ٴتىلشىمىز پاتيما، ەرىكتى تىلشىلەر ما يۇيحۇي، جىن يىڭ حابارلايدى. قاز - قاتار قادالعان مەملەكەت تۋى جەلمەن جەلبىرەپ، شوق - شوق اسەم گۇلدەر كوزدىك جاۋىن الىپ، مەرەكە لەبى ەستى... تاياۋ كۇندەردەن بەرى مەملەكەت مەرەكەسى مەن پارتيا 20 - قۇرىلتايىنىڭ جەڭىسپەن اشىلۋىن شات مەرەيمەن قارسى الۋ ٴۇشىن، قورعاس اۋدانى تەبىندى ارتتىرىپ، قالا رايونىنىڭ نەگىزگى جولى، جول ايىرىعى سياقتى ٴتۇيىندى وڭىرلەر مەن ورىنداردىڭ ورتاسىن كوركەم تۇسكە بولەپ، جاراسىمدى مەرەكە اۋانىن قالىپتاستىردى.

9 - ايدىڭ 28 - كۇنى قورعاس اۋدانى قالا رايونىنداعى نەگىزگى جولداردىڭ بارلىق جەرىنەن مەملەكەت مەرەكەسىن، پارتيا 20 - قۇرىلتايىنىڭ جەڭىسپەن اشىلۋىن شات مەرەيمەن قارسى الۋ مازمۇنىنداعى ٴتۇرلى كەرمە تۋلار مەن ۇرانداردى كەزدەستىردىك، كورىنىسى كوزتارتادى. جولدىڭ ەكى جاعالاۋىنا ۇلكەن تۇمشالامالى شامدار ٴىلىنىپ، كوشە بويىنداعى ساۋدا دۇكەندەرى بەس جۇلدىزدى قىزىلتۋدى جەلبىرەتىپ ٴىلىپ، اۋدان ورتالىعىنىڭ كوركەم كورىنىس لەنياسىن قالىپتاستىرىپ، بارلىق جەردەن قويۋ مەرەكە اۋانى مەنمۇندالادى.

«وسى بىرنەشە كۇندە ٴمالى باسقارماسى كوركەم ٴارى مەرەكەلىك تۇسكە ەندى، بەس جۇلدىزدى قىزىل تۋدىڭ جەلبىرەگەنىن كورىپ، كوڭىلىمىز كولدەي تولقىپ تەبىرەندىك. مەن كوركەم تۇرمىس ٴتاسىلىن ايگىلەۋ ارقىلى وتان انامىزدىڭ تۋىلعان كۇنىن قۇتتىقتايمىن، ٴوزىمنىڭ تاماشا داۋىردە تۋىلعانىما العىس ايتامىن، قىزىل تۋدىڭ الدىندا وسكەنىمدى ماقتانىش سانايمىن» دەدى قورعاس اۋدانى ٴسۇيدىڭ قالاشىعى چاۋنان الەۋمەتتىك اۋماعىنىڭ تۇرعىنى گۇلدەن بەك قىزى قۋانىشتى تۇردە كوشەدەگى مەرەكەگە ارنالعان كوركەم كورىنىستەردى سۋرەتكە ٴتۇسىرىپ جاتىپ.

قورعاس اۋدانىنىڭ چاۋياڭ جولىندا اۋداندىق باۋ - باقشانى كوگالداندىرۋ تاراۋلارىنىڭ قىزمەتكەرلەرى ۇستەمەلەپ قىزمەت ىستەپ، كۇش سالا سايكەسىپ، ٴتۇرلى گۇلدەردى ورنالاستىرىپ، اۋدان ورتالىعىن ٴتىپتى دە اسەم تۇسكە بولەدى. تاعى ٴبىر توپ قىزمەتكەر باسقا كوشەلەردى كوگالداندىرۋ، مايسا وتىرعىزۋ، كورىنىس اعاشتارىن بۇتاۋ، تۇزەۋ سياقتى قىزمەتتەرگە جاۋاپتى بولدى.

«ٴبىز چاۋياڭ جولى قۇرىلىس نىسانىنىڭ جانىنداعى كوشە بويىنا 3 تۇستەگى 12 مىڭ تۇپتەن استام مەملەكەت مەرەكەسىن قۇتتىقتاۋعا ارنالعان كۇرەڭكەي گۇلى مەن 5 مىڭ تۇپتەن استام تاس الما ەكتىك،  كوگالداندىرۋ جانە دارەجەسىن جوعارىلاتۋ، وزگەرتۋ ارقىلى تۇرعىندارعا الۋان گۇلدەرمەن گۇلدەي جايناعان، كۇننەن كۇنگە گۇلدەنگەن مەرەكە اۋانىن جاراتامىز» دەدى شينجياڭ جىيە قۇرىلىس ينجەنەريا شەكتى سەرىكتەستىگى قورعاس اۋدانى چاۋياڭ جولىنىڭ دارەجەسىن جوعارىلاتۋ، وزگەرتۋ نىسانىنىڭ جاۋاپتىسى ساي شينلياڭ.

ۇعىسۋعا قاراعاندا، مەملەكەت مەرەكەسىن قۇتتىقتاۋ جانە پارتيا 20 - قۇرىلتايىنىڭ جەڭىسپەن اشىلۋىن قارسى الۋ ٴۇشىن، اۋدانعا توتە قاراستى ورگانداردان، ورىنداردان، ٴار سالادان كەلگەن ەرىكتىلەر كوشەلەرگە شىعىپ، اۋدان ورتالىعىنىڭ نەگىزگى، قوسىمشا جولدارى، باقشا، الاڭ، ساۋدا كوشە - رايوندارى، وزەن، ارىق - توعان سياقتى ٴتۇيىندى وڭىرلەردى شوعىرلى تازالاعان؛ قاتىستى تاراۋلار قالا رايونىنىڭ ماڭىزدى كورىنىس تۇيىندەرىندەگى گۇلدەردى جاڭالاپ اۋىستىرۋ، جاسىل اۋماقتى ارالاپ تەكسەرۋ جانە قورعاۋ، باپتاۋ سياقتى قىزمەتتەردى ٴتۇيىندى تۇردە ويداعىداي ىستەپ، مەرەكەلىك كورىنىس قالىپتاستىرۋ ونىمىنە كەپىلدىك ەتتى.