ٴتىلشىمىز لۋ جۇڭ حابارلايدى. 6 - ايدىڭ 13 - كۇنى قورعاس اۋدانى قۇلجا قالاسىندا «كۇرە بايىرعى قالاسى . حوش ٴيىستى قورعاس» 2022 ىلە . حالىقارالىق ساياحات اڭعارى قورعاس اۋدانىنىڭ 11 - كەزەكتى جۇپار ٴشوپ مادەنيەتى حالىقارالىق ساياحات مەرەكەسى جونىندە اقپار جاريالاۋ ٴماجىلىسىن اشتى. ماجىلىستە قورعاس اۋدانىنىڭ 11 - كەزەكتى جۇپار ٴشوپ مادەنيەتى حالىقارالىق ساياحات مەرەكەسى 2022 - جىلى 6 - ايدىڭ 21 - كۇنى قورعاس اۋدانى چيڭشۇيحى قالاشىعىنىڭ جان - دى الاڭىندا باستالاتىندىعى جاريالاندى.

قورعاس اۋدانىنىڭ 11 - كەزەكتى جۇپار ٴشوپ مادەنيەتى حالىقارالىق ساياحات مەرەكەسىن اۆتونوميالى وبلىستىق حالىق ۇكىمەتى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى ۇيىمداستىرىپ، وبلىستىق مادەنيەت - ساياحات مەكەمەسى، قورعاس اۋداندىق حالىق ۇكىمەتى جاۋاپتى بولىپ، جياڭين قالاسىنىڭ قورعاس اۋدانىنا كومەك بەرۋ الدىڭعى شەپ قىزمەت گرۋپپاسى، قورعاس اۋداندىق پارتكوم ۇگىت ٴبولىمى، قورعاس اۋداندىق مادەنيەت، دەنەتاربيە، راديو - تەلەۆيزيا جانە ساياحات مەكەمەسى، شينجياڭ شىجي جىڭتۇڭ مادەنيەت تاراتۋ شەكتى سەرىكتەستىگى سەلبەسىپ وتكىزەدى ەكەن. ساياحات مەرەكەسى 6 - ايدىڭ 21 - كۇنىنەن 23 - كۇنىنە دەيىن 3 كۇن وتكىزىلەدى ەكەن.

ساياحات مەرەكەسى كەزىندە قورعاس اۋدانى كۇرە بايىرعى قالاسى كورىنىستىك تەاترى، تۇكەي قۇمدىعىنداعى سۋ ٴۇستى مۋزىكا كەشى، جۇپار ٴشوپ شارۋاشىلىعى جونىندەگى جوعارى دارەجەلى باسشىلار تالقى مىنبەرى، ساحاراداعى تۇيە بايگەسى سياقتى باي مازمۇندى ساياحات قيمىلدارى وتكىزىلەدى، سونداي - اق «ساياحات كورىنىس رايونى + حالىقتىق تۇسەلحانانى سەزىنۋ + نىسانداردى كوزدەن كەشىرۋ + ەرەكشە اس - سۋدى» نەگىز ەتكەن جۇپار ٴشوپ مەكەنىنە ات باسىن بۇرۋ ساياحاتى، زەرتتەۋ - ۇيرەنۋ ساياحاتى، اسەرلى سەزىم ساياحاتى سياقتى 3 ساياحات سارا لەنياسىن ورنالاستىرعان. بۇل 3 ساياحات سارا لەنياسى كۇرە بايىرعى قالاسى، جۇڭحۋا فۋشوۋشان تاۋى، تۇكەي قۇمدىعى، شارۋالار تۇت اعاشى باقشاسى، جيەيوۋ حانشا جۇپار ٴشوپ باقشاسى، جيەيوۋ حانشا جۇپار ٴشوپ ەگىس الاڭى باقشاسى سياقتى كورىنىس رايوندارىن قامتىعان.

ۇعىسۋعا قاراعاندا، ساياحات مەرەكەسى باستالعاننان 6 - ايدىڭ 30 - كۇنىنە دەيىن كۇرە بايىرعى قالاسى، جۇڭحۋا فۋشوۋشان تاۋى، تۇكەي قۇمدىعى، جيەيوۋ حانشا جۇپار ٴشوپ باقشاسى، جىبەك جولى تۇت اعاشى باقشاسى، كەڭساي - سايرام كولى سياقتى ساياحات كورىنىس رايوندارى جەلىلەس تيىمدىلىك جاساۋ شارالارىن اتقارماقشى ەكەن.

قورعاس اۋدانى 1965 - جىلى فرانسيا جۇپار ٴشوبىن ەنگىزىپ ەككەننەن قازىرگە دەيىن 50 نەشە جىل بولعان. 2003 - جىلى اۋىل شارۋاشىلىق مينيسترلىگى قورعاس اۋدانىنا «جۇڭگوداعى جۇپار ٴشوپ مەكەنى» اتاعىن بەرگەن. قازىر تۇتاس اۋداندا جۇپار ٴشوپ ەگىلگەن جەر كولەمى 50 مىڭ مۋعا جەتىپ، دۇنيە جۇزىندەگى ٴۇش ٴىرى جۇپار ٴشوپ ەگىمشىلىك بازاسىنىڭ ٴبىرى بولىپ، وسىلايشا، جۇپار ٴشوپتى نەگىز ەتكەن حوش ٴيىستى ساياحات - قورعاس اۋدانىنىڭ ساياحاتتاعى نەگىزگى ماركاسىنا اينالعان.