شينجياڭ گازەتىنىڭ حابارى (ٴتىلشى سۋ لۋپيڭ). 10 - ايدىڭ 15 - كۇنى كەشتە ىلە قازاق اۆتونوميالى وبلىستىق حالىق ۇكىمەتىنىڭ اقپارات كەڭسەسى جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ - تىزگىندەۋ جونىندە اقپار جاريالاۋ ٴماجىلىسىن اشتى. ماجىلىستە ىلە وبلىستىق پارتكوم ۇگىت ٴبولىمىنىڭ ورىنباسار باستىعى سۇن يان ىلە وبلىسىنىڭ جۇمىسكەرلەردىڭ ەڭبەكاقىسىن قامتاماسىز ەتۋ جاعدايىن حابارلادى.

وسى رەت ىندەت تۋىلعاننان بەرى ىلە وبلىسى قۇرىلىس ينجەنەرياسى سالاسى، اس - سۋ قىزمەت وتەۋ كاسىبى سياقتى حالىقتىق كاسىپورىنداردىڭ، ورتا، شاعىن، ۇساق كاسىپورىنداردىڭ ەڭبەكاقىعا قارىزدار بولۋ قاتەرىنىڭ كومەسكى حاۋپىن ٴبىر - بىرلەپ تەكسەرۋدى كۇشەيتىپ، ەڭبەكاقىعا قارىزدار بولۋ ماسەلەسىن بەلسەندى، ورنىقتى شەشىپ، قالىڭ جۇمىسكەرلەردىڭ زاڭدى ۇقىق - مۇددەسىنىڭ قامتاماسىز بولۋىنا كەپىلدىك ەتتى.

ٴبىرىنشى، ينجەنەريالىق قۇرىلىس نىساندارىن كوتەرمەگە الىپ بايلانىس جاساۋدى باقىلاۋ - باسقارۋ مەحانيزمىن ورناتتى. 374 ٴتۇيىندى نىساندى اۋداندىق، قالالىق پارتكومداردىڭ، ۇكىمەتتەردىڭ جاۋاپتى باسشىلارى باستاماشىلدىقپەن كوتەرمەگە الىپ بايلانىس جاساپ، سالا بويىنشا باسقارۋعا جاۋاپتى تاراۋلاردىڭ نەگىزگى جاۋاپتىلارى تىكەلەي كوتەرمەگە الىپ باقىلاپ - باسقارىپ، ينجەنەريا قۇرىلىسىنا جاۋاپتى ورىنداردىڭ شارۋا جۇمىسكەرلەردىڭ ەڭبەكاقىسىن اي سايىن تولىق بەرۋى سياقتى تۇزىمدەردى تياناقتاندىرۋىنا قۋزاۋشىلىق ەتىپ، شارۋا جۇمىسكەرلەردىڭ ەڭبەكاقىسىن كەشەۋىلدەتۋ ماسەلەسىنىڭ تۋىلۋىنان تۋ باستان ساقتاندى.

ەكىنشى، شاعىم ايتۋ، اقىل - كەڭەس سۇراۋ ارناسىن ىركىلىسسىزدەندىردى. ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ۋيچات الەۋمەتتىك نومىرىندە وبلىس، اۋدان (قالا) ەكى دارەجەلى ەڭبەكتى قاداعالايتىن جانە ەڭبەك - كادرلار داۋ - شارىنا تورەلىك ايتاتىن 24 قۇرىلىمنىڭ اقىل - كەڭەس سۇراۋ، ارىز - شاعىم تەلەفون ٴنومىرىن جاريالاپ، جۇمىسشىلاردىڭ قيىنشىلىعى مەن ارىز - شاعىمىن جيناۋعا جول اشتى. سونىمەن بىرگە، ٴارقايسى نىسانداردىڭ جۇمىس ورىندارىنا ۇقىق قورعاۋ ەسكەرتۋ تاقتاسىن ورناتىپ، ۇقىق قورعاۋ ەكى ولشەمدى كودىن، ەڭبەك باقىلاۋ قۇرىلىمدارى مەن كاسىپ سالاسىن باقىلاۋ - باسقارۋ تاراۋلارىنا اشكەرەلەۋ، ارىز - شاعىم بەرۋ تەلەفون ٴنومىرىن جاپسىرىپ، جۇمىسكەرلەردىڭ اقىل - كەڭەس سۇراۋىنا، ارىز - شاعىم بەرۋىنە قولايلىلىق جاسادى. تەلەفون ارقىلى بايلانىس جاساۋ، بەينە ەكران ارقىلى سايكەستىرۋ، توراپتا ٴبىر جاقتى ەتۋ سياقتى شارالار ارقىلى دەرەكتەردى انىقتاۋ، ٴبىر جاقتى ەتۋ تەبىنىن ارتتىرىپ، ەڭبەكشىلەردىڭ قيىنشىلىعى مەن تالاپ - تىلەكتەرىن دەر كەزىندە شەشتى. قازىرگە دەيىن وبلىس، اۋدان ەكى دارەجەلى ورىن ەڭبەكشىلەردىڭ 3 مىڭ 133 ادام - رەت اقىل - كەڭەس سۇراعان، ارىز - شاعىم بەرگەن تەلەفونىن قابىلداپ، 2 مىڭ 954 ىنە جاۋاپ قايتاردى، ٴبىتىردى، ٴبىتىرۋ، جاۋاپ قايتارۋ شاماسى %94.3 كە جەتتى.

ٴۇشىنشى، حاۋىپ - قاتەردى ٴبىر - بىرلەپ تەكسەرۋدى كۇشەيتتى. وبلىسقا توتە قاراستى ورىنداردا ەڭبەك قاتىناسى سالاسىنداعى حاۋىپ - قاتەردەن ساقتانۋ جانە ونى شەشۋ قىزمەتى جونىندە بەينە ەكران ٴماجىلىسىن اشتى، ٴارقايسى اۋدان - قالالار، جەلىدە جانە جەلىدەن تىس ينجەنەريالىق قۇرىلىس سالاسىن ماڭىزدى ٴتۇيىن ەتكەن، ەڭبەكاقىعا قارىزدار بولۋ، قامسىزداندىرۋ اقىسىنا قارىزدار بولۋ سياقتى حاۋىپ - قاتەر تۇيىندەرىنە ٴبىر ۋاقىتتا ٴبىر - بىرلەي تەكسەرۋ جۇرگىزىپ، جۇمىسشى ىستەتەتىن ٴتۇرلى مەكەمە - ورىننان جالپى 315 ورىنعا سول جەردىڭ وزىندە تەكسەرۋ جۇرگىزدى، بۇل 12 مىڭ ەڭبەكشىنى شارپىدى؛ اۆتونوميالى رايوننىڭ شارۋا جۇمىسكەرلەردىڭ ەڭبەكاقىسىن تولەۋدەگى ساقتاندىرۋ تۇعىرىنا سۇيەنىپ، سالىنىپ جاتقان 327 نىساندى جەلىدە ٴبىر - بىرلەپ تەكسەردى، بۇل  23 مىڭ ەڭبەكشىگە سايدى.

ٴتورتىنشى، ينفورماتسيالىق ساقتاندىرۋدى، باقىلاۋ - مەڭگەرۋدى كۇشەيتتى. 2022 - جىلى سالىنىپ جاتقان، جاڭادان سالىنعان نىسانداردى تۇگەلدەي ساقتاندىرۋ تۇعىرىنا ەنگىزىپ، ينفورماتسيالاندىرىپ باسقارۋ جانە ساقتانۋ - تىزگىندەۋ، ساقتاندىرۋ شارالارىن تياناقتاندىرىپ، ساقتاندىرۋ تۇعىرى ارقىلى ەڭبەكاقى بەرۋ جاعدايىن قاداعالادى، وبلىسقا توتە قاراستى ورىنداردا سالىنىپ جاتقان 418 نىسان ساقتاندىرۋ تۇعىرىنا ەنگىزىلدى، ىستەپ جاتقان جۇمىسشىلاردىڭ ەڭبەكاقى كارتوچكاسىن تىركەۋ شاماسى %98 كە جەتتى؛ ەڭبەكاقى كەپىلدىك اقشاسىن امانات قويۋ شاماسى %99.5 كە، ۇقىق قورعاۋ ينفورماتسياسىن جاريالاۋ شاماسى %99.5 كە جەتتى. 8 - ايدان بەرى ساقتاندىرۋ تۇعىرى ارقىلى رەت سانى بويىنشا 15 مىڭ ادامنىڭ 101 ميلليون يۋان ەڭبەكاقىسىن ۋاكىلاتان تاراتتى. سونىمەن بىرگە، قۇرىلىستى كومپلەكس كوتەرمەگە العان ٴىشىنارا كاسىپورىندار شارۋا جۇمىسكەرلەردىڭ ەڭبەكاقى ارناۋلى ەسەباتى ارقىلى جۇمىسكەرلەردىڭ ەڭبەكاقىسىن اي سايىن تاراتتى، وبلىسقا توتە قاراستى قۇرىلىس ينجەنەرياسى سالاسىنداعى جۇمىسكەرلەردىڭ ەڭبەكاقىسىن بەرۋ ٴونىمدى قامتاماسىزداندىرىلدى.

«كەلەسى قادامدا ىلە وبلىسى اقىل - كەڭەس بەرۋ، شاعىم ايتۋ ارناسىن ۇزدىكسىز ىركىلىسسىزدەندىرىپ، ەڭبەكاقىعا قارىزدار بولعان زاڭعا قايشى ارەكەتتەردى قاتاڭ جازالاپ، جۇمىسكەرلەردىڭ ەڭبەكاقىسىن تاراتۋ قىزمەتىن شىنايى جاقسى ىستەيدى، سونداي - اق كوپشىلىكتىڭ ٴبىزدىڭ قىزمەتىمىزدى باقىلاپ تۇرۋىن ٴۇمىت ەتەمىز. ارىز - شاعىم بەرۋ، اشكەرەلەۋ تەلەفونى 8085433 - 0999، 8085440 -0999 كوپشىلىكتىڭ ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ۋيچات الەۋمەتتىك تۇعىرىنا شىعىپ، اۋدان، قالالاردىڭ ارىز - شاعىم ايتۋ، اشكەرەلەۋ تەلەفونىن سۇراستىرۋىنا دا بولادى» دەدى سۇن يان.