汉文 ىلە اقپارات تورابىنا حوش كەلدىڭىزدەر!
چاپچال اۋدانى جوعارى ولشەمدى ەگىس اتىزى قۇرىلىسى ارقىلى اۋىل ـ قىستاقتى گۇلدەندىرۋگە دەم بەردى
2022-06-21 10:48:29     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز دۋ لەي حابارلايدى. 6 - ايدىڭ 14 - كۇنى تاڭەرتەڭ جۇگەرى اتىزىنا تىڭايتقىش بەرىپ بولعان چاپچال سىبە اۆتونوميالى اۋدانى سەگىزسۇمىن اۋىلى سەگىزسۇمىن قىستاعىنىڭ تۇرعىنى دۋ مانرۇڭ اتىز باسىنا كەلىپ، اتىز شەتىندەگى سۋ سىڭبەيتىن توعاننىڭ سالىنۋ جاعدايىن تەكسەردى، «دەرلىك كۇندە كەلىپ قۇرىلىس قارقىنىن بايقايمىن، بيىل ەگىس اتىزىم جوعارى ولشەمدى ەگىس اتىزى قۇرىلىسى نىسانىنا ەنگىزىلدى، بۇعان ايرىقشا قۋاندىم. بۇرىنٴار جىلى توعان تازالاۋ، سۋارۋ قيىن بولۋ سياقتى ماسەلەگە باس قاتىراتىن ەدىم، قازىر ەگىس اتىزى جولى جاسالىپ بولدى، سۋ سىڭبەيتىن توعانىنىڭ قۇرىلىسى دا اياقتايىن دەدى، بۇدان بىلاي ٴونىمدى جوعارىلاتىپ، كىرىستى ارتتىرۋدان ٴۇمىت زور».

دۋ مانرۇڭ تۇرعان سەگىزسۇمىن قىستاعىندا جالپى 25 مىڭ 500 مۋ ەگىستىك جەر بار، بيىل 6 مىڭ مۋ ەگىستىك جەر چاپچال اۋدانىنىڭ جوعارى ولشەمدى ەگىس اتىزى قۇرىلىسى نىسانىنا ەنگىزىلىپ، 9 ەگىس اتىزى جولى مەن 9 سۋ سىڭبەيتىن توعان سالىنادى، ينجەنەريا قۇرىلىسى بيىل 10 - ايدىڭ سوڭىنان بۇرىن تۇگەلدەي سالىنىپ بولاتىندىعى مەجەلەنۋدە. دۋ مانرۇڭ تىلشىگە بىلاي دەدى: «300 مۋ جەرگە كۇرىش پەن جۇگەرى ەكتىم، وسى جىلداردا اۋىل شارۋاشىلىق تەحنيكتەرى اۋىل شارۋاشىلىق ەگىمشىلىگىنە زور كومەك كورسەتتى، توپىراق قۇرامىن ولشەۋ، ساپالى تۇقىم پايدالانۋ، قالامشا ٴوسىرۋ، تۇقىم ٴسىڭىرۋ، دەرت ـ دەربەزدەن، زياندى جاندىكتەردەن ساقتانۋ، عىلمي جولمەن باپتاۋ سياقتى جاقتاردان جەتەكشىلىك ەتتى، ەگىمشىلىكتىڭ وزىنەن ٴار جىلى 200 مىڭ يۋان كىرىس كىرگىزەمىن، بيىل جوعارى ولشەمدى ەگىس اتىزى قۇرىلىس نىسانىنىڭ ەگىمشىلىك كاسىبىن دامىتۋ سەنىمىمدى بەكەمدەدى». ال جەتىسۇمىن اۋىلى جەتىسۇمىن قىستاعىنداعى ەگىمشىلىك ٴىرى وتباسى گو يۇڭكاڭنىڭ ٴبىر مىڭ 100 مۋ جۇگەرى اتىزى 2021 - جىلى جوعارى ولشەمدى ەگىس اتىزى قۇرىلىسىن باستاعان، قازىر جەر تەگىستەلىپ، سۋ سىڭبەيتىن توعان قۇرىلىسى، اتىز جولى سالىنىپ بولدى، كەلەر جىلى ول تامشىلاتىپ سۋارۋ قۇرىلىسىن ورناتىپ، سۋ ۇنەمدەۋ تەحنيكاسىنان پايدالانباقشى. گو يۇڭكاڭ بىلاي دەدى: «بۇرىن ٴبىز كوتەرمەگە العان جەردىڭ باسىم كوپ بولىگىنە قىر تارتىلعان، جەردەن پايدالانۋ سالىستىرماسى تومەن، ماشينامەن تۇقىم سىڭىرۋگە ٴتيىمسىز بولاتىن، قازىر مۇنىڭ ٴبارى وزگەردى، اۋىل شارۋاشىلىق ٴوندىرىسىنىڭ جالپى بارىسىن ماشينالاندىرۋدى جۇزەگە اسىردىق، ٴار مۋ جەردەگى جۇگەرىنىڭ ٴونىم مولشەرى 1.3 تونناعا جەتتى، مۋ باسىندىق ورتاشا تازا كىرىسى 500 يۋاننان استى».

ۇعىسۋعا قاراعاندا، چاپچال اۋدانى 2019 ـ جىلدان بەرى «استىق ەگۋدە تەحنيكاعا سۇيەنۋ، استىق القاپتارىن قورعاۋ» ستراتەگياسىن ىشكەرىلەي اتقارىپ، ەگىستىك جەردىڭ قىزىل سىزىعىن قاتاڭ ساقتاپ، استىق حاۋىپسىزدىگىن قامتاماسىز ەتىپ، جوعارى ولشەمدى ەگىس اتىزى قۇرىلىسىن كۇش سالا ىلگەرىلەتكەن. قازىرگە دەيىن جوعارى ولشەمدى ەگىس اتىزى قۇرىلىس نىسانىنىڭ جالپى اۋماعى 305 مىڭ مۋعا جەتكەن، مۇنىڭ ىشىندە جوعارى ٴونىمدى سۋ ۇنەمدەيتىن ەگىس اتىزى 70 مىڭ مۋ، نىساننىڭ تياناقتانعان قارجىسى 287 ميلليون 995 مىڭ 700 يۋان، يگىلىگىن كورگەن شارۋا وتباسى 6 مىڭعا تاياعان. 2022 - جىلى 165 مىڭ ەگىس اتىزىنا جوعارى ولشەمدى ەگىنجاي قۇرىلىسى اتقارىلىپ، قازىرگە دەيىن تۇگەل قۇرىلىس باستاعان. چاپچال اۋدانىنىڭ 2022 ـ جىلعى جوعارى ولشەمدى ەگىس اتىزى نىسانىنىڭ جالپى تۇلعالىق قۇرىلىسىٴساتتى ىلگەرىلەپ، 11 ـ ايدىڭ سوڭىنان بۇرىن قۇرىلىس مىندەتىن ورىنداپ، 2023 ـ جىلى كوكتەمگى ەگىس كەزىندە پايدالانۋعا بەرۋ جوسپارلانعان. چاپچال اۋداندىق اۋىل شارۋاشىلىعى، اۋىل ـ قىستاق مەكەمەسىنىڭ كادرى گو ۋييۇڭ بىلاي دەدى: «جوعارى ولشەمدى ەگىس اتىزى نىسانى قۇرىلىسىن ارناعا ٴتۇسىرۋ ٴۇشىن، چاپچال اۋدانى جوعارى ولشەمدى ەگىس اتىزى قۇرىلىسىنا باسشىلىق ەتۋ گرۋپپاسىن قۇرىپ، جوعارى ولشەمدى ەگىس اتىزى قۇرىلىسىن ىلگەرىلەتۋگە بەرىك كەپىلدىك ازىرلەدى. اۋداندىق اۋىل شارۋاشىلىق، اۋىل - قىستاق مەكەمەسى نىساندى باسقارۋشى ورىن رەتىندە، نىسانا مەن مىندەتتى، نىسان قۇرىلىسىنىڭ ۇتىمدى ۋاقىتىن مىقتى يگەرىپ، قۇرىلىس قارقىنىن جەدەلدەتىپ، حاۋىپسىزدىكتى باقىلاۋ - باسقارۋدى كۇشەيتىپ، نىسان قۇرىلىسىن ساپالى ورىنداۋعا كەپىلدىك ەتىپ، جوعارى ولشەمدى ەگىس اتىزى نىسان قۇرىلىسىن چاپچال اۋدانىنىڭ حالىق تۇرمىسى ينجەنەرياسىنا، كورنەكتى ينجەنەرياعا اينالدىرۋعا قۇلشىنىپ، اۋىل - قىستاقتى گۇلدەندىرۋدىڭ ىشكى قوزعاۋشى كۇشىن ۇزدىكسىز قاۋلاتىپ، اۋىل شارۋاشىلىعىنىڭ جوعارى ساپالى دامۋىنا بەرىك نەگىز قالادى».