ٴتىلشىمىز لۋ جۇڭ حابارلايدى. 9 - ايدىڭ 20 - كۇنى جۇڭگو شارۋالار مول ٴونىم مەرەكەسىندە «ٴىرى ەل اۋىل شارۋاشىلىق شەبەرلەرى» اتىنداعى مەملەكەتتىك شارۋالار شەبەرلىك جارىسىنىڭ ەگىنشىلىك، باعىمشىلىق شەبەرلەرى، يگىلىك جاراتۋ، جاڭالىق اشۋ، اۋىل ـ قىستاق ەلەكتروندىق ساۋدا دارىندىلارى تۇرلەرىندەگى سيلىققا يە بولعانداردىڭ ەسىمدىگى جاريالاندى، ىلە اڭعارى اۋىل شارۋاشىلىق عىلىم - تەحنيكا توبى شەكتى سەرىكتەستىگىنىڭ باسالقاسى جاڭ يۇنلي يگىلىك جاراتۋ، جاڭالىق اشۋ تۇرىندە 1 ـ دارەجەلى سيلىققا يە بولىپ، ىلە وبلىسىنداعى وسى جارىستىڭ كومبەسىنەن كورىنگەن بىردەن ـ ٴبىر «ٴىرى ەل اۋىل شارۋاشىلىق شەبەرىنە» اينالدى.

2012 - جىلى جاڭ يۇنلي چاپچال سىبە اۆتونوميالى اۋدانى بەسسۇمىن قالاشىعىندا ىلە اڭعارى اۋىل شارۋاشىلىق عىلىم ـ تەحنيكا توبى شەكتى سەرىكتەستىگىن قۇردى. 10 جىل تىنباي قۇلشىنۋ ارقىلى وسى سەرىكتەستىك جوباداعى جەر اۋماعى 20 مىڭ مۋدان اساتىن ىلە اڭعارى 10 مىڭ مۋلىق جۇپار ٴشوپ كاسىپ باقشاسىن قۇردى. سەرىكتەستىك ىلگەرىندى ـ كەيىندى اۆتونوميالى رايون بويىنشا اۋىل شارۋاشىلىعىن كاسىپ سالالاندىرۋداعى ٴتۇيىندى باستاماشى كاسىپورىن، ارنايىلانعان، كەمەلدەنگەن، ەرەكشە، جاڭاشا كاسىپورىن، قارجى قوسۋ ونىمدىلىگى جوعارى، پايدا بەرۋى تەز، جۇمىستاندىرۋدى جەبەۋدەگى تاڭداۋلى كاسىپورىن بولىپ باعالانعان ٴارى 2021 ـ جىلى «ىلەدەگى جۇپار ٴشوپ كاسىپ سالاسىن زەرتتەۋ جانە دامىتۋ نىسانىنا» سۇيەنىپ، «فۋليڭ زاساي ساۋىتى» اتىنداعى 5 ـ كەزەكتى مەملەكەتتىك اۋىل ـ قىستاق يگىلىك جاراتۋ، جاڭالىق اشۋ نىسانى جاڭالىق اشۋ جارىسىنىڭ جەتىلۋ گرۋپپاسىنىڭ 1 ـ دارەجەلى سيلىعىنا يە بولعان. 

ىلە اڭعارىنداعى جۇپار ٴشوپ ەگىلگەن جەر اۋماعى بۇكىل ەلدەگى جۇپار ٴشوپ ەگىلگەن جەر اۋماعىنىڭ %95 تەن استامىن ۇستايدى، اتى زاتىنا ساي جۇڭگوداعى جۇپار ٴشوپ مەكەنى. جۇپار ٴشوپتىڭ ساپاسى مەن باسەكەلىك قۋاتىن جوعارىلاتۋ ٴۇشىن، جاڭ يۇنلي مەن ونىڭ سەرىكتەستىگىندەگىلەر اۆتونوميالى رايون دارەجەلى پوست دوكتورلار عىلمي زەرتتەۋ قىزمەت پۋنكتىن جانە پوست دوكتورلار عىلمي زەرتتەۋ، جاڭالىق اشۋ بازاسىن قۇرىپ، «جۇڭگو جۇپار ٴشوبىنىڭ ساپالى تۇقىم بايلىعى گەن قامباسىن» بەلسەنە قۇردى، سونداي - اق جۇڭگو عىلىم اكادەمياسى وسىمدىك زەرتتەۋ ورنى، جۇڭگو عىلىم اكادەمياسى شي - ان بولىمشەسى، جۇڭگو عىلىم اكادەمياسىنىڭ ەكولوگيا جانە جاعراپيا زەرتتەۋ ورنى، شاڭحاي قاتىناس داشۋەسى حوش ٴيىستى وسىمدىك زەرتتەۋ ورنى سياقتى كوپتەگەن مەكتەپ، اكادەميامەن ٴوندىرۋ، وقىتۋ، زەرتتەۋ سەلبەستىگىن ورىستەتتى. قازىر سەرىكتەستىك ىلگەرىندى - كەيىندى 40 تان استام جۇپار ٴشوپ سورتىن جەتىلدىرىپ، جەرگىلىكتى ورىنداعى شارۋالاردىڭ جالپى 350 مىڭ ادام - رەت، ۇزىن، قىسقا مەرزىمدى جۇمىستانۋىن شەشتى. 

جاڭ يۇنلي مىنانى ٴبىلدىردى: وسى رەتكى «ٴىرى ەل اۋىل شارۋاشىلىق شەبەرلەرى» داڭقىنا يە بولۋىمىز سەرىكتەستىگىمىزدىڭ جۇپار ٴشوپ كاسىبىنىڭ ەل ىشىندەگى كاسىپ سالاسىنىڭ مويىنداۋىنا يە بولعانىن كورسەتەدى. سەرىكتەستىگىمىز عىلىم - تەحنيكانى ۇزدىكسىز تىرەك ەتىپ، ىلەدە مۋ باسىندىق ٴتۇسىمى جوعارى، ماي جاۋھارى ساپالى جۇپار ٴشوپ سورتىن جەتىلدىرىپ، ىلەنىڭ حوش ٴيىستى ونىمدەر كاسىبىن ونان ارى الۋەتتەندىرىپ، وبلىسقا توتە قاراستى ورىنداردىڭ ەكونوميكاسىنىڭ جوعارى ساپالى دامۋىن ىلگەرىلەتۋگە اناعۇرلىم زور ۇلەس قوسادى.