汉文 ىلە اقپارات تورابىنا حوش كەلدىڭىزدەر!
ٴار دارەجەلى حالىق قۇرىلتايى ۋاكىلدەرى جالپى ٴماجىلىس رۋحى جونىندەگى ۇگىت لەكسياسى ورلەۋىن كوتەردى
2022-06-20 11:04:59     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز جاڭ جينفىڭ حابارلايدى. 6 - ايدىڭ 8 - كۇنى ٴتىلشىنىڭ وبلىستىق حالىق قۇرىلتايى تۇراقتى كوميتەتىنەن ۇعىسۋىنشا، اۆتونوميالى رايوندىق 10 - كەزەكتى پارتكوم ٴۇشىنشى جالپى ٴماجىلىسى اشىلعان سوڭ اۆتونوميالى وبلىستىق حالىق قۇرىلتايى تۇراقتى كوميتەتىنىڭ ورگانى جالپى ٴماجىلىس رۋحىن ۇيرەنۋ، دايەكتىلەندىرۋ ۇگىت لەكسيا ٴماجىلىسىن اشىپ، وسكەلەڭ ساياسي سانالىلىق، يدەيالىق سانالىلىق، ارەكەت سانالىلىعى ارقىلى جالپى ٴماجىلىس رۋحىن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، ويداعىداي تياناقتاندىرىپ، ٴىس جۇزىندىك قىزمەت ونىمدىلىكتەرىمەن جاڭا ٴداۋىردىڭ حالىق قۇرىلتايى قىزمەتىنە جۇكتەگەن تاريحي بورىشىن ارقالاۋدى تالاپ ەتكەن. كەزەكتە ٴار دارەجەلى حالىق قۇرىلتايى ۋاكىلدەرى نەگىزگى ساتىدا جالپى ٴماجىلىس رۋحى جونىندەگى ۇگىت لەكسيا ورلەۋىن كوتەرگەن.

جۋىردا وبلىستىق حالىق قۇرىلتايى تۇراقتى كوميتەتىنىڭ نەگىزگى باسشىلارى حالىق قۇرىلتايى ۋاكىلى سالاۋاتىمەن قۇلجا قالاسى سايبويى ٴمالى باسقارماسى باسكوپىر الەۋمەتتىك اۋماعىنداعى ۋاكىلدەر بايلانىس پۋنكتىندە قالالىق حالىق قۇرىلتايى ۋاكىلدەرى مەن قاراستى اۋماقتاعى بۇقاراعا جالپى ٴماجىلىس رۋحىنان ۇگىت لەكسيا جاسادى. حالىق قۇرىلتايى ۋاكىلدەرى مەن ماجىلىسكە قاتىناسقان بۇقارا ەكونوميكانى دامىتۋ، قالا قۇرىلىسى، الەۋمەتتىك قىزمەت وتەۋ، وقۋ - اعارتۋ، دەنساۋلىق ساقتاۋ ىستەرى سياقتىلاردى توڭىرەكتەي وتىرىپ اڭگىمەلەستى. كوپشىلىك ٴىس جۇزىندىكپەن بىرلەستىرىپ، قۇلجا قالاسىنىڭ بولاشاق دامۋى جانە حالىق تۇرمىسىن جاقسارتۋ سياقتى جاقتاردا كوپتەگەن پىكىر جانە ۇسىنىستاردى ورتاعا قويدى.

ماجىلىسكە قاتىناسقان حالىق قۇرىلتايى ۋاكىلدەرى ۋاكىلدىك بورىشتى ەستە بەرىك ساقتاپ، بورىشتىلىق سەزىم مەن جاۋاپكەرلىك سەزىمدى ارتتىرىپ، حالىق جاعدايىن تولىق ۇعىسىپ، جۇرت رايىن اڭىس ەتىپ، ساپالى كەڭەستىك ۇسىنىستار مەن ۇسىنىستاردى جازىپ، قۇلجا قالاسىنىڭ ەكونوميكالىق، قوعامدىق دامۋى ٴۇشىن سىندارلى اقىل - كەڭەس بەرەتىندىكتەرىن ٴبىلدىردى.

ۇگىت لەكسيانى تىڭداعان سوڭ باسكوپىر الەۋمەتتىك اۋماعىنىڭ تۇرعىنى ابدۇرەشىت نۇرمامات تەبىرەنە بىلاي دەدى: «تاماشا باقىتتى تۇرمىستى ەڭبەكشىل قوس قولىمىزعا سۇيەنىپ جاراتامىز، پارتيانىڭ جاقسى ساياساتىنىڭ ارقاسىندا عيماراتتا وتىرىپ، كولىك ساتىپ الدىم، ۇزدىكسىز قۇلشىنىس جاساپ، وتباسىمداعىلاردى مۇنان دا جاقسى تۇرمىسقا يە ەتەمىن».

تەكەس اۋداندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى حالمۇرات ساكەن ۇلى حالىق قۇرىلتايى ورگانى پارتيا ياچەيكاسىنداعى بارلىق پارتيالى كادرلاردى باستاپ ٴشيلى وزەك قالاشىعى ورتامىس قىستاعىنا بارىپ، حالىق قۇرىلتايى ۋاكىلدەرىنىڭ ۇگىت لەكسيا اڭگىمەلەسۋ، پىكىر اۋىستىرۋ ٴماجىلىسىن اشىپ، ۇگىت لەكسيا، اڭگىمەلەسۋ، پىكىر اۋىستىرۋ، «ۇلتتار ىنتىماعىنىڭ بەرەكەلى شاڭىراعى» جۇپ قۇراپ كومەكتەسۋ سياقتى جەلىلەس قيمىلداردى ورىستەتتى.

نىلقى اۋدانى كوكقۇتقۇر موڭعۇل ۇلتتىق اۋىلى حالىق قۇرىلتايى ۋاكىلدەرىنىڭ بەلسەندىلىگىن تولىق قوزعاپ، «زاڭمەن باسقارىلاتىن ىلە ۋاكىلدەر ساپارى» قيمىلىن ورىستەتىپ، زاڭدى وتباسىلارعا دەيىن ۇگىتتەدى. قيمىلدا حالىق قۇرىلتايى ۋاكىلدەرى بۇقارامەن تىعىز قارىم - قاتىناس جاساۋ ابزالدىعىن ساۋلەلەندىرىپ، ۇگىت جۇرگىزۋشى سالاۋاتىمەن بۇقارامەن ىشكەرىلەي ارالاسىپ، زاڭدى ۇگىتتەدى. كوشە بويلارىنداعى دۇكەنشىلەرگە، بۇقاراعا ازاماتتىق زاڭنامانى جالپىلاستىرۋ ۇگىت كىتاپشاسىن تاراتۋ، تەلەگراف الدامشىلىعىنا قاتىستى دەلو مىسالدارىن ٴتۇسىندىرۋ سياقتى تاسىلدەرمەن بۇقارانىڭ تۇرمىسىمەن تىعىز قاتىستى زاڭ - تۇزىمدەردى ۇگىتتەپ، جاندى مىسالدار ارقىلى بۇقارانى كۇدىك - كۇماننان ارىلتىپ، قالىڭ بۇقارانىڭ زاڭدى قۇرمەتتەۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ تانىمىن جوعارىلاتتى.

قۇلجا اۋدانى تۇرپانجۇزى اۋىلىنداعى اۋدان، اۋىل ەكى دارەجەلى حالىق قۇرىلتايىنىڭ ۋاكىلى، ديقان جاراستىرۋشى رازيام ٴامات ٴجۇزىم سورەسى استىندا ٴار ۇلت بۇقاراسىنا جالپى ٴماجىلىس رۋحى، زاڭ - ٴتۇزىم سياقتىلاردى ۇگىتتەدى، سونداي - اق «تاماشا وتباسى سالتى، تاماشا وتباسى جونىندەگى ەڭ تاڭداۋلى اڭگىمەلەردى» ورتاقتاسۋ جيىنىن ورىستەتىپ، قىستاق تۇرعىندارىنىڭ قىزۋ قارسى الۋىنا يە بولدى.