汉文 ىلە اقپارات تورابىنا حوش كەلدىڭىزدەر!
«اتتىلار ۇگىت - لەكسيا اترەتى» پارتيا 20 - قۇرىلتايىنىڭ رۋحىن «ەڭ سوڭعى ٴبىر شاقىرىمعا»، ەڭ شالعايداعى وتباسىنا دەيىن جەتكىزدى
2022-11-05 12:07:24     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

تەكەس توعىسپالى مەديا ورتالىعىنىڭ حابارى. 10 - ايدىڭ 27 - كۇنى تەكەس اۋدانى شيلى وزەك قالاشىعى ورتامىس قىستاعىنىڭ مالشىسى باقىتجان اقشال ۇلىنىڭ وتباسى پارتيا 20 - قۇرىلتايىنىڭ رۋحىن ۇگىتتەي كەلگەن «اتتىلار ۇگىت - لەكسيا اترەتىن» قارسى الدى.

«اتتىلار ۇگىت - لەكسيا اترەتىنىڭ» كەلەتىنىن ەستىگەن سول ماڭداعى مالشىلار ۋادەلەسىپ قويعانداي - اق باقىتجاننىڭ ۇيىنە جينالدى. «ٴبىز راديو، تەلەۆيزور، قولفون ارقىلى پارتيا 20 - قۇرىلتايىنىڭ رۋحىن ۇيرەندىك، الايدا كوپتەگەن مازمۇندى تولىق تۇسىنە المادىق. بۇگىن ۇگىت - لەكسيا اترەتى ٴبىزدىڭ ۇيگە كەلىپ، پارتيا 20 - قۇرىلتايىنىڭ رۋحىن بەتپە - بەت ۇگىتتەدى، بۇل وتە جاقسى بولدى. پارتيا مۇشەسى رەتىندە پارتيا 20 - قۇرىلتايىنىڭ رۋحىن ٴوزىم، ٴسوز جوق، جاقسى ۇيرەنىپ، ونان سوڭ ٴتىپتى دە كوپ مالشىعا ۇگىتتەيمىن» دەدى باقىتجان اقشال ۇلى.

ورتامىس قىستاعىنىڭ مالشىلارى شەت جايلاپ، قيىر قونىپ، بىتىراندى قونىستانعان. پارتيا 20 - قۇرىلتايىنىڭ رۋحىن مال شارۋاشىلىق رايوندارىنداعى ٴاربىر وتباسىنا دەيىن جەتكىزۋ ٴۇشىن، ورتامىس قىستاعىنىڭ «ەكى كوميتەتى» مادەنيەت مايتالماندارىنان، قىستاقتاعى پارتيا مۇشەلەرىنەن جانە ەرىكتىلەردەن 20 نەشە ادامدى ۇيىمداستىرىپ، «اتتىلار ۇگىت - لەكسيا اترەتىن» قۇردى. پارتيا 20 - قۇرىلتايى جەڭىسپەن جابىلعاننان كەيىن ۇگىت - لەكسيا اترەتى دەرەۋ قيمىلداپ، ۇگىت - لەكسيا جوباسىن بەلگىلەپ، شەت - شالعايداعى مال شارۋاشىلىق رايوندارىنا ىشكەرىلەي بارىپ، پارتيا 20 - قۇرىلتايىنىڭ رۋحىن «ەڭ سوڭعى ٴبىر شاقىرىمعا»، ەڭ شالعايداعى وتباسىنا دەيىن جەتكىزدى.

مالشى ٴومىرباي قادان ۇلىنىڭ وتباسىندا ۇگىت - لەكسياشى ارزىگۇل كادىرجۇما قىزى قاراپايىم دا ۇعىنىقتى تىلمەن پارتيا 20 - قۇرىلتايىنىڭ رۋحىن ٴتۇسىندىردى ٴارى پارتيانىڭ جاڭالىق اشۋ نازارياسى، حالىققا ٴتيىمدى ساياساتتار جونىندە ۇگىت - لەكسيا جاسادى. پارتيا 20 - قۇرىلتايىنىڭ بايانداماسىندا «حالىق تۇرمىسىنا تيىمدىلىك جەتكىزەتىن، جۇرت كوڭىلىن جادىراتاتىن اناعۇرلىم كوپ شارالاردى قولدانىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن كۇش سالا ويداعىداي شەشۋ كەرەكتىگى» العا قويىلعاندىعىن بىلگەن كەزدە سول جەردەگى مالشىلار شاپالاق سوعىپ، پارتيانىڭ حالىققا ٴتيىمدى ساياساتىن اۋىز جاپپاي القاستى.

«<اتتىلار ۇگىت - لەكسيا اترەتى> ٴبىزدىڭ مال شارۋاشىلىق رايونىمىزعا كەلىپ، ۇگىت - لەكسياشىلار مۇقيات، بايسالدىلىقپەن پارتيانىڭ جاقسى ساياساتتارىن بىزگە ٴتۇسىندىردى، ٴبىز پارتيانىڭ قامقورلىعىن شىنايى سەزىندىك. پارتيانىڭ جاقسى ساياساتى بولماسا، ٴبىزدىڭ قازىرگى باقىتتى تۇرمىسىمىز بولماس ەدى. بۇدان كەيىن ٴتىپتى دە قۇلشىنا ىستەپ، ٴتىپتى دە تاماشا تۇرمىس كەشىرەمىز» دەدى لەكسيانى تىڭداعان ٴومىرباي قادان ۇلى.

«بۇگىنگى ۇگىت - لەكسيا قيمىلى − <اتتىلار ۇگىت - لەكسيا اترەتى> ورىستەتكەن 6 - مايدان ۇگىت - لەكسياسى. ٴبىز ٴتۇيىن ارالىق، بەتپە - بەت ۇگىت - لەكسيا جاساۋ ارقىلى شەت - شالعاي مال شارۋاشىلىق رايوندارىنداعى مالشىلارعا پارتيا 20 - قۇرىلتايىنىڭ رۋحىن دەر كەزىندە ۇعىندىرىپ، مالشىلاردىڭ ۇزدىكسىز كۇرەس جۇرگىزىپ، باقىتتى، تاماشا تۇرمىس جاراتۋ سەنىمىن سەرپىلىتتىك. بۇدان بىلايعى ٴبىر مەزگىلدە <اتتىلار ۇگىت - لەكسيا اترەتىمىز> ارالاپ ۇگىت - لەكسيا جاساۋ سەرپىنىن ارتتىرىپ، پارتيا 20 - قۇرىلتايىنىڭ رۋحىن مال شارۋاشىلىق رايوندارىندا تەرەڭدەي، ناقتى ۇيرەنۋدى، ۇگىتتەۋدى، دايەكتىلەندىرۋدى ىلگەرىلەتىپ، مالشىلاردىڭ كوكەيىنە ۇيالاتىپ، كوڭىلىنە توقىتامىز. سونىمەن بىرگە، <اتتىلار ۇگىت - لەكسيا اترەتىمىز> مالشىلاردىڭ ويلاعان، ارمانداعان ىستەرىن ەستەلىككە الىپ، قىستاق تۇرعىندار كوميتەتى ارقىلى قالاشىق پارتكومى مەن ۇكىمەتىنە اڭىس ەتىپ، ۇكىمەت پەن مالشىلاردىڭ اراسىنا كوپىر، دانەكەر بولىپ، مالشىلارعا قىزمەت وتەۋدىڭ <ەڭ سوڭعى ٴبىر شاقىرىمىن> شىنايى اشامىز» دەدى ورتامىس قىستاعى پارتيا ياچەيكاسىنىڭ شۋجيى ارزىگۇل كادىرجۇما قىزى.