بيىل 1 - ايدىڭ 1 - كۇنىنەن باستاپ اتقارىلىپ، 150 مىڭعا جۋىق ادام يگىلىككە كەنەلدى

ٴتىلشىمىز حۋاڭ يان حابارلايدى. 6- ايدىڭ 9 - كۇنى ٴتىلشىنىڭ وبلىستىق حالىق ىستەرى مەكەمەسىنەن ۇعىسۋىنشا، تاياۋدا وبلىسقا توتە قاراستى ورىندار قالا، اۋىلدارداعى قيىنشىلىعى بار بۇقارانىڭ نەگىزگى تۇرمىستىق قۇتقارۋ - كومەكتەسۋ ولشەمىن جوعارىلاتىپ، ەڭ تومەنگى تۇرمىستى قامتاماسىزداندىرۋدىڭ قامتۋ كولەمىن كەڭەيتىپ، قيىنشىلىعى بار بۇقارانىڭ نەگىزدىك تۇرمىسىن شىنايى قامتاماسىز ەتكەن.

ۇعىسۋعا قاراعاندا، وسى رەتكى وبلىسقا توتە قاراستى ورىندارداعى قيىنشىلىعى بار بۇقارانىڭ نەگىزگى تۇرمىستىق قۇتقارۋ - كومەكتەسۋ ولشەمىنىڭ جوعارىلاۋ مولشەرى تاياۋ جىلداردان بەرگى ەڭ زور بولىپ، قالاداعىلاردىكى %10، اۋىل - قىستاقتاعىلاردىكى %15 ارتقان. قالا - اۋىلدارداعى قيىنشىلىعى بار بۇقارانىڭ نەگىزگى تۇرمىستىق قۇتقارۋ - كومەكتەسۋ جاڭا ولشەمى 2022 - جىلى 1 - ايدىڭ 1- كۇنىنەن باستاپ اتقارىلىپ، قيىنشىلىعى بار 150 مىڭعا جۋىق بۇقاراعا سايادى. ولشەم جوعارىلاتىلعاننان كەيىن قوعامدىق قۇتقارۋ - كومەكتەسۋدى ەڭ تومەنگى شەكتەن تۇسىرمەي قامتاماسىزداندىرۋ اناعۇرلىم كۇشەيتىلەدى ەكەن.

جاڭادان رەتتەلگەن قالانىڭ ەڭ تومەنگى تۇرمىستى قامتاماسىزداندىرۋ ولشەمى بۇرىنعى ٴار ادامعا اي سايىن بەرىلەتىن 575 يۋاننان 633 يۋانعا (كۇيتۇن قالاسىنىكى ايىنا 653 يۋان)، اۋىل - قىستاقتىڭ ەڭ تومەنگى تۇرمىستى قامتاماسىزداندىرۋ ولشەمى ٴار ادامعا جىلىنا 4 مىڭ 920 يۋاننان 5 مىڭ 660 يۋاننان تومەن بولماۋعا؛ قالالارداعى ەڭ تومەنگى تۇرمىستى قامتاماسىزداندىرۋدىڭ ورتاشا كومەك دەڭگەيى قازىرگى ايىنا 424 يۋاننان 466 يۋانعا جوعارىلاعان. اۋىل - قىستاقتارداعى ەڭ تومەنگى تۇرمىستى قامتاماسىزداندىرۋدىڭ ورتاشا كومەك دەڭگەيى قازىرگى ايىنا 305 يۋاننان 349 يۋانعا جوعارىلاعان. سونىمەن بىرگە ەڭ تومەنگى تۇرمىسى قامتاماسىزداندىرىلاتىن «ٴتورت تۇردەگى ادام» ىشىندەگى قارتتاردىڭ، ازامات جاسىنا تولماعانداردىڭ ەڭ تومەنگى تۇرمىسىن قامتاماسىزداندىرۋ كومەك دەڭگەيى ايىنا 35 يۋان، اۋىر مۇگەدەكتەردىڭ، سالماقتى ناۋقاستاردىڭ ەڭ تومەنگى تۇرمىسىن قامتاماسىزداندىرۋ كومەك دەڭگەيى ايىنا 58 يۋان كوبەيگەن.

بۇدان تىس، قالالارداعى شوعىرلى جانە بىتىراندى اسىراپ - باعىلاتىن جانە اۋىل - قىستاقتاعى شوعىرلى اسىراپ - باعىلاتىن ەرەكشە قيىنشىلىعى بار ادامداردىڭ نەگىزگى تۇرمىسىن قامتاماسىزداندىرۋ ولشەمى قازىرگى ايىنا 900 يۋاننان تومەن بولماۋدان ايىنا ٴبىر مىڭ 35 يۋاننان تومەن بولماۋعا؛ اۋىل - قىستاقتارداعى بىتىراندى اسىراپ - باعىلاتىن ەرەكشە قيىنشىلىعى بار ادامداردىڭ نەگىزدىك تۇرمىس ولشەمى قازىرگى ايىنا 600 يۋاننان تومەن بولماۋدان ايىنا 690 يۋاننان تومەن بولماۋعا جوعارىلاعان. سونىمەن بىرگە جەتىم بالالاردىڭ نەگىزدىك تۇرمىس ولشەمى دە جوعارىلاعان، قامقورلىق قۇرىلىمدارى اسىراپ العان جەتىم بالالاردىكى قازىرگى ٴار بالاعا ايىنا بەرىلەتىن ٴبىر مىڭ 400 يۋاننان تومەن بولماۋدان ٴبىر مىڭ 610 يۋاننان تومەن بولماۋعا، قوعامدا بىتىراندى قونىستانعان جەتىم بالالاردىكى قازىرگى ٴار بالاعا ايىنا بەرىلەتىن  مىڭ يۋاننان تومەن بولماۋدان ٴبىر مىڭ 150 يۋاننان تومەن بولماۋعا جوعارىلاعان.

«ٴبىز نازاردى بۇقارا ەڭ ۋايىمدايتىن ماسەلەلەرگە،  كۇشتى حالىق ٴۇشىن قىزمەت وتەۋگە شوعىرلاندىرىپ، بۇقارانىڭ <شۇعىل، قيىن، ۋايىمداعان، ٴزارۋ> ماسەلەلەرىن كۇش سالا شەشەمىز. بۇدان بىلاي وبلىستىق حالىق ىستەرى مەكەمەسى قىزمەت تەبىنىن ارتتىرىپ، ٴتۇرلى ساياساتتاردىڭ تياناقتانۋىن جەبەپ، پارتيانىڭ مەيىر - شاپاعاتىن تياناقتاندىرادى» دەدى وبلىستىق حالىق ىستەرى مەكەمەسى قوعامدىق قۇتقارۋ - كومەكتەسۋ باسقارماسىنىڭ باستىعى لياڭ جۇن.

تاياۋ جىلداردان بەرى وبلىستىق حالىق ىستەرى مەكەمەسى ٴتۇرلى قوعامدىق قۇتقارۋ - كومەكتەسۋ ساياساتتارىن بەلسەنە تياناقتاندىرىپ، قۇتقارۋ - كومەكتەسۋ، سۇيەمەلدەۋ تەبىنىن ارتتىردى. «جەكە ادامدىق قامسىزداندىرۋ» مەن «ەڭ تومەنگى تۇرمىستى قامتاماسىزداندىرۋدان بىرتىندەپ شەگىندىرۋ» سياقتى ساياساتتاردى تولىق ىسكە قوسىپ، قيىنشىلىققا جولىققان بۇقارانى دەر كەزىندە ەڭ تومەنگى تۇرمىستى قامتاماسىزداندىرۋعا، ەرەكشە قيىنشىلىعى بارلار مەن ۋاقىتشا قۇتقارۋ - كومەكتەسۋدى قامتاماسىزداندىرۋ كولەمىنە ەنگىزدى؛ اۋىل - قالاشىقتاردىڭ ۋاقىتشا قۇتقارۋ - كومەكتەسۋ زاپاس قور ٴتۇزىمىنىڭ باسىمدىعىن تولىق ساۋلەلەندىرىپ، قۇتقارۋ - كومەكتەسۋ قىزمەتىن الدىن الا بەلسەندى ورىستەتكەن. نەگىزگى تۇرمىسى قيىنشىلىققا تاپ بولعان وتباسىلار مەن جەكەلەرگە سول كۇنى تەكسەرىپ بەكىتۋ، سول كۇنى قۇتقارۋ - كومەكتەسۋ قاراجاتىن تاراتۋدى ورىنداعان؛ ەڭ تومەنگى تۇرمىسى قامتاماسىزداندىرىلاتىن وبيەكتىلەرگە، ەرەكشە قيىنشىلىعى بارلارعا جانە اۋىل - قىستاقتاعى قيىنشىلىعى بار بۇقاراعا تىكەلەي قۇتقارۋ - كومەك كورسەتكەن؛ باسقا دا تۇرمىسىندا قيىنىشىلىعى بارلارعا الدىن الا قۇتقارۋ - كومەك بەرۋدى بەلسەنە ورىستەتكەن؛ ناپوسى تۇرعان ورىندا، قونىستانعان ورنىندا ٴوتىنىش ەتەتىن شەكتەمەنى كۇشىنەن قالدىرىپ، ناپوسى قاراستى ەمەس ورىنداعى جىلجىمالى حالىق سانىنىڭ نەگىزگى تۇرمىسىندا اۋىر قيىنشىلىق تۋىلسا، قيىنشىلىق تۋىلعان ورىنداعى اۋىل - قالاشىق تىكەلەي ۋاقىتشا قۇتقارۋ - كومەكتەسۋدى اتقارعان.