارانىڭ قويۋ تىنىسىن سەزىندىردى، ونەر كورسەتۋشىلەر قول بۇلعاپ، كورەرمەندەرگە تاماشا باقىت تىلەدى.

توعىزتاراۋ اۋداندىق وقۋ ـ اعارتۋ مەكەمەسى ازىرلەگەن كونسەرت «بايانداماشى» جاڭا داۋىردەگى، جاڭا جورىقتاعى جاڭا بەينەنى، تىڭ جوبانى بەينەلەپ، مادەنيەت ـ كوركەمونەر سارا تۋىندىلارى ارقىلى ۇلى جاڭا داۋىرگە تارتۋ ۇسىندى. توعىزتاراۋ اۋداندىق 1 ـ باستاۋىش مەكتەپتىڭ وقۋشىسى فىڭ يارۋ بىلاي دەدى: «وقىتۋشى ساباقحانادا جۇڭگونىڭ تاڭداۋلى ٴداستۇرلى مادەنيەتىن ۇنەمى دارىپتەيدى، بۇگىن ٴبىز بيلەگەن جەلپۋىش ٴبيى دە ٴداستۇرلى مادەنيەتتىڭ ٴبىر بولىگى. مەن باستاۋىش مەكتەپ وقۋشىسى سالاۋاتىمەن بۇدان بىلاي قۇلشىنا ۇيرەنىپ، ادەبيەت ـ كوركەمونەر نومىرلەرىن يگەرۋ جانە ورىنداۋ ارقىلى وسى تاڭداۋلى مادەنيەتتى ويداعىداي ساۋلەلەندىرەمىن جانە جالعاستىرامىن».

قيمىل بارىسىندا توعىزتاراۋ اۋدانىنىڭ ٴارقايسى اۋىل ـ قالاشىقتارىنا (اۋماقتارىنا) «انار ٴدانى مادەنيەت ۇلكەن بازارى» دەگەن ماڭدايشالىق ٴىلىندى.

ۇعىسۋعا قاراعاندا، ەكولوگياسى جانعا جايلى، كاسىپ سالاسىنا ۇيلەسىمدى، سەيىل ـ سەرۋەن قۇرۋعا قولايلى كوركەم كوبەلەك قالاسى مادەنيەتتى دانەكەر، ەكولوگيانى تۇتقا، كورىكتى كوبەلەك قالاسىن تانىسقى ەتىپ، ٴتىپتى دە كوپ ساياحاتشىنى باۋرادى. توعىزتاراۋ اۋداندىق مادەنيەت ـ ساياحات مەكەمەسى پارتيا باسشىلىق گرۋپپاسىنىڭ شۋجيى پىڭ لياڭچىڭ بىلاي دەدى: «وسى رەت <كورىنىسى كوركەم كوبەلەك قالاسىنىڭ جاڭا داۋىرگە ماداق جىرى> اتىنداعى انار ٴدانى مادەنيەت ۇلكەن بازارى قيمىلىن ورىستەتۋ − توعىزتاراۋ اۋدانىنىڭ مەملەكەتتىك الەۋمەتتىك مادەنيەتكە قىزمەت ەتۋ جۇيەسىنىڭ ۇلگى كورسەتۋ رايونىن قۇرۋدىڭ، قايتالاي تەكسەرۋ قىزمەتىن قارسى الۋدىڭ ٴارى بۇقارالىق مادەنيەت قيمىلىن كەڭىنەن ورىستەتۋدىڭ، بۇقارانى ادەبيەت ـ كوركەمونەر سارا تۋىندىلارىن جاراتۋعا جەتەكتەۋدىڭ، جۇڭحۋا ۇلتى ورتاق تۇلعا تانىمىن بەكەمدەۋدىڭ ٴونىمدى دانەكەرى بولعان. مادەنيەت ۇلكەن بازارى قيمىلى ارقىلى ٴتىپتى دە كوپ بۇقارانى يگىلىككە كەنەلتۋ. سول ٴۇشىن اۋىل ـ قالاشىقتار ايىنا ٴبىر رەت بۇقارالىق مادەنيەت قيمىلىن ورىستەتۋ جوسپارلانىپ، بارشا بۇقارانى بۇرىن ـ سوڭدى بولماعان <رۋحاني مادەنيەت سالتاناتىنان> يگىلىكتەندىرمەكپىز».