ەرىكتى ٴتىلشى چا ليڭ حابارلايدى. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 10 - ايدىڭ 16 - كۇنى بەيجيڭدەگى حالىق سارايىندا سالتاناتپەن اشىلدى. چاپچال سىبە اۆتونوميالى اۋدانىنداعى ٴار ۇلت كادرلارى مەن بۇقاراسى تەلەۆيزور، ينتەرنەت، راديو سياقتى الۋان ارنادان پارتيا 20 - قۇرىلتايىنىڭ اشىلۋ سالتاناتىن تىڭدادى جانە كوردى. باس شۋجي شي جينپيڭنىڭ بايانداماسىن مۇقيات تىڭداعاننان كەيىن كوپشىلىك شاتتىققا شومىپ، شابىت الىپ، بارىنشا تەبىرەنىپ، قىزۋ اڭىس قوزعادى.

چاپچال اۋداندىق پارتكوم ۇگىت ٴبولىمىنىڭ ورىنباسار باستىعى، لەكتورلار ۇيىرمەسىنىڭ باستىعى فۋ چۇنلي بىلاي دەدى: «پارتيا 19 - قۇرىلتايىنىڭ ۋاكىلى رەتىندە 5 جىلداعى باسىمنان وتكىزگەن ٴتول كەشىرمەلەرىم ارقىلى ماركستىك سەنىم، جۇڭگوشا سوتسياليزم سەنىمى جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى جونىندەگى سەنىمىم ٴتىپتى دە بەكەمدەلدى! پارتيا مۇشەسى سالاۋاتىممەن اۋەلگىدەي پارتياعا ادال بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قىزمەت ورنىمدى تياناق ەتىپ، مۇقيات ۇيرەنىپ، نەگىزگى ساتىنىڭ نازاريا، ۇگىت - لەكسيا قىزمەتىندە ۇزدىكسىز قۇلشىنىپ، پارتيا 20 - قۇرىلتايىنىڭ رۋحىن قاراپايىم بۇقارا وتباسىلارىنا جەتكىزەمىن».

اۋداندىق ەمدەۋدى قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى تاڭ شيۋجىن بىلاي دەدى: «ەمدەۋدى قامتاماسىزداندىرۋ مەكەمەسى − پارتيا 19 - قۇرىلتايىنان كەيىن جاڭادان قۇرىلعان حالىق تۇرمىسى تاراۋى، وسى 5 جىلدا وراسان زور وزگەرىستەر تۋىلدى. ەمدەۋدى قامتاماسىزداندىرۋ قىزمەتكەرى رەتىندە ٴبىز ٴدارى - دارمەكتى شوعىرلى ساتىپ الۋ، ەمدەۋ قامسىزداندىرۋىن تولەۋ فورماسى جاعىنداعى رەفورما تەبىنىن ۇزدىكسىز قۇلشىنا تەرەڭدەتىپ، ەمدەۋ قامسىزداندىرۋىن ٴبىتىرۋ، قىزمەت وتەۋ ورەسىن ۇزدىكسىز جوعارىلاتامىز».

ٴتورتسۇمىن اۋىلى فۋيىڭ قىستاعى پارتيا ياچەيكاسىنىڭ ورىنباسار شۋجيى شۇي حاييان بىلاي دەدى: «پارتيا 19 - قۇرىلتايىنان بەرى فۋيىڭ قىستاعىندا وراسان زور وزگەرىس تۋىلىپ، حالىققا ٴتيىمدى ساياساتتار وسى ارادا تياناقتانىپ تامىر تارتىپ، ەگىنشى - مالشى بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى. قازىر فۋيىڭ قىستاعىنىڭ نەگىزدىك قۇرىلعى شارت - جاعدايى بارعان سايىن جاقسارۋدا، حالىقتىڭ قونىستانۋ ورتاسى بارعان سايىن كورىكتەندى، كورىكتى اۋىل - قىستاقتىڭ كەستەلى كەلبەتى بىرتىندەپ جارىققا شىقتى، قىستاق تۇرعىندارى ەرەكشە كاسىپتەردى دامىتىپ، تۇرمىستارى بارعان سايىن جاقساردى. مەن قىزمەت ورنىمدى تياناق ەتىپ، پارتيا مۇشەسىنىڭ ۇلگىلىك، جەتەكشىلىك رولىن ساۋلەلەندىرىپ، پارتيانىڭ لۋشيان، باعىت، ساياساتتارىن بۇقاراعا ۇگىتتەپ، بۇقاراعا دەن قويا، سۇيىسپەنشىلىكپەن ويداعىداي قىزمەت وتەيمىن».

شينجياڭ لانپاي مادەنيەت جاسامپازدىق كاسىپ سالاسى شەكتى سەرىكتەستىگى پارتيا ياچەيكاسىنىڭ شۋجيى، باس ديرەكتورى دۇڭ لان بىلاي دەدى: «نەگىزگى ساتى پارتيا مۇشەسى رەتىندە قىزمەت بارىسىندا ٴتيىستى رولىمدى ساۋلەلەندىرىپ، ۇلتتىق مادەنيەت كاسىپ سالاسىنىڭ ۇزدىكسىز العا باسۋىن جەبەپ، جۇڭحۋا ۇلتىنىڭ تاڭداۋلى ٴداستۇرلى مادەنيەتىن جالعاستىرۋدى، دامىتۋدى ىلگەرىلەتەمىن».

اۋداندىق باجى ىستەرى مەكەمەسىنىڭ كادرى پۇرحات راپحات بىلاي دەدى: «جاس كادر رەتىندە ٴوزىمنىڭ وسى گۇلدەنگەن داۋىردە تۋىلعاندىعىمدى باقىت سانايمىن، وتاننىڭ قۇدىرەتتەنگەنىنە، حالىقتىڭ اۋقاتتانعانىنا، باجى جيناۋ - باسقارۋ رەفورماسىنا، باجىنى ازايتۋ، اقىنى تومەندەتۋ ارقىلى باجى تاپسىرۋشىلاردىڭ ساياساتتىق تيىمدىلىكتەن يگىلىكتەنگەنىنە كۋا بولدىم. بۇدان كەيىن كاسىپتىك ۇيرەنۋدى كۇشەيتىپ، جاستىق شاقتىڭ جاۋاپكەرشىلىگىن ارقالاپ، قىزمەتتى تىڭعىلىقتى ىستەپ، ٴىس جۇزىندىك ارەكەتىم ارقىلى پارتيا 20 -قۇرىلتايىنىڭ رۋحىن دايەكتىلەندىرەمىن، تياناقتاندىرامىن، اناعۇرلىم كوپ بۇقارانى باقىتقا كەنەلتەمىن».

قاينۇق قالاشىعى توپاعاش قىستاعىنىڭ زەينەتكە شىققان قارت پارتيا مۇشەسى نۇردىن نۇرداۋلەت ۇلى بىلاي دەدى: «20 - قۇرىلتايدىڭ بايانداماسىن تىڭداعاننان كەيىن تەرەڭ اسەرگە يە بولدىم، 25 جىلدىق پارتيا ستاجىنا يە اۋىل - قىستاق وقىتۋشىسى رەتىندە قاجىر - قايراتىمدى ساۋلەلەندىرىپ، تاماشا مادەنيەت اۋانىن جاراتۋعا قۇلشىنىپ، حالىققا كوپتەپ ۇلەس قوسامىن».

سەگىزسۇمىن اۋىلى سەگىزسۇمىن قىستاعىنىڭ تۇرعىنى فۋ جىن بىلاي دەدى: «پارتيا 20 - قۇرىلتايىنىڭ اشىلۋ سالتاناتىن كوردىم، قارت پارتيا مۇشەسى سالاۋاتىممەن مەملەكەتىمىزدىڭ قۇدىرەتتىلىگىن شىنايى سەزىندىم، پارتيا مەن مەملەكەت باستان - اياق حالىق بۇقاراسىنىڭ مۇڭ - مۇقتاجىن كوكەيىندە ساقتاپ، بۇقارانىڭ <شۇعىل، قيىن، ۋايىمداعان، ٴزارۋ> ماسەلەلەرىن زەيىن - زەردەنى، كۇش - قۋاتتى، شۇيىسپەنشىلىكتى ارناي وتىرىپ شەشتى. نەگىزگى ساتىدان شىققان ۇگىت - لەكسياشى رەتىندە مەن پارتيا 20 - قۇرىلتايىنىڭ رۋحىن مۇقيات ۇيرەنىپ، مايەكتى مازمۇنىن مىقتى يگەرىپ، ۇعىنىقتى دا تارتىمدى تىلمەن، بۇقارا ۇناتىپ تىڭدايتىن تاسىلمەن پارتيانىڭ ٴۇنىن بارلىق وتباسىنا جەتكىزىپ، كوپشىلىكتىڭ پارتيانىڭ ابزال ساياساتىن ٴتۇسىنىپ، پارتيا ساياساتىنىڭ نەگىزگى ساتىدا تەرەڭ تامىر تارتۋىنا، ٴونىم بەرىپ ناتيجە جاراتۋىنا مۇمكىندىك جاراتامىن».