دىڭ باۋ (ٴوز ٴتىلشىمىز)

6 - ايدىڭ 18 - كۇنى قورعاس اۋدانى لانگار قالاشىعى يىڭاۋات قىستاعىنداعى يميت قوي ٴجۇنىن جيناۋ - ساتىپ الۋ پۋنكتىندە قورعاس اۋداندىق ساياسي كەڭەستىڭ مۇشەسى ابليميت يمىراحۇن قوي ٴجۇنىن تايلاۋمەن ابىگەر بولىپ جاتتى. اۋانى قوي ٴجۇنىنىڭ قوڭسى ٴيىسى تورلاپ العان.

بيىل 64 جاستاعى ابليميت بالا كۇنىندە اكەسى ەرتە قايتىس بولىپ كەتكەندىكتەن، وتباسىنا قارايلاسۋ، جان باعىس ٴۇشىن ساۋدا جولىن ەرتە قۋىپ، ونەر ۇيرەنۋگە ٴماجبۇر بولادى. قۇرىلىس الاڭىندا كومەكشى جۇمىسكەر بولدى، كيىم - كەشەك ساتتى. كەيىن كەلە ۋاڭ شانجياڭ جانە گاۋ جۇڭتاۋ ەسىمدى حانزۋ ازاماتتارمەن تانىسىپ، قوي ٴجۇنىن ساتىپ الۋ، ساتۋ ساۋداسىنا ويىسادى.

ۋاڭ شانجياڭ − شينجياڭ تىڭحۇڭيۋان ساۋدا شەكتى جاۋاپكەرلىك سەرىكتەستىگىنىڭ باس القاسى. ول بىلاي دەدى: «ابليميت ەڭبەكشىل ٴارى اق كوڭىل جان، ۇدايى ماڭايىنداعى تۇرمىسىندا قيىنشىلىعى بارلارعا كومەكتەسكىش، ونىڭ ۇستىنە العىس ايتۋدى دا بىلەدى، دوستىققا ادال جان. مەن كاسىپ جاعىنان وعان جەتەكشىلىك ەتىپ جانە كومەكتەسىپ تۇرامىن. كەيىن مەن كاسىپ وزگەرتىپ اۋىل شارۋاشىلىق قوسىمشا ونىمدەرى ساۋداسىن ىستەپ كەتتىم دە، قوي ٴجۇنى ساۋداسىنا قاتىستى بارلىق قايناردى وعان وتكىزىپ، تەحنيكانى وعان  ۇيرەتتىم». وسىلايشا ول ەكەۋى ەندىگارى ساۋدا سەرىكتەرى بولماسا دا، ٴبىراق ۇنەمى تەلەفونمەن حابارلاسىپ، ٴوزارا جاعداي ۇعىسىپ، ٴوز ساۋدالارىنىڭ ٴمان - ٴجايىن اڭىس ەتىپ، بىرگە تۋعان تۋىستارداي بولىپ كەتتى.

قوي ٴجۇنى ساۋداسىنا كىرىسكەنىنە ٴبىرقانشا جىل وتپەي جاتىپ، ابليميت ٴوز كاسىبىندە ماقتانىش ەتەرلىكتەي تاماشا ناتيجەلەرگە قول جەتكىزدى ٴارى كاسىپتەستەرىنىڭ مويىنداۋىنا يە بولدى. ابليميتتىڭ نازارىندا ونىڭ حانزۋ باۋىرلاستارى كاسىپ جولىنداعى ۇيرەنۋ ۇلگىسى بولسا، حانزۋ باۋىرلاستارىنىڭ نازارىندا ول ۇلتتار ىنتىماعىنىڭ ۇلگىسى ەدى.

ول اۋقاتتانعاندا اۋىلداستارىن ۇمىتپادى. ٴبىر جىلدىڭ 4 ماۋسىمىندا ابليميت مالشىلارمەن بىرگە قونىس جاڭالاپ، ٴارقايسى مال شارۋاشىلىق رايوندارىندا قوي ٴجۇنىن جيناۋمەن قاربالاس بولاتىن. ول مالشىلاردىڭ تۇرمىسىنا توتەنشە قانىق بولىپ، ۇنەمى ولارعا كومەكتەسىپ، قيىنشىلىعىن شەشىپ تۇردى. كوپ جىلداردان بەرى وتباسىندا قيىنشىلىق بار بالالارعا وقۋعا كومەك قاراجاتىن مىندەتتى تۇردە اتاپ كەلدى. ٴار رەت پيونەرلەر ونىڭ موينىنا نارت قىزىل گالستۋك تاققاندا ول ٴوزىن شەكسىز باقىتتى سەزىنەتىن. كومەككە يە بولعان وقۋشىلاردىڭ الاڭسىز وقۋىن تامامداعانىن كورگەندە ابليميت پەن ونىڭ زايىبى ايرىقشا قۋاناتىن.

قورعاس اۋدانى سۇيدىڭ قالاشىعى يىڭاۋات الەۋمەتتىك اۋماعى پارتيا ياچەيكاسىنىڭ شۋجيى لين شينحىڭنىڭ ابليميتپەن تانىسقانىنا 9 جىل بولىپتى. ول بىلاي دەدى: «ابليميت − مەيىرىمدى، قوعامدىق جاۋاپكەرلىگى كۇشتى كاسىپورىنشىلاردىڭ ٴبىرى. ول الەۋمەتتىك اۋماقتاعى وتباسىندا قيىنشىلىق بار وقۋشىلارعا ۇنەمى كومەكتەسىپ كەلەدى. ٴار جىلى 57 وقۋشىعا تۇراقتى كومەكتەسەدى. 2021 - جىلى ىندەت كەزىندە ول الەۋمەتتىك اۋماقتىڭ ەرىكتىلەر قىزمەتىنە بەلسەنە ات سالىستى».

2019 - جىلى قورعاس اۋدانىنىڭ لانگار قالاشىعىندا ورىستەتىلگەن «مەن جانە مەنىڭ وتانىم» تاقىرىبىنداعى جەلىلەس الەۋمەتتىك يگىلىك قيمىلىنا 48 مىڭ يۋان كومەك بەردى، 2021 - جىلى حىنان ولكەسىنىڭ جىڭجوۋ قالاسىندا تۋىلعان تاسقىن اپاتىندا، اپاتقا ۇشىراعان رايونعا 20 مىڭ يۋان جىلۋ اتادى.

قورعاس اۋدانى لانگار قالاشىعى پارتكومىنىڭ شۋجيى سۇي ينلي بىلاي دەدى: «ابليميت قيىنشىلىعى بار بۇقاراعا قىزۋ ىنتامەن كومەكتەسىپ، الەۋمەتتىك يگىلىك ىستەرىنە زور ۇلەس قوستى. ونىڭ بۇل ارەكەتى ٴبىزدىڭ ۇيرەنۋىمىزگە تاتيدى».

21 جىلدان بەرى جالپى 2 ميلليون 300 مىڭ يۋان جىلۋ اتادى. ابليميت قورعاس اۋداندىق پارتكوم مەن ۇكىمەت جاعىنان كوپ رەت ماراپاتتالىپ، ۇلتتار ىنتىماعى، العاباسارلىعىنداعى ۇزدىك جەكە بولىپ باعالاندى. ابليميت وسى داڭقتارىن توتەنشە قاستەرلەيتىن. ونىڭ كەڭسەسىنە بارساڭىز قاز - قاتار تىزىلگەن سيلىق ساۋىتتارى مەن سيلىق كۋالىكتەرىن كورەسىز. داڭقتىڭ كۋاسى بولعان وسى سيلىقتار ونىڭ الەۋمەتتىك يگىلىك ىستەرىنە قىزۋ ىنتامەن ات سالىسىپ، ەلەۋلى ناتيجەلەر جاراتقاندىعىنىڭ شاعىن كارتيناسى ەدى.