汉文 ىلە اقپارات تورابىنا حوش كەلدىڭىزدەر!
پارتيا 20 - قۇرىلتايىنىڭ بايانداماسى كۇيتۇن قالاسىنداعى كادر - بۇقارا اراسىندا قىزۋ اڭىس قوزعادى
2022-10-24 13:40:19     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

ٴتىلشىمىز ما چىڭلۋ، ەرىكتى تىلشىلەر جاڭ حاۋچۋان، لي ياڭ، ياڭ ليۋ، چين حايلان حابارلايدى. 10 - ايدىڭ 16 - كۇنى جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى بەيجيڭدە سالتاناتپەن اشىلدى. كۇيتۇن قالاسىنداعى بارشا كادر - بۇقارا ٴتۇرلى فورمالارمەن قۇرىلتايدىڭ اشىلۋ سالتاناتىن كورىپ، باس شۋجي شي جينپيڭنىڭ 19 - كەزەكتى ورتالىق كوميتەت اتىنان قۇرىلتايعا جاساعان بايانداماسىن مۇقيات تىڭدادى ٴارى ۇيرەندى.

كۇيتۇن - مايتاۋ ەكونوميكالىق، تەحنيكالىق اشۋ رايونى ەكونوميكالىق، قوعامدىق دامۋ مەكەمەسىنىڭ باستىعى جاڭ ي بىلاي دەدى: «ەكونوميكالىق قىزمەت شەبىندەگى پارتيا مۇشەسى بولۋ سالاۋاتىممەن پارتيا 20 - قۇرىلتايىنىڭ رۋحىن مۇقيات ۇيرەنىپ، دەن قويا زەرتتەپ، تەرەڭدەي ٴتۇسىنىپ، ويداعىداي دايەكتىلەندىرىپ جانە تياناقتاندىرىپ، اشۋ رايونىنىڭ ٴىس جۇزىندىگىمەن بىرلەستىرىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ، دارەجەسىن جوعارىلاتۋدى جەدەل ىلگەرىلەتىپ، <ٴتورت باقشا، ٴۇش تىزبەك> كاسىپ جوباسى ورنالاستىرۋى بويىنشا <ىركىندى بايلىقتى ىسكە قوسۋدى، تيبىن جاڭالاپ، دارەجەسىن جوعارىلاتۋدى، جاڭالىق اشا سايكەستى دامۋدى> تۇتقا ەتۋگە تاباندى بولىپ، نازاردى پولي امين ەستەرى، ەلەكتروندىق جابدىق، جاڭاشا ماتەريالدار، جىنتىكتەلگەن حيميا ونەركاسىبى، جابدىق جاساۋ سياقتى كاسىپ سالالارىنا شوعىرلاندىرىپ، حىشان جۇيلي، حىرۇن جينلان، چاڭشين زەردەلى ونەركاسىبى سياقتى كاسىپورىنداردى باستاماشى ەتىپ، كاسىپ سالاسى تىزبەگىن ۇزدىكسىز كۇشەيتىپ، ۇزارتىپ، تولىقتاپ، كاسىپورىندارعا قىزمەت وتەۋ - قامتاماسىزداندىرۋعا بارىنشا كۇش سالىپ، 100 ميلليارد يۋان دارەجەلى باقشا رايونىن قۇلشىنا قۇرىپ، ٴىس جۇزىندىك ارەكەتىمىز ارقىلى پارتيا 20 - قۇرىلتايىنىڭ رۋحىن دايەكتىلەندىرەمىز، تياناقتاندىرامىز».

«ۇگىت - يدەيا شەبىندەگى كادر بولۋ تۇرعىسىنان پارتيا 20 - قۇرىلتايىنىڭ رۋحىن باستاماشىلدىقپەن ىشكەرىلەي ۇيرەنىپ، ٴمانىن ۇعىنىپ، جەتە ٴتۇسىنىپ، ٴارقايسى جاقتىڭ كۇش - قۋاتىن تولىق ىسكە قوسىپ، تۇتاس قوعامدا دابىرالى، ىقپالدى، ماعىنالى اقپارات ۇگىتىن، قوعامدىق ۇگىتتى، ادەبيەت - كوركەمونەر ۇگىتىن كەڭ كولەمدە ورىستەتىپ، شوعىرلى ۇگىت - لەكسيا جاساۋدى، نازاريالىق جاقتان ٴتۇسىندىرۋدى، ەرىكتى قىزمەت وتەۋدى مۇقيات ۇيىمداستىرىپ، اقپارات قۇرالدارىنان ۇتىمدى، جاندى پايدالانىپ، پارتيا 20 - قۇرىلتايىنىڭ رۋحىن كۇيتۇن قالاسىنداعى بارلىق وتباسىلارعا دەيىن جەتكىزۋگە، ۇگىتتەۋگە قۇلشىنامىن. سونداي - اق پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان كەيىنگى ٴبىر مەزگىلدەگى ەڭ ماڭىزدى قىزمەت رەتىندە قاراپ، پارتيا 20 - قۇرىلتايىنىڭ رۋحىن عىلمي، دالمە - دال، دۇرىس ۇگىتتەۋگە كۇش سالامىن» دەدى كۇيتۇن قالالىق پارتكوم ۇگىت ٴبولىمىنىڭ ورىنباسار باستىعى زوۋ لينليڭ.

كۇيتۇن قالالىق تۇرعىن ٴۇي جانە قالا - اۋىل قۇرىلىسى مەكەمەسى پارتكومىنىڭ شۋجيى حۋ جيايۇي بىلاي دەدى: «بۇدان كەيىنگى قىزمەت بارىسىندا پارتيا 20 - قۇرىلتايىنىڭ رۋحىن تياناقتاندىرۋدى وراي ەتىپ، قالانىڭ نەگىزدىك قۇرىلعى قۇرىلىسىن اناعۇرلىم ىلگەرىلەتىپ، قورا - جاي كاسىبى بازارىن باقىلاۋ - باسقارۋ سياقتى قىزمەت جاۋاپكەرلىگىمدى ويداعىداي ادا ەتىپ، حالىق تۇرمىسىن قامتاماسىزداندىرۋ جانە جاقسارتۋ، بۇقارانىڭ <شۇعىل، قيىن، ۋايىمداعان، ٴزارۋ> ماسەلەلەرىن ٴبىر جاقتى ەتۋدى ماڭداي الدى ورىنعا قويىپ، جاۋاپكەرشىلىكتى كوكەيگە ساقتاپ، جاۋاپكەرشىلىكتى باتىلدىقپەن ارقالاپ، جاۋاپكەرشىلىكتى ارەكەتتە ادا ەتىپ، تۇرعىن ٴۇي جانە قالا - اۋىل قۇرىلىسى ىستەرىنىڭ جوعارى ساپالى دامۋىنىڭ تىڭ داستانىن قۇلشىنا جازىپ، سوتسياليستىك وسىزاماندانعان قۇدىرەتتى ەل قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا تىڭ ۇلەس قوسامىن».

«جاڭا داۋىردە، جاڭا جورىقتا كوكىرەك تولى قىزۋ ساياسي ىنتامەن مىندەت جاۋاپكەرلىگىمىزدى باتىلدىقپەن ارقالاپ، پارتيا ٴۇشىن ادام تاربيەلەپ، مەملەكەت ٴۇشىن دارىندى تاربيەلەۋىمىز كەرەك. قايراتتانا العا ۇمتىلاتىن رۋحاني كۇيمەن، وسكەلەڭ ۇستازدىق ٴمورال تاربيەسىمەن تۇتاس قوعامدا وقىتۋشىلارعا قۇرمەت ەتەتىن، وقۋ - اعارتۋعا ٴمان بەرەتىن تاماشا اۋان قالىپتاستىرۋىمىز كەرەك. ٴبىز بارلىق كۇشتەردى ىنتىماقتاستىرعاندا عانا وقۋ - اعارتۋ ىستەرىنىڭ رەفورماسى مەن دامۋىن جۇزەگە اسىرۋدىڭ تاماشا ۇلى جوسپارىن جاساي الامىز» دەدى كۇيتۇن قالالىق قاينار باستاۋىش مەكتەبى پارتيا ياچەيكاسىنىڭ شۋجيى ۋاڭ جيڭجيڭ.