汉文 ىلە اقپارات تورابىنا حوش كەلدىڭىزدەر!
وبلىسقا توتە قاراستى ورىندارداعى اۋىل شارۋاشىلىق جۇيەسى: استىق حاۋىپسىزدىگىنىڭ تومەنگى شەگىن ويداعىداي بەكەمدەيمىز
2022-10-24 13:38:59     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىلشىمىز مىڭ شيا حابارلايدى.  پارتيا 20 - قۇرىلتايىنىڭ بايانداماسىندا: «اۋىل - قىستاقتاردى كوركەيتۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتاردى الدىمەن دامىتۋعا تاباندى بولۋ» العا قويىلدى، بۇل بەينە كوكتەم سامالىنداي ىلەنىڭ بايتاق دالاسىن شارپىپ، وبلىسقا توتە قاراستى ورىنداراعى اۋىل شارۋاشىلىعى جۇيەسىندەگى پارتيالى كادرلار اراسىندا كۇشتى اڭىس قوزعادى. كوپشىلىك جابال مىنانى ٴبىلدىردى: قايراتتى تاسقىنداتىپ، قىزمەتتى تىڭعىلىقتى ىستەپ، پارتيا 20 - قۇرىلتايى رۋحىنىڭ اۋىل - قىستاقتا تەرەڭ تامىر تارتۋىنا مۇمكىندىك جاساپ، اۋىل شارۋاشىلىعىنىڭ اناعۇرلىم قۇدىرەتتەنۋىن، اۋىل - قىستاقتىڭ اناعۇرلىم كورىكتەنۋىن، شارۋالاردىڭ اناعۇرلىم بايۋىن قۇلشىنا جۇزەگە اسىرامىز.

وبلىستىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ماقسات مۇراتقان ۇلى بىلاي دەدى: «پارتيا 20 - قۇرىلتايىنىڭ رۋحىن ويداعىداي ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى اۋىل شارۋاشىلىعى، اۋىل - قىستاق جۇيەسىنىڭ كەلەلى ساياسي مىندەتى ەتەمىز. كۇزگى جيىن - تەرىن، كۇزگى ەگىس قىزمەتىن تىڭعىلىقتى ىستەپ، استىق حاۋىپسىزدىگىن باتىل قامتاماسىز ەتىپ، تۇقىم شارۋاشىلىعىن گۇلدەندىرۋ ارەكەتىن كۇش سالا اتقارىپ، اۋىل شارۋاشىلىعىنىڭ عىلىم - تەحنيكامەن جابدىقتالۋ دەڭگەيىن ۇزدىكسىز جاقسارتىپ، اۋىل - قىستاقتى گۇلدەندىرۋ ستراتەگياسىن ۇزدىكسىز ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋ قۇرىلىسىن جەدەلدەتەمىز».

«قۇرىلتاي ادامعا شابىت بەرەدى، بايانداما ادامدى جىگەرلەندىرىپ، بارىنشا جەلپىندىرەدى، ەرەكشە شابىتتاندىرادى، كوركەم بولاشاققا دەگەن سەنىمىمىزدى نىعايتادى». توعىزتاراۋ اۋداندىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى جاڭ جۇڭمين بىلاي دەدى: بۇدان بىلاي ابزالدىققا يە كاسىپتەردى زورايتىپ، كۇشەيتىپ، جۇڭگوشا ٴدارى ماتەريالدارى، تۇقىمدىق جۇگەرى، ٴسۇت كاسىبى سالاسىن ۇزدىكسىز دامىتىپ، اۋىل شارۋاشىلىق قوسالقى ونىمدەرىنىڭ قوسىمشا قۇنى مەن باسەكەلىك قۋاتىن كۇش سالا جوعارىلاتىپ، اۋىل شارۋاشىلىعىنىڭ ونىمدىلىگىن ارتتىرۋدى، شارۋالاردىڭ كىرىسىن ارتتىرۋدى قۇلشىنا جۇزەگە اسىرامىز».

«پارتيا 20 - قۇرىلتايىنىڭ بايانداماسى ٴبىزدىڭ <استىق حاۋىپسىزدىگىنىڭ> تومەنگى شەگىن ويداعىداي بەكەمدەۋىمىزگە سارقىلماس قوزعاۋشى كۇش ازىرلەدى ٴارى ٴبىزدىڭ اۋىل شارۋاشىلىعى، اۋىل - قىستاق شەبىندەگى كادرلارىمىزدىڭ كوڭىلىن ورنىقتىردى». نىلقى اۋداندىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاڭ ۋي بىلاي دەدى: «بيىل اۋدان بويىنشا دۇمبە ٴبيدايدىڭ ەگىلۋ اۋماعى بىلتىرعىدان ايتارلىقتاي ارتتى، قازىر تۇقىم ٴسىڭىرۋ قىزمەتى ٴتارتىپتى جۇرگىزىلۋدە».

«باياندامانى تىڭداعاننان، كورگەننەن كەيىن ايرىقشا اسەرلەندىك، بايانداما اۋىل شارۋاشىلىعى، اۋىل - قىستاق قىزمەتىمەن شۇعىلداناتىن ٴبىز سياقتى كادرلارعا باعدار كورسەتىپ، دامۋ جونىندەگى سەنىمىمىزدى كۇشەيتتى». قۇلجا اۋداندىق پارتكوم اۋىل - قىستاق قىزمەتى كەڭسەسىنىڭ ارناۋلى مىندەتتەگى ورىنباسار مەڭگەرۋشىسى ما شياۋفي بىلاي دەدى: «ٴبىز اۋىل شارۋاشىلىعىن، اۋىل - قىستاقتى الدىمەن دامىتۋعا باستان - اياق تاباندى بولىپ، <استىق قامباسىن> جەتىلدىرۋگە كۇش سالىپ، قۇلجا اۋدانىنىڭ ٴبىر ميلليون 30 مىڭ مۋ ەگىستىك جەر قىزىل سىزىعىن مىقتاپ ساقتاپ، استىق حاۋىپسىزدىگىن باتىل قامتاماسىز ەتەمىز».

تەكەس اۋداندىق اۋىل شارۋاشىلىق تەحنيكاسىن جالپىلاستىرۋ ورتالىعىنىڭ اعا اگرونومى ياڭ لي بىلاي دەدى: «نەگىزگى ساتىداعى اۋىل شارۋاشىلىق تەحنيگى رەتىندە ٴوزىم شۇعىلدانىپ وتىرعان قىزمەتتى ماقتانىش سەزىنەمىن. بيىل بۇكىل اۋداننىڭ استىق ەگۋ مىندەتى اسىرا ورىندالدى، مەن مەملەكەتتىڭ استىق حاۋىپسىزدىگىنە ۇزدىكسىز ۇلەس قوسامىن».