汉文 ىلە اقپارات تورابىنا حوش كەلدىڭىزدەر!
ىلە وبلىستىق پارتكوم تۇراقتى كوميتەتتىڭ كەڭەيتىلگەن ٴماجىلىسىن اشىپ، ىندەتتەن ساقتانۋ - تىزگىندەۋ سياقتى قىزمەتتەردى ورنالاستىردى
2022-10-12 11:31:50     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى


ٴتىلشىمىز ليۋ بيڭ حابارلايدى. 10 - ايدىڭ 3 - كۇنى تۇستەن بۇرىن ىلە وبلىستىق پارتكوم تۇراقتى كوميتەتتىڭ كەڭەيتىلگەن ٴماجىلىسىن اشىپ، باس شۋجي شي جينپيڭنىڭ تاياۋداعى ماڭىزدى سوزدەرىنىڭ، ماڭىزدى ماقالالارىنىڭ جانە ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ٴبىر تۇتاس جوسپارلاۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ 9 - ايدىڭ 30 - كۇنى اشىلعان ىندەتتەن ساقتانۋ - تىزگىندەۋ قىزمەتى بەينە ەكران ٴماجىلىسىنىڭ رۋحىن دايەكتى تياناقتاندىرىپ، قازىرگى ىندەت جاعدايىنا تالداۋ، تۇجىرىم جاساپ، ىندەتتەن ساقتانۋ - تىزگىندەۋ، ەكونوميكانى دامىتۋ، قوعام ورنىقتىلىعى سياقتى قىزمەتتەردى اقىلداسىپ ورنالاستىردى. وبلىستىق پارتكومنىڭ شۋجيى پۋ شۋەمەي ٴماجىلىستى باسقاردى.

ماجىلىستە بىلاي دەپ اتاپ كورسەتىلدى: قازىر مەملەكەت مەرەكەسىنىڭ دەمالىس كەزى، پارتيا 19 - كەزەكتى ورتالىق كوميتەتىنىڭ جەتىنشى جالپى ٴماجىلىسى، پارتيانىڭ مەملەكەتتىك 20 - قۇرىلتايى اشىلۋ الدىندا تۇر، قۇلجا قالاسىنىڭ ىندەت جاعدايى جالپى جاقتان جاقسارعانىمەن، ٴالى دە اۋىر، كۇردەلى، كوپتەگەن ورنىقسىز فاكتور ٴومىر سۇرۋدە، قازىر ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ٴتۇرلى قىزمەتىن ٴبىر تۇتاس جوسپارلاپ ويداعىداي ىستەۋدىڭ ٴمانى زور. ٴار دارەجەلى پارتكوم  مەن ۇكىمەت ساياسي تانىمدى كۇشەيتىپ، ساياسي جاۋاپكەرلىكتى ناقتىلاندىرىپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىمەن،پارتيا ورتالىق كوميتەتىنىڭ شەشىم، ورنالاستىرۋلارىمەن جانە اۆتونوميالى رايوندىق پارتكومنىڭ قىزمەت تالابىمەن باتىل بىرلىككە كەلتىرىپ، «ەكىنى ٴبىر تۇتاس جوسپارلاۋدى» تاباندىلىقپەن قاجىماي - تالماي ويداعىداي ىستەپ، «ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ» تالابىن باتىلدىقپەن ورىنداپ، پارتيا 20 - قۇرىلتايىنىڭ جەڭىسپەن اشىلۋىنا تاماشا ورتا جاراتۋى كەرەك.

ماجىلىستە مىنالار باسا دارىپتەلدى: «سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ» باس تاكتيكاسى مەن «يكەمدى نولگە ٴتۇسىرۋ» باس باعىتىنا بۇلجىماستان تاباندى بولىپ، يدەيادا، تانىمدا بۇرىلىس جاساپ، جاۋاپكەرلىك ارقالاۋعا، ىسكەرلىك كورسەتۋگە باتىل بولىپ، ىندەتتەن ساقتانۋ - تىزگىندەۋ قىزمەتىن زاڭ بويىنشا عىلمي، دالمە - ٴدال ويداعىداي يگەرۋ كەرەك. اسىرەسە، قۇلجا قالاسى 9 - نۇسقاداعى ىندەتتەن ساقتانۋ - تىزگىندەۋ جوباسىنىڭ تالابىن قاتاڭ باسشىلىققا الىپ، قاتەرى جوعارى، ورتا، تومەن رايونداردى دالمە - ٴدال ايىرىپ، قاتەرلى رايونداردى عيمارات، كىرە بەرىس جانە وتباسىلارعا دەيىن اشالاپ ايىرىپ،  قاتەرلى تۇيىندەردى مىقتاپ، ويداعىداي باسقارۋمەن بىرگە، تۇيىقتاپ باسقارىلعان جەرلەردى رەتىمەن اشۋدى تەزدەتىپ، تومەن قاتەرلى رايوندارداعى تۇرعىنداردىڭ قالىپتى ٴوندىرىس، تۇرمىس ٴتارتىبىن تەزدەتىپ قالپىنا كەلتىرۋى كەرەك.

حىسۋان تەكسەرۋ قىزمەتىن كورنەكتىلەندىرىپ ويداعىداي يگەرىپ، حىسۋان تەكسەرۋ ۋاقىتىن يكەمىنە قاراي رەتتەپ، ساپالىلاندىرىپ، تۇتاس قالا بويىنشا ٴبىر ۋاقىتتا، تولىق تەكسەرۋدى ورىنداۋ كەرەك. كۇندەلىكتى دەزينفەكسيالاۋ، زارارسىزداندىرۋدى كۇشەيتىپ جانە ولشەمدى ورىستەتىپ، قوعامدىق باسقارۋ، مەڭگەرۋدى كۇشەيتىپ، «ٴتورت جاقتىڭ جاۋاپكەرلىگىن»، اسىرەسە، شاعىن اۋماقتار مەن ٴتۇرلى ورىنداردا كەزەكشىلىك مىندەتىن وتەۋشىلەردىڭ جاۋاپكەرلىگىن ناقتىلاندىرىپ، ەكىلىك كادتى جايمالاپ تىزىمگە الۋ، سالاماتتىقتىق ۇلگى الىپ تەكسەرۋ سياقتى شارالاردى تياناقتاندىرىپ، «بولىمدىلار» قوزعالىسىن وكشەلەي  تەكسەرۋ - انىقتاۋدى تەزدەتىپ، قىزىل كادتان، سارى كادتان كەلەتىن كومەسكى قاتەردى باتىل ٴۇزۋ كەرەك. ٴزارۋ بولماعان جاعدايدا ىلەدەن شىقپاۋ تالابىن تياناقتاندىرىپ، ىلەدەن شىعۋ، ىلەگە كىرۋ اۋىزدارىن پارمەندى باسقارىپ، ىلەدەن شىنىندا شىعۋعا ٴتيىستى وقۋشىلار، جۇمىسكەرلەر، شينجياڭنىڭ سىرتىنان كەلىپ ايالداپ قالعاندار قاتارلىلارعا قاراتا تۇتاس بارىس بويىنشا تۇيىق باسقارۋ شاراسىن قاتاڭ اتقارىپ، ىندەتتىڭ سىرتقا جايىلۋىنان باتىل ساقتانۋ كەرەك. ۇگىتتەۋ، جەتەكشىلىك ەتۋدى كۇشەيتىپ، بىرلەسىپ ساقتانۋ - بىرلەسىپ تىزگىندەۋ، بۇقارالىق ساقتانۋ - بۇقارالىق جونگە سالۋ مەحانيزمىن ورناتىپ، بۇقارانىڭ يدەيالىق جاقتان «ىرىقسىز ساقتانۋدان» «ىرىقتى ساقتانۋعا» بۇرىلىس جاساۋىنا، «مەنى ساقتاندىر» دەگەننەن «مەن ساقتانۋىم كەرەك» دەگەنگە بۇرىلىس جاساۋىنا مۇمكىندىك جاراتىپ، بۇقارانى ىندەتتەن ساقتانۋ - تىزگىندەۋگە كەڭ كولەمدە قاتىناستىرۋ كەرەك.

 ماجىلىستە مىنالار باسا دارىپتەلدى: قوعام ورنىقتىلىعىن مىزعىماستان، باتىل ويداعىداي يگەرىپ، تومەنگى شەكتە ويلاۋدان جازباي، حاۋىپ - قاتەر تانىمىن نىعايتىپ، حاۋىپ - قاتەرگە تۇجىرىم جاساۋدى كۇشەيتىپ، «الدىڭعى ٴجۇرىستى» جاقسى باسىپ، «ىرىقتىلىق شايقاسىن» ويداعىداي جۇرگىزىپ، «بەستىڭ تۋىلۋىنا جول بەرمەۋ» تومەنگى شەگىن باتىلدىقپەن ساقتاۋ كەرەك. «التىنى ورنىقتىرۋدى»، «التىنى قامتاماسىزداندىرۋدى» تىڭعىلىقتى ىلگەرىلەتىپ، زات اينالىمىنىڭ ىركىلىسسىز بولۋىن، قامداۋ تىزبەگىنىڭ ورنىقتى بولۋىن، اۋىل شارۋاشىلىق ٴوندىرىسىن، نەگىزگى حالىق تۇرمىسىن، قيىنشىلىقتاردى شەشۋدى بار كۇشپەن قامتاماسىزداندىرىپ، ەكونوميكانى ورنىقتىرۋداعى ٴبىرقىدىرۋ ساياساتتىق شارانى ٴۇرتىس تياناقتاندىرىپ، جۇمىستى، ٴوندىرىستى قالپىنا كەلتىرۋ، ٴوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ قىزمەتتەرىن ويداعىداي ىستەپ، ەكونوميكانىڭ ورنىقتى، اقاۋسىز دامۋىن جەبەۋ كەرەك. حالىقتى وزەك ەتكەن دامۋ يدەياسىندا تاباندى بولىپ، ٴتىپتى دە ناقتى شارالارمەن زاتتىق ماتەريالمەن قامداۋ، ەمدەلۋ، وقۋعا ٴتۇسۋ، جۇمىستانۋ، ەلەكترمەن، گازبەن قامداۋ، كومىرمەن، جىلۋمەن قامداۋ سياقتى بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشىپ، قارتتار، السىزدەر، ناۋقاستار، مۇگەدەكتەر، جۇكتى ايەلدەر، نارەستەلەر قاتارلى ەرەكشە بۇقارالىق توپقا جانە قيىنشىلىعى بار تومەن كىرىستى بۇقاراعا كومەكتەسىپ، قيىنشىلىق قىسپاعىنان شىعارۋ تەبىنىن كۇشەيتىپ، بۇقارا جەلى ٴىشى - سىرتىندا اڭىس ەتكەن تالاپ - تىلەككە بەلسەنە ٴۇن قاتىپ جانە ونى شەشىپ، ىندەتتىڭ بۇقارانىڭ وندىرىسىنە، تۇرمىسىنا جاسايتىن ىقپالىن ەڭ زور دارەجەدە تومەندەتۋ كەرەك.

وبلىستىق پارتكوم، ۇكىمەت باسشىلىق القالارىنىڭ مۇشەلەرى، وبلىستىق حالىق قۇرىلتايى تۇراقتى كوميتەتىندەگى، ساياسي كەڭەستەگى نەگىزگى باسشىلار ماجىلىسكە قاتىناستى.