ٴتىلشىمىز لي يافىڭ حابارلايدى. 9 - ايدىڭ ورتاسىندا اۋا رايى سالقىندادى، جىلۋمەن قامداۋ دا باستالۋ الدىندا تۇر، بۇل جاعىندا قۇلجا قالالىق جىلۋمەن قامداۋ شەكتى سەرىكتەستىگى تولىق ازىرلەنىپ بولدى. 9 - ايدىڭ 15 - كۇنى تۇستەن بۇرىن قۇلجا قالالىق جىلۋمەن قامداۋ شەكتى سەرىكتەستىگى ٴبىر ٴبولىم شاعىن اۋماقتارعا سۋ جىبەردى، مىنە بۇدان 2022 − 2023 - جىلعى جىلۋمەن قامداۋ قىزمەتىنىڭ رەسمي باستالعاندىعىن كورۋگە بولادى، بۇكىل قالا رايونىنداعى قۇبىر توراپتارىنا سۋ جىبەرۋ قىزمەتى اياقتاعاننان كەيىن، بەلگىلەمە بويىنشا قالا رايونىن جىلۋمەن قامداۋ جاپپاي باستالادى.

9 - ايدىڭ 15 - كۇنى بۇل سەرىكتەستىكتىڭ 3 - جىلۋ قاينارى زاۆودىندا قىزمەتكەرلەر ٴارقايسى جىلۋمەن قامداۋ قۇرىلعى - اسپاپتارىن تۇگەل تەكسەرىپ رەمونتتاپ بولىپ، جىلۋمەن قامداۋ شارتىن ازىرلەپ، 1 - رەت توراپتا سۋ جىبەرىپ، سۋىق سۋدىڭ اينالىمىنا تەكسەرۋ جۇرگىزدى.

قۇلجا قالاسىنىڭ بيىل قىسقى جىلۋمەن قامداۋ تورابىنا تىركەلگەن جالپى اۋماق 27 ميلليون شارشى مەتر، نەگىزگى جىلۋ قاينارى − جۇڭگو كومىر ەنەرگيا توبى ىلە ەنەرگيا اشۋ شەكتى سەرىكتەستىگى مەن مەملەكەتتىك ەلەكتر تورابى ەنەرگيا شەكتى سەرىكتەستىگى ىلە كومىر ەلەكتر سەرىكتەستىگى، قۇلجا قالالىق جىلۋمەن قامداۋ شەكتى سەرىكتەستىگىنىڭ 3 -، 4 - جىلۋ قاينارى زاۆودتارى جىلۋمەن قامداۋدىڭ قاۋىرت كەزىندە جىلۋمەن قامداپ، جالپى جىلۋمەن قامداۋ قۋاتى جىلۋمەن قامداۋ قاجەتىن نەگىزىنەن قاناعاتتاندىرا الادى.

ۇعىسۋعا قاراعاندا، الدىڭعى رەتكى جىلۋمەن قامداۋ اياقتاعاننان كەيىن، قۇلجا قالالىق جىلۋمەن قامداۋ شەكتى سەرىكتەستىگى جىلۋ قاينارى جانە جىلۋ تورابى سىندى ەكى جاقتان بيىل قىسقى جىلۋمەن قامداۋ قىزمەتى جونىندە مىناداي ناقتى ورنالاستىرۋ جاساعان: جىلۋ قاينارى جاعىندا، 4 - جىلۋ قاينارى زاۆودىن لاس زاتتاردى ەڭ تومەن دارەجەدە ىعىستراتىن ەتىپ وزگەرتۋ؛ جىلۋ تورابى جاعىندا، بيىل قىستا اينالىمعا تۇسەتىن 269 جىلۋ قىسىمىن كۇشەيتۋ پۋنكتىنە تەكسەرۋ جۇرگىزىپ رەمونتتاپ، جىلۋ قىسىمىن كۇشەيتۋ پۋنكتىنىڭ اسپاپتارىن جۋىپ تازالاپ، سۋدى اينالىمعا تۇسىرەتىن ناسوستى تۇگەل رەمونتتاپ، جىلۋمەن قامداۋ ساپاسىنا ىقپال جەتكىزەتىن قۇبىر تورابىن وزگەرتۋ. 9 - ايدىڭ 5 - كۇنىنەن بۇرىن سەرىكتەستىك بيىلعى جىلۋمەن قامداۋعا ىقپال جەتكىزەتىن بارلىق رەمونتتاۋ تۇرلەرىن اياقتاتىپ، وسى كۇننەن باستاپ قۇبىر تورابىنا سۋ جىبەردى ٴارى جىلۋمەن قامداۋ جوسپارى بويىنشا سۋىق سۋمەن جۇرگىزۋ ۇلگىسىندە اينالىمعا ٴتۇستى. جانارزات زاپاسى جونىندە جىلۋمەن قامداۋدى كومىرمەن قامتاماسىزداندىرۋ كەلسىمىنە قول قويىلىپ، 3 - جىلۋ قاينارى زاۆودى 7 مىڭ توننا كومىر دايىندادى.

قۇلجا قالالىق جىلۋمەن قامداۋ شەكتى سەرىكتەستىگىنىڭ قاتىستى جاۋاپتىسى بىلاي دەدى: «2022 − 2023 - جىلعى جىلۋمەن قامداۋدى توقتاتۋ ٴىسى 9 - ايدىڭ 10 - كۇنى باستالدى، تىنىش كۇيدە باسقارۋ اياقتاۋدان بۇرىن تەك تەلەفون ارقىلى جىلۋمەن قامداۋدى جالعاستى توقتاتۋ كاسىبىن بىتىرۋگە بولادى (الدىڭعى رەتكى جىلۋمەن قامداۋ ماۋسىمىندا جىلۋمەن قامداۋدى توقتاتقان تۇتىنۋشىلار)، جىلۋمەن قامداۋدى جالعاستى توقتاتۋشىلار ٴارقايسى شاعىن اۋماق رايونىنداعى جاۋاپتى قىزمەتكەرمەن بايلانىس جاساپ، جىلۋمەن قامداۋدى جالعاستى توقتاتۋ كاسىبىن بىتىرۋىنە بولادى ٴارى نەگىزگى جىلۋمەن قامداۋ اقىسىنىڭ %30 ىن ٴۇنحات ارقىلى تاپسىرىپ، جىلۋمەن قامداۋدى جالعاستى توقتاتۋ كاسىبىن بىتىرەدى». سونىمەن بىرگە، 4 بولىمشە سەرىكتەستىك 45 رايون جاۋاپتىسىن ٴوزى قاراستى وڭىردەگى تۇتىنۋشىلار اڭىس ەتكەن ٴتۇرلى ماسەلەلەردى تىزىمدەپ شىعۋعا ورنالاستىردى ٴارى 8141234 تاۋلىك بويى قىزمەت وتەۋ ىستىق لەنياسىن اشىپ، جىلۋمەن قامداۋدىڭ الدىڭعى مەرزىمدىك ٴتۇرلى ماسەلەلەرىن بەلسەنە ىرىقتىلىقپەن ٴبىر جاقتى ەتتى. بۇل سەرىكتەستىك تاعى شۇعىل جاعدايعا توتەپ بەرۋ، رەمونتتاۋ اترەتىن ۇيىمداستىرىپ، ٴارقايسى تۇرعىندار رايونىنىڭ قوجالىق بولىمدەرىمەن جانە ەرىكتىلەر قىزمەت وتەۋ اترەتتەرىمەن تىعىز سايكەسىپ، ٴتۇرلى ماسەلەلەردى بىرگە شەشىپ، قىسقى جىلۋمەن قامداۋ قىزمەتىنىڭ قالىپتى اينالىمىنا كەپىلدىك ەتتى.