汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىنداردىڭ جانە بيڭتۋان 4 - شىسىنىڭ، 7 - شىسىنىڭ تۇڭعىش كەزەكتى «ۇلتتار ىنتىماعى ساۋىتىنا تالاسۋ» الاڭ ٴبيى جارىسىنىڭ شەشۋشى جارىسى قۇلجا قالاسىندا وتكىزىلدى
2022-06-22 10:56:34     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز شى شۋەحۇڭ حابارلايدى. 6 - ايدىڭ 18 - كۇنى تۇستەن كەيىن قۇلجا قالاسى ىلە وزەنى كورىنىس رايونىنداعى ىلە كەلبەتى الاڭىندا مۋزىكا ٴۇنى اۋەلەپ، ادامدار بۇرالا بيگە باستى، جاندى دا جالىندى الاڭ ٴبيى جارىسىنىڭ شىمىلدىعى وسىندا اشىلىپ، تاماشالاي كەلگەن قالا تۇرعىندارى مەن ساياحاتشىلاردىڭ قىزۋ القاۋىنا بولەندى. وسىندا وتكىزىلگەن وبلىسقا توتە قاراستى ورىنداردىڭ جانە بيڭتۋان 4 - شىسىنىڭ، 7 - شىسىنىڭ تۇڭعىش كەزەكتى «ۇلتتار ىنتىماعى ساۋىتىنا تالاسۋ» الاڭ ٴبيى جارىسىنىڭ شەشۋشى جارىسىنا وبلىسقا توتە قاراستى 8 اۋدان، 3 قالادان، بيڭتۋان 4 - شىسىنان، 7 - شىسىنان كەلگەن 12 ۋاكىلدەر ۇيىرمەسى قاتىناستى.

ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس قولباسشى جۋ بين، ىلە وبلىستىق مادەنيەت جانە ساياحات مەكەمەسى، بيڭتۋان 4 - شىسى كوكدالا قالاسى، قۇلجا قالالىق پارتكوم، ىلە وبلىستىق جياڭسۋ - ىلە مادەنيەت اۋىس - كۇيىس ورتالىعى سياقتى ورىنداردىڭ قاتىستى باسشىلارى، ورتالىق تەلەۆيزياسىنىڭ بۇرىنعى تانىمال جۇرگىزۋشىسى، قۇجاتتى فيلم رەجيسسەرى جياۋ جيانچىڭ الاڭ ٴبيى جارىسىن تاماشالادى.

«جۇڭحۋا ۇلتى رۋحىن اسقاقتاتىپ، جۇڭحۋا مادەنيەتىن شىنايى مويىنداۋدى كۇشەيتۋ» نەگىزگى تاقىرىپ ەتىلگەن وبلىسقا توتە قاراستى ورىنداردىڭ جانە بيڭتۋان 4 - شىسىنىڭ، 7 - شىسىنىڭ تۇڭعىش كەزەكتى «ۇلتتار ىنتىماعى ساۋىتىنا تالاسۋ» الاڭ ٴبيى جارىسىن جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى ىلە وبلىستىق مادەنيەت جانە ساياحات مەكەمەسىمەن بىرلەسىپ ۇيىمداستىرعان، ىلە وبلىستىق مادەنيەت سارايى مەن ىلە وبلىستىق جياڭسۋ - ىلە مادەنيەت اۋىس - كۇيىس ورتالىعى مىندەتىنە الىپ، وبلىسقا توتە قاراستى اۋدان - قالالارداعى باعىتتامالى كومەك بەرۋ الدىڭعى شەپ قىزمەت گرۋپپالارى، ٴارقايسى اۋدان - قالالىق مادەنيەت - دەنەتاربيە - راديو - تەلەۆيزيا جانە ساياحات مەكەمەسى، بيڭتۋان 4 - شىسى، 7 - شىسى سەلبەسىپ وتكىزگەن. بۇل جارىس بيىل 3 - ايدا باستالعاننان بەرى وبلىسقا توتە قاراستى ورىندار مەن بيڭتۋان 4 - شىسىن، 7 - شىسىن قامتىعان جارىسقا قاتىناسۋشى ورىندار قيمىلعا ەرەكشە ٴمان بەردى، بۇقارا قيمىلعا قىزۋ ات سالىسىپ، اۋدان - قالالاردا، تۋان الاڭدارىندا سارالاۋ جارىستارى وتكىزىلگەن بولاتىن. 

جاسامپازدىق تۋىندىلارىن جالپىلاستىرۋ، تۋىندىلاردى جولداۋ، العاشقى ساراپتاۋ ارقىلى سوڭىندا وبلىسقا توتە قاراستى 11 اۋدان، قالا مەن بيڭتۋان 4 - شىسى، 7 - شىسى جولداعان 21 تۋىندى ىشىنەن 12 تۋىندى سارالانىپ، شەشۋشى جارىسقا جولداما العان. جارىسقا قاتىناستىرىلعان تۋىندىلار جۇڭحۋانىڭ تاڭداۋلى، ٴداستۇرلى مادەنيەتىنە مۇراگەرلىك ەتىپ، وتاندى، پارتيانى، تۋعان جەردى ٴسۇيۋ سۇيىسپەنشىلىگىن اسقاقتاتۋمەن بىرگە، ومىرشەڭدىككە تولى، بەلسەندى دە العاباسار، بەينەلەۋ قۋاتىنا باي، باۋراعىشتىعى كۇشتى بولىپ، بيڭتۋان مەن جەرگىلىكتى ورىنداعى ٴار ۇلت بۇقاراسىنىڭ ەتەنە ارالاسىپ، بىرگە تۇرمىس كەشىرگەن، ىنتىماقتى، جاراسىمدى، كوركەيىپ، دامىعان تاماشا رۋحاني بەت - بەينەسىن ايگىلەگەن.

الاڭ ٴبيى جارىسىندا ٴبىر 1 - دارەجەلى سيلىق، ەكى 2 - دارەجەلى سيلىق، ٴۇش 3 - دارەجەلى سيلىق يەگەرلەرى مەن 6 ۇزدىك، 6 ۇيىمداستىرۋ سيلىعىنىڭ يەگەرى سارالانىپ شىقتى.

وبلىستىق مادەنيەت جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى جانار اقان قىزى بىلاي دەدى: مەكەمەمىز وسى رەتكى قيمىلدى وراي ەتىپ، بۇقارالىق مادەني قيمىلداردى ۇدايىلاندىرىپ، كولەمدەندىرىپ، الۋان تۇرلىلەندىرىپ ورىستەتۋگە باستاپ جانە جەبەپ، حالىق بۇقاراسىنىڭ مادەني تۇرمىسىن بايىتىپ، وبلىسقا توتە قاراستى ورىنداردىڭ مادەنيەت ىستەرىنىڭ كوركەيىپ دامۋىن ىلگەرىلەتەمىز.