سالىقتى ازايتتى، كەشىرىم ەتتى، قوعامدىق قامسىزداندىرۋدى كەشەۋىلدەتتى

ىلە وبلىسى ٴتۇرلى بازار تۇلعالارىن سىرتتاي سۇيەمەلدەپ قۋات ۇستەدى

ٴتىلشىمىز لۋ جۇڭ حابارلايدى. 9 - ايدىڭ  22 ـ كۇنى كەشتە، ىلە وبلىستىق ۇكىمەتتىڭ اقپارات كەڭسەسى ىندەتتەن ساقتانۋ - تىزگىندەۋ جونىندە اقپار جاريالاۋ ٴماجىلىسىن اشتى. ماجىلىستە وبلىستىق ۇكىمەتتىڭ ورىنباسار باس حاتشىسى زىڭ جۇنفىڭ ىلە وبلىسىنىڭ كاسىپورىندارعا كومەكتەسىپ، قيىنشىلىق قىسپاعىنان قۇتىلدىرۋ ساياسات - شارالارى جاعدايىن حابارلادى، قۇلجا قالاسىنىڭ ورىنباسار قالا باستىعى شيا جىگو قۇلجا قالاسىنداعى 33 شاعىن رايوننىڭ، 21 كوشەنىڭ، ٴبىر دەربەس عيماراتتىڭ تىنىش كۇيدە باسقارۋدى كۇشىنەن قالدىرۋ جاعدايىن حابارلادى. 

ىندەت تۋىلعاننان بەرى ىلە وبلىسى سالىق تاراۋلارىنىڭ فۋنكتسيالىق رولىن تولىق ساۋلەلەندىرىپ، قىزمەت وتەۋ شارالارىن جاپپاي كەمەلدەندىرىپ، سالىقتى ازايتۋ، كەشىرىم ەتۋ، قوعامدىق قامسىزداندىرۋدى كەشىكتىرىپ تاپسىرۋ سياقتى ٴتۇرلى ساياساتتىق شارالاردى دالمە ـٴدال تياناقتاندىرىپ، ٴتۇرلى بازار تۇلعالارىن سىرتتاي سۇيەمەلدەپ قۋات ۇستەپ، جۇمىستاندىرۋعا كەپىلدىك ەتۋگە، بازاردى ورنىقتىرۋعا، دامۋدى جەبەۋگە دەم بەردى. 

ٴبىرىنشى، «كەشىرىم ەتۋ+ ازايتۋ» ارقىلى ساياساتتىق تيىمدىلىكتى ۇزدىكسىز شىعاردى. شاعىن كولەمدە سالىق تاپسىرۋشىلارعا ارتقان قۇن سالىعىن كەزەڭدىك كەشىرىم ەتۋ ساياساتى اتقارىلدى، 2022 - جىلى 4 - ايدىڭ 1 - كۇنىنەن باستاپ 2022 - جىلى 12 - ايدىڭ 31 - كۇنىنە دەيىن، ارتقان قۇن سالىعى بويىنشا شاعىن كولەمدە سالىق تاپسىرۋشىلارعا %3 تىك سالىق مولشەرى قولدانىلىپ ساتىلىم كىرىسىنەن سالىق الىنادى، ارتقان قۇن سالىعى الىنبايدى؛ الدىن الا الىناتىن %3 تىك سالىق مولشەرى قولدانىلعان، كۇنى بۇرىن جيىلاتىن ارتقان قۇن سالىعى تۇرىندە ارتقان قۇن سالىعىن الدىن الا جيۋ ۋاقىتشا توقتاتىلادى. شاعىن تيپتەگى پايداسى ماردىمسىز كاسىپورىنداردان كاسىپورىن تابىس سالىعىن ازايتىپ الۋ ساياساتى تياناقتاندىرىلدى. 2022 - جىلى 1 - ايدىڭ 1 - كۇنىنەن 2024 - جىلى 12 - ايدىڭ 31 - كۇنىنە دەيىن شاعىن تيپتەگى پايداسى ماردىمسىز كاسىپورىنداردىڭ جىلدىق سالىق تاپسىرۋعا ٴتيىستى تابىس سوماسى ٴبىر ميلليون يۋاننان اسقان، ٴبىراق 3 ميلليون يۋاننان اسپاعان بولسا، سالىق تاپسىرۋعا ٴتيىستى تابىس سوماسى %25 كەمەيتىلىپ ەسەپتەلىپ، %20 تىك سالىق مولشەرى بويىنشا كاسىپورىن تابىس سالىعى تاپسىرىلادى. سونىمەن بىرگە، 2021 - جىلى شىعارىلعان شاعىن تيپتەگى پايداسى ماردىمسىز كاسىپورىنداردىڭ جىلدىق سالىق تاپسىرۋعا ٴتيىستى تابىس سوماسى ٴبىر ميلليون يۋاننان اسپايتىن بولەگىنەن كاسىپورىن تابىس سالىعى جارتىلاي الىنادى. شاعىن كولەمدە سالىق تاپسىرۋشىلاردان، شاعىن تيپتەگى پايداسى ماردىمسىز كاسىپورىنداردان جانە جەكەشە ونەركاسىپشىلەر مەن ساۋداگەرلەردەن «التى ٴتۇرلى سالىق، ەكى قاراجاتتى» جارتىلاي ازايتىپ الۋ ساياساتى تياناقتاندىرىلادى، 2022 - جىلى 1 - ايدىڭ 1 - كۇنىنەن 2024 - جىلى 12 - ايدىڭ 31 - كۇنىنە دەيىن %50 تىك سالىق سوماسى مولشەرى بويىنشا بايلىق سالىعى، قالاداعى قۇرىلىسىتاردى قورعاۋ سالىعى، قورا - جاي سالىعى، قالا - قالاشىق جەرىن پايدالانۋ سالىعى، ماركا سالىعى (زايوم ساۋداسىنىڭ ماركا سالىعى قامتىلمايدى)، ەگىستىك جەردى يەلەنۋ سالىعى جانە وقۋ - اعارتۋ قوسىمشا قاراجاتى، جەرگىلىكتى ورىنداردىڭ وقۋ - اعارتۋ قوسىمشا قاراجاتى ازايتىلادى. 

ەكىنشى، «كەشىكتىرىپ تاپسىرۋ+ كەشەۋىلدەتىپ تاپسىرۋ»، قارجى قىسىمىن جەڭىلدەتۋ. ٴتۇرلى قوعامدىق قامسىزداندىرۋ مامىلەسىنىڭ ۋاعىندا، تولىق تولەنۋىنە كەپىلدىك ەتۋ العى شارتىندا، قوعامدىق قامسىزداندىرۋ اقىسىن كەشىكتىرىپ تاپسىرۋ ساياساتىن دالمە ـ ٴدال تياناقتاندىرىپ، ىندەتتىڭ ىقپالىنا ۇشىراپ، ٴوندىرىس تيجاراتىندا ۋاقىتشا قيىنشىلىققا تاپ بولعان ورتا، شاعىن، ۇساق كاسىپورىندارعا، مەكەمە ـ ورىن تاسىلىمەن قامسىزداندىرۋعا قاتىناسقان جەكە ونەركاسىپشىلەر مەن ساۋداگەرلەرگە زەينەتكەرلىك قامسىزداندىرۋى، جۇمىسسىزدىق قامسىزداندىرۋى، جۇمىس ۇستىندە جارالانعانداردى قامسىزداندىرۋ سىندى 3 ٴتۇرلى قوعامدىق قامسىزداندىرۋ قاراجاتىن كەشىكتىرىپ تاپسىرۋ، اتقارۋ مەرزىمى 2022 ـ جىلدىڭ سوڭىنا دەيىن ۇزارتىلادى. جەكە سالاۋاتىمەن كاسىپورىن جۇمىسشى - قىزمەتكەرلەرىنىڭ نەگىزدىك زەينەتكەرلىك قامسىزداندىرۋىنا قاتىناسقان جەكە ونەركاسىپشىلەر مەن ساۋداگەرلەر جانە ٴار تۇردەگى يكەمدى كاسىپتەنۋشىلەر جونىنەن 2022 - جىلى زەينەتكەرلىك قامسىزداندىرۋ اقىسىن تاپسىرۋدى ٴوز ەركىمەن كەشەۋىلدەتۋىنە بولادى، كەشىكتىرىپ تاپسىرۋ مەزگىلىندە ايىپ اقشا الىنبايدى. بۇدان سىرت، سۇرانىسى بار باجى تاپسىرۋشىلار زاڭ بويىنشا باجى سوماسىن كەشىكتىرىپ مالىمدەۋ جانە كەشىكتىرىپ تاپسىرۋ رەسمياتىن وتەپ، كاسىپورىنداردىڭ قيىن وتكەلدەن وتۋىنە كومەكتەسۋ كەرەك. 

ٴۇشىنشى، «ينتەرنەت جەلىسى + كەم - كەتىگىن ٴبىتىرۋ» حالىققا قولايلى سالىق ىستەرىن ٴبىتىرۋ، ساپالى قىزمەت وتەۋ. وبلىستىق، اۋداندىق سالىق تاراۋلارى كاسىپورىندارمەن بايلانىس جاساۋ، كاسىپورىنداردى ارالاۋ تەبىنىن ارتتىرىپ، ورتا، شاعىن، ۇساق كاسىپورىندارعا ىرىقتىلىقپەن كوڭىل ٴبولىپ جانە قىزمەت وتەپ، ساياساتتىق جاقتان بەلسەنە جەتەكشىلىك ەتىپ، كاسىپورىنداردىڭ جۇمىستى، ٴوندىرىستى قالپىنا كەلتىرۋ، بازاردى قالپىنا كەلتىرۋ بارىسىندا جولىققان ماسەلەلەرىنە دەر كەزىندە جاۋاپ بەرىپ جانە ونى ٴبىرجاقتى ەتىپ، كاسىپورىنداردىڭ قيىنشىلىعىن شەشۋىنە كومەكتەستى. كەزەكتە «جاناسپايتىن فورما تۇرىندەگى» سالىق تاپسىرۋ قىزمەتى 233 تۇرگە كەڭەيتىلدى، زاڭدا بەلگىلەنگەن تالاپ ەتىلگەن جانە ينتەرنەت جەلىسىنەن تىسقارى ناقتى زات تاپسىرىلۋدان سىرت، سالىق تاپسىرۋشىلار مەن اقى تاپسىرۋشىلاردىڭ نەگىزگى سالىق تاپسىرۋ ىستەرى تۇگەلدەي «جاناسپايتىن فورماعا» ەنگىزىلدى. سونىمەن بىرگە، وبلىستىق سالىق تاراۋلارى «كەم - كەتىگىن ٴبىتىرۋ»، «الىس ارالىقتان سەلبەسىپ ٴبىتىرۋ» سياقتى قىزمەت وتەۋدى ورتاعا قويدى، باجى تاپسىرۋشىلار تۇتاس وبلىستاعى ٴبىر تۇتاس باجى تاپسىرۋعا قىزمەت وتەۋ ىستىق لەنياسىنا تەلەفون بەرۋ ارقىلى «8212366 - 0999» لەنياداعى دىبىس، كەسكىن سياقتى تاسىلدەرمەن جاۋاپ قايتارىپ، جەتەكشىلىك ەتىپ، ۇيىنەن شىقپاي - اق «تەلەفون ارقىلى جاۋاپ بەرۋدى»، سالىققا ساياتىن ىستەردى «الىس ارالىقتان ٴبىتىرۋدى» جۇزەگە اسىردى.