汉文 ىلە اقپارات تورابىنا حوش كەلدىڭىزدەر!
وسى كەزەكتى كورمەدە قورعاس قالاسىنىڭ كەلىسىم سوماسى 97 ميلليون 550 مىڭ دوللارعا جەتتى
2022-09-25 13:46:31     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىلشىمىز شۇي جيەجى، ەرىكتى تىلشىلەر لي يۇڭ، يۇڭ چىڭفان ۇرىمجىدەن حابارلايدى. 7 - كەزەكتى جۇڭگو − ازيا - ەۆروپا كورمەسىنىڭ 2022 جۇڭگو (شينجياڭ) − قازاقستان كاسىپكەرلەر تالقى مىنبەرى 9 - ايدىڭ 20 - كۇنى تۇستەن كەيىن ينتەرنەت جەلىسى مەن ينتەرنەت جەلىسىنەن تىسقارىنى ٴوزارا ۇشتاستىرۋ تاسىلىمەن وتكىزىلدى. قورعاستىڭ 4 كاسىپورىنى قازاقستان كاسىپورىندارىمەن كەلىسىمگە قول قويىستى، بۇلار مانەرلەۋ ساۋداسى، اۋىل شارۋاشىلىق قوسىمشا ونىمدەرىن ەكسپورت ەتۋ سياقتى سالالاردى قامتيدى، جالپى سوماسى 97 ميلليون 550 مىڭ دوللار بولدى.

قورعاس قالالىق ساۋدا ىستەرى مەكەمەسى سىرتقى ساۋدا ٴبولىمىنىڭ جاۋاپتىسى ماينۇر قازىمەت بىلاي دەپ تانىستىردى: «قورعاس قالالىق ساۋدا ىستەرى مەكەمەسى وسى كەزەكتى كورمەنى وراي ەتە وتىرىپ، 4 كاسىپورىندى 2022 جۇڭگو (شينجياڭ) − قازاقستان كاسىپكەرلەر تالقى مىنبەرىنىڭ كەلىسىمگە قول قويۋ سالتىنا قاتىناسۋعا ۇيىمداستىردى، قازاقستان جاقتىڭ اۋىل شارۋاشىلىق ونىمدەرىن يمپورت ەتۋى جانە جۇڭگو جاقتىڭ تاۋار كولىكتەرىن ەكسپورت ەتۋى سياقتى جاقتاردا ىشكەرىلەي سەلبەستىك جاساپ، جۇڭگو مەن قازاقستاننىڭ ەكونوميكا - ساۋدا اۋىس - كۇيىسىن جەبەدى.

شينجياڭ جاۋفىڭحى بيوتەحنيكا شەكتى سەرىكتەستىگى 2016 - جىلى 1 - ايدىڭ 20 - كۇنى قۇرىلعان، ول قورعاس ۋنيۆەرسالدى قورعامالى باجى رايونىنا تۇڭعىش ىرگە تەپكەن كاسىپورىن، جالپى نىسان جوباسى بويىنشا جىلىنا ٴبىر ميلليون توننا اۋىل شارۋاشىلىق قوسىمشا ٴونىمىن يمپورت ەتىپ مانەرلەيدى، قازىر 1 - مەرزىمدىك نىسانىندا جىلىنا 150 مىڭ توننا جەم - ٴشوپ شيكىزاتىن ٴوندىرۋ لەنياسى سالىنىپ بولدى، نەگىزىنەن قازاقستاننىڭ جەم - ٴشوپ دارەجەسىندەگى ٴبيداي، ارپا سياقتى ٴوندىرۋ، مانەرلەۋ شيكىزاتتارىن يمپورت ەتەدى. وسى كەزەكتى كورمەدە بۇل سەرىكتەستىك قازاقستان كاسىپورىنىمەن 50 مىڭ توننا ارپا يمپورت ەتۋ توقتامىنا قول قويىستى، مۇنىڭ قۇنى 12 ميلليون 750 مىڭ دوللار. سەرىكتەستىكتىڭ ورىنباسار باس ديرەكتورى گو حايسىن بىلاي دەدى: «كورمە كەزىندە ٴبىز ينتەرنەت جەلىسىندە جۇڭگو - قازاقستان كاسىپكەرلەر تالقى مىنبەرىنە قاتىناسىپ، قازاقستان جاقپەن قۇنى 12 ميلليون 750 مىڭ دوللارلىق ارپا شيكىزاتىمەن قامداۋ توقتامىنا قول قويىسىپ، سەرىكتەستىگىمىزدىڭ بيىلعى جىل سوڭىندا جانە كەلەر جىلدىڭ باسىندا ٴوندىرىس شيكىزاتىمەن قامداۋ ماسەلەسىن ٴونىمدى شەشتىك».