جىلۋمەن قامدايتىن 4 كاسىپورىن قۇلشىنا ىستەپ، جىلۋمەن قامداۋ قۇرىلعىلارىنىڭ تاماشا كۇيىنە كەپىلدىك ەتتى

 ٴتىلشىمىز لي يافىڭ قۇلجادان حابارلايدى. ىلە اڭعارىندا تەمپەراتۋرانىڭ تومەندەۋ جاعدايىنا باعىتتاي وتىرىپ قۇلجا قالاسى 10 ـ ايدىڭ 10 ـ كۇنى كلاپاندى اشىپ، جىلۋ جەتكىزدى، جىلۋمەن قامداۋ بۇرىنعى جىلدارداعىدان 10 كۇن بۇرىن باستالدى. كۇشتى جىلى اعىستىڭ سان مىڭداعان وتباسىنا جەتكىزىلۋىمەن قۇلجا قالاسىنىڭ 2022 − 2023 - جىلدىق جىلۋمەن قامداۋى رەسمي باستالدى. 

سول كۇنى قۇلجا قالاسى شياڭحىيۋان تۇرعىندار شاعىن رايونىنىڭ تۇرعىنى جاڭ ۋي ٴۇيىنىڭ  جىلىنىپ قالعانىن سەزىندى، ول پاردىڭ سىرتىنان ۇستاپ كورىپ ەدى، جىپ - جىلى بولىپ تۇرعانىن بايقادى. «سوڭعى جىلدارى جىلۋمەن قامداۋ سەرىكتەستىگى ٴار جىلى كۇنى بۇرىن جىلۋمەن قامداۋدا، ٴبىز بۇعان ٴدان ريزا بولدىق» دەدى جاڭ ۋي.

قۇلجا قالاسى شياڭحىيۋان شاعىن رايونىن جىلۋمەن قامداۋعا قۇلجا قالالىق جىلۋمەن قامداۋ شەكتى سەرىكتەستىگى جاۋاپتى. وسى سەرىكتەستىكتىڭ قاتىستى جاۋاپتىسى تانىستىرىپ بىلاي دەدى: «سەرىكتەستىگىمىز بيىل جىلۋمەن قامداۋدى 10 كۇن بۇرىن باستادى، نەگىزگى جىلۋ قاينارىن جۇڭمەي ىلە ەنەرگيا اشۋ شەكتى سەرىكتەستىگى مەن حۋاديان ىلە كومىر - ەلەكتر شەكتى سەرىكتەستىگى قامدايدى؛  ال جىلۋمەن قامداۋدىڭ قاۋىرت كەزىندە سەرىكتەستىگىمىزدىڭ 3 -، 4 - جىلۋ قاينارى زاۆودىن ىسكە قوسامىز، جىلۋ قاينارىنىڭ جىلۋمەن قامداۋ جالپى قۋاتى بيىل قىستاعى جىلۋمەن قامداۋ سۇرانىسىن قاناعاتتاندىرا الادى. كەلەسىدە سەرىكتەستىگىمىز اۋا رايىنىڭ وزگەرىسىنە قاراي جىلۋمەن قامداۋ پارامەترىن كەز كەلگەن ۋاقىتتا رەتتەپ، جىلۋ قاينارىن مولايتىپ، قالا تۇرعىندارىنىڭ ٴۇيىنىڭ جىلى بولۋىنا شىنايى كەپىلدىك ەتەدى».

قۇلجا قالاسىندا قۇلجا قالالىق جىلۋمەن قامداۋ شەكتى سەرىكتەستىگى، ىلە ۋيبو جىلۋ كۇشى شەكتى جاۋاپكەرشىلىك سەرىكتەستىگى، حۋاديان توبى قۇلجا قالالىق زەردەلى ەنەرگيا شەكتى سەرىكتەستىگى، ىلە جىلىجاي جىلۋ كۇشى شەكتى سەرىكتەستىگى سياقتى 4 جىلۋمەن قامداۋ كاسىپورنى جىلۋمەن قامداۋعا جاۋاپتى بولدى، جالپى 397 جىلۋ اۋىستىرۋ پۋنكتى بار. توراپتا تىزىمدەلگەن بيىل قىستا جىلۋمەن قامدالاتىن جالپى اۋماق 37 ميلليون 320 مىڭ شارشى مەتر بولىپ، وتكەن جىلداعىدان ٴبىر ميلليون 810 مىڭ شارشى مەتر ارتتى. 9 - اي باستالىسىمەن، 4 جىلۋ كۇشى كاسىپورنى 80 ادامنان 16 شۇعىل جاعدايعا توتەپ بەرۋ، قامتاماسىزداندىرۋ قوسىنىن قۇرىپ، ٴارقايسىسى ٴوزىنىڭ جىلۋمەن قامداۋ وڭىرىندەگى شۇعىل جوندەۋ مىندەتى مەن شۇعىل جاعدايعا توتەپ بەرۋ جابدىقتارىن، ماتەريالدارىن دايىنداۋ قىزمەتىنە جاۋاپتى ەتتى. ٴارقايسى كاسىپورىندار وزىنە قاراستى جىلۋ اۋىستىرۋ پۋنكتىندەگى جىلۋ اۋىستىرعىش، سۋ ناسوسى، كلاپان سياقتى ماڭىزدى جابدىقتار مەن قۇرىلعىلاردى الدىن الا جاپپاي تەكسەرىپ جوندەپ، قورعاپ جانە كۇتىمدەپ، شوعىرلى جىلۋمەن قامداۋدىڭ قالىپتى اينالىمىنا ەڭ جوعارعى شەكتە كەپىلدىك ەتتى.

«ٴبىز 10 ـ ايدىڭ 8 ـ كۇنى تاڭ سارىدە پەشتى ىسكە قوستىق، باس قۇبىر تورابى مەن جىلۋ اۋىستىرۋ پۋنكتى بىرتىندەپ جىلىنا باستادى، 10 ـ ايدىڭ 9 ـ كۇنى تۇرعىندار  ۇيلەرىنىڭ جىلىنعانىن سەزىندى...». حۋاديان قۇلجا قالالىق زەردەلى ەنەرگيا شەكتى سەرىكتەستىگى ٴوندىرىستى باسقارۋ ٴبولىمىنىڭ مەڭگەرۋشىسى جاڭ حايپىڭ بىلاي دەدى: «قازىر سەرىكتەستىگىمىز جىلۋمەن قامداۋعا جاۋاپتى بولعان تۇرعىندار رايونىنداعى 17 جىلۋ اۋىستىرۋ پۋنكتى مەن مەكەمە - ورىنداردى جىلۋمەن قامدايتىن 7 جىلۋ اۋىستىرۋ پۋنكتى تۇگەلدەي ىسكە قوسىلدى، تاماشا كۇيدە تۇر». 

   ٴتىلشى شوعىرلى جىلۋمەن قامداۋدىڭ ىسكە قوسىلۋى تەمپۋراتۋرانىڭ بىرتىندەپ جوعارىلاۋ بارىسى بولعاندىقتان، جىلۋمەن قامداۋدىڭ العاشقى مەزگىلىندەگى بولمە تەمپۋراتۋراسى جىلۋدان پايدالانۋ تاسىلىمەن، جىلۋ قاينارىنىڭ ارا قاشىقتىعىمەن، جىلۋدان پايدالانۋ تەحنولوگياسىمەن جانە شاعىن رايوننىڭ جىلۋ اۋىستىرۋ پۋنكتىنىڭ اشىلۋ رەتىمەن قاتىستى بولاتىنىن ۇعىستى. جىلۋمەن قامداۋدىڭ العاشقى مەزگىلىندە ٴىشىنارا پايدالانۋشىلار ۇيلەرى جىلىنباسا نەمەسە تەمپۋراتۋراسى تۇراقسىز بولسا، ۇيدەگى جىلۋمەن قامداۋ كلاپانىنىڭ اشىلعان - اشىلماعانىن تەكسەرۋى، جىلۋمەن قامداۋ قۇرىلعىلارىنداعى گاز ىعىستىرۋ كلاپانىن اشىپ، پارداعى نەمەسە ەدەننەن جىلىتۋ قۇبىرىنداعى اۋانى شىعارۋى كەرەك.

قازىر قۇلجا قالاسىنداعى ٴارقايسى جىلۋمەن قامداۋ كاسىپورىندارى تاۋلىك بويى قىزمەت وتەۋ تەلەفونىن ورناتتى، قۇلجا قالالىق جىلۋمەن قامداۋ شەكتى سەرىكتەستىگىنىڭ تەلەفونى 8141234 ـ 0999، ىلە ۋيبو جىلۋ كۇشى شەكتى جاۋاپكەرشىلىك سەرىكتەستىگىنىڭ تەلەفونى 8129170 ـ 0999 جانە 8125553 ـ 0999، حۋاديان قۇلجا قالالىق زەردەلى ەنەرگيا شەكتى سەرىكتەستىگىنىڭ تەلەفونى 8080766 ـ 0999، ىلە جىلىجاي جىلۋ كۇشى شەكتى سەرىكتەستىگىنىڭ تەلەفونى 17799371076، 18130946498، 18130946468 . قالا تۇرعىندارىنىڭ كۇدىكتى ماسەلەلەر بولسا نەمەسە ۇيدەگى جىلىتۋ قۇرىلعىلارىنان سۋ اعۋ، سۋ جايىلۋ،  سۋ تامشىلاۋ، سۋ شىعۋ  سياقتى جايتتەر بايقالسا، جوعارىدا اتالعان قاتىستى جىلۋمەن قامداۋ سەرىكتەستىگىنە  تەلەفون شالىپ اقىل - كەڭەس سۇراۋىنا جانە جوندەۋدى وتىنۋىنە بولادى. 

قۇلجا قالالىق قالا باسقارۋ مەكەمەسىنىڭ قاتىستى جاۋاپتىسى بىلاي دەدى: «العاشقى كۇنگى جىلۋمەن قامداۋ جاعدايىنان قاراعاندا، جىلۋمەن قامدايتىن 4 كاسىپورىننىڭ اينالىمى جالپى جاقتان حاۋىپسىز، ورنىقتى بولدى. كەلەسى قادامدا باسقارۋ تاراۋلارى جىلۋمەن قامداۋ جاعدايىن باقىلاۋ - تەكسەرۋ تەبىنىن كۇشەيتىپ، جىلۋمەن قامداۋ جانە قىزمەت وتەۋ ساپاسىن جوعارىلاتادى. جىلۋمەن قامداۋ مەزگىلىندە، ەگەر جىلۋمەن قامداۋ كاسىپورىندارىنىڭ قىزمەت وتەۋى كەمەلدى بولماۋ، قالا تۇرعىندارىنىڭ قالىپتى جىلۋمەن قامداۋ قاجەتىنە ىقپال جاساۋ سياقتى جاعدايلار تۋىلسا، قالا تۇرعىندارى قالا تۇرعىندارىنىڭ ىستىق لەنيالى قىزمەت وتەۋ ورتالىعىنا ياعني 8181898 − 0999 تەلەفونىنا تەلەفون جالعاپ نەمەسە قۇلجا قالالىق قالا باسقارۋ مەكەمەسىنىڭ باقىلاۋ تەلەفونى 18609991559، 13201102287 تەلەفوندارىنا اڭىس ەتسە، فۋنكتسيالىق تاراۋلار قالا تۇرعىندارىنىڭ ارىز - ارمانىن دەر كەزىندە شەشەدى.