汉文 ىلە اقپارات تورابىنا حوش كەلدىڭىزدەر!
اشىلىبۇلاق قىستاعىنداعى قىزمەت اترەتى شارۋالاردىڭ كۇزگى جيىن - تەرىن جۇمىسىنا كومەكتەستى
2022-09-30 01:33:20     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

20220920000271_fefd86b63ddb3aa57eb8714e6fd660ca61a730f3.jpg

سۋرەتتە: قىزمەت اترەتىنىڭ مۇشەلەرى قىستاق تۇرعىنى نۇرمۇقامەتتىڭ جۇگەرى ورۋىنا كومەكتەسۋدە.

لي رۋ - ي فوتوسى

ٴتىلشىمىز لي رۋ - ي حابارلايدى. قازىر كۇنەس اۋدانى بەستوبە اۋىلى اشىلىبۇلاق قىستاعىندا جۇگەرى جاپپاي ورۋ مەزگىلى باستالدى. قىستاق «ەكى كوميتەتى» مەن ىلە گازەتى مەكەمەسىنىڭ اشىلىبۇلاق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى ىندەتتەن ساقتانۋ - تىزگىندەۋ قىزمەتىن عىلمي، ٴتارتىپتى ورىستەتۋمەن بىرگە، كۇزگى جيىن - تەرىن كەزىندە شارۋالارعا كومەكتەسۋ قىزمەتىن بەلسەنە ورىستەتتى.

كۇزگى جاۋىن - شاشىن كەلۋ قارساڭىندا، 9 - ايدىڭ 18 - كۇنى قىستاقتا تۇراتىن قىزمەت اترەتىنىڭ مۇشەلەرى ىرىقتى تۇردە وتباسىلاردى ارالاپ، قىستاق تۇرعىنى نۇرمۇقامەت بولتاي ۇلىنىڭ جۇگەرى جيناۋىنا كومەكتەستى. جۇگەرى اتىزىندا قىزمەت اترەتى مۇشەلەرى ٴبىرى جۇگەرىنى قالتاعا سالسا، ٴبىرى قالتانىڭ اۋزىن بايلاپ،  قاربالاس بولدى. نۇرمۇقامەت بىلاي دەدى: «قىزمەت اترەتىنىڭ مۇشەلەرى ٴدال ۋاعىندا كەلىپ، ۇلكەن قيىنشىلىعىمدى شەشتى، قىزمەت اترەتىنە توتەنشە راقىمەت ايتامىن».

وسى جولى ىندەت تۋىلعاننان بەرى قىستاق «ەكى كوميتەتى» مەن قىزمەت اترەتى اتىز باسىنا ىشكەرىلەي بارىپ، شارۋالاردىڭ كۇزگى جيىن - تەرىن جۇمىسىنداعى قيىنشىلىقتارى مەن تالاپ - تىلەكتەرىن دەر كەزىندە ۇعىسىپ، تاسىمال كولىكتەرىن سايكەستىرىپ، ەڭبەككۇش جەتىسپەۋ سياقتى ناقتى ماسەلەلەردى شەشىپ، شارۋالاردىڭ كۇزگى جيىن - تەرىن جۇمىسىنا كومەكتەسۋ قىزمەتىن كۇش سالا ويداعىداي ىستەدى. قازىر بۇكىل قىستاق كادرلارى قيىنشىلىعى بار 10 وتباسىنىڭ 15 مۋ جەردەگى جۇگەرىسىن ورۋىنا كومەكتەستى.