سۋرەتتە: جۇمىسكەرلەر اتشابىس قىستاعىندا پياز جيناۋدا.

سۋرەتتى جاڭ جىڭبين تۇسىرگەن

ەرىكتى تىلشىلەر جاڭ جىڭبين، ەلدانا باعدات ۇلى حابارلايدى. 10 - اي كىرىسىمەن تەكەس اۋدانىنىڭ پيازى قاۋىرت پىسىپ، جيناۋ مەزگىلىنە ٴوتتى. تاياۋدا «پياز مەكەنى» شولاقتەرەك قالاشىعى اتشابىس قىستاعىنداعى 5 مىڭ مۋلىق پياز اتىزىندا ەگىنشىلەر مەن جۇمىسكەرلەر اشىق اۋا رايىنان پايدالانىپ، پياز جينادى. قارار بولساڭىز، اتىز قىرلارىنا، جول شەتىنە پياز تولتىرىلعان قىزىل ٴتۇستى داعارلار ٴتىزىلىپ، مول ٴونىم كورىنىسىن قالىپتاستىرعانىن كورەسىز.

ەگىمشىلىك وتباسى جياۋ فۋيۇي تانىستىرىپ بىلاي دەدى: شولاقتەرەك قالاشىعىنداعى پيازدىڭ قابىعى جۇقا، ەتى قالىڭ، ٴوسۋى جاقسى، مۋ باسىندىق ورتاشا ٴونىمى 4.5 توننا، ٴبىر كيلوگرامىن 0.9 يۋانمەن تۇگەلدەي ساۋداگەرلەرگە ساتىلدى. «2020 - جىلدان باستاپ مەن ىلە شينزى ازىق - تۇلىك ونەركاسىپ شەكتى سەرىكتەستىگىنەن ٴبىر مىڭ 500 مۋ جوعارى ولشەمدى ەگىس اتىزىن كوتەرمەگە الىپ پياز ەكتىم، سەرىكتەستىك تەحنيكالىق قىزمەت وتەيدى. پياز ەگۋ ٴبىرشاما وڭاي، پايداسى جوعارى، ساقتاۋ دا قيىندىق تۋدىرمايدى، سوڭعى جىلدارى وتباسىمىز پيازدان مول ٴونىم الدى».

اتشابىس قىستاعىنىڭ جوعارى ولشەمدى اتىزىن اشۋعا، ەگۋگە ىلە شينزى ازىق - تۇلىك ونەركاسىپ شەكتى سەرىكتەستىگى جاۋاپتى. بۇل سەرىكتەستىك نەگىزىنەن قۇرعاتىلعان كوكونىس  ٴوندىرۋ، وڭدەۋدى نەگىز ەتەدى، «اتشابىس قىستاعىمەن كەڭەسۋ ارقىلى سول جەردەن 5 مىڭ مۋ ەگىستىك جەردى اينالىمعا سالىپ، <سەرىكتەستىك + بازا + شارۋا وتباسى> سىندى ەگىمشىلىك ۇلگىسى بويىنشا تيجارات جۇرگىزۋدەمىز. بيىل 5 مىڭ مۋ جەرگە پياز ەكتىك، مۋ باسىندىق ٴونىم قۇنى 4 مىڭ يۋاننان استى، مۋ باسىندىق ساپ كىرىسىمىز مىڭ يۋاننان استى» دەدى وسى سەرىكتەستىكتىڭ باس جوراسى جاڭ جيانجۇن.

پياز ەگىلگەن اۋماق كەڭ، ٴونىم الۋ ۋاقىتى شوعىرلى بولعاندىقتان بۇعان قىرۋار ەڭبەككۇش قاجەت. جۇمىسكەر تاپشىلىعىن باسەڭدەتۋ ٴۇشىن، تەكەس اۋدانى اۋىل - قالاشىقتاردى ٴبىر تۇتاس سايكەستىرىپ، تۇيىننەن تۇيىنگە جەتكىزۋ ٴتاسىلىن قولدانىپ، 350 دەن استام جۇمسىكەردى پياز قازۋ جۇمىسىنا ۇيىمداستىردى، ٴار جۇمىسكەردىڭ كۇندىك كىرىسى 150 يۋان اينالاسىندا بولدى.

«سوڭعى جىلدارى شولاقتەرەك قالاشىعى كاسىپ قۇرىلىمىن ۇزدىكسىز رەتتەپ، ساپالىلاندىرىپ، پياز، تاسپا ٴشوپ، قارا ٴبيداي، الحور سياقتى ەرەكشە كوكونىس، جەمىس - جيدەك ەكونوميكالىق داقىلدارىن ەگۋدى بار كۇشپەن جالپىلاستىرىپ، كولەمدەنگەن، ولشەمدەنگەن ەگىمشىلىكتەن ۇلگى كورسەتۋ بازاسىن قۇرىپ، قىستاق، گرۋپپالاردى تۇتاستىرۋ، قالاشىق اتتاپ بەلدەۋ قالىپتاستىرۋ سياقتى شوعىرلى دامۋ جاعدايىن قالىپتاستىرىپ، ەگىس داقىلدارىن ماشينالاندىرىپ جۇمىس جۇرگىزۋ، ولشەمدەندىرىپ ٴوندىرۋ دەڭگەيىن ۇزدىكسىز جوعارىلاتتى، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى جانە شارۋالاردىڭ كىرىسىن ارتتىرۋدى جەبەدى» دەدى شولاقتەرەك قالاشىعىنىڭ ورىنباسار باستىعى جوۋ دى - ياڭ.