汉文 ىلە اقپارات تورابىنا حوش كەلدىڭىزدەر!
قۇلجا قالاسى ٴدارى - دارمەكپەن قامداۋدى قامتاماسىزداندىردى
2022-11-07 12:14:32     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

2022 - جىلى 11 - ايدىڭ 2 - كۇنى ىلە قازاق اۆتونوميالى وبلىستىق حالىق ۇكىمەتىنىڭ اقپارات كەڭسەسى ىندەتتەن ساقتانۋ - تىزگىندەۋ جونىندە اقپار جاريالاۋ ٴماجىلىسىن اشتى. ماجىلىستە قۇلجا قالالىق بازاردى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ياڭ لين قۇلجا قالاسىنىڭ ٴدارى - دارمەكپەن قامداۋدى قامتاماسىزداندىرۋ قىزمەت جاعدايىن حابارلادى.

ىندەت تۋىلعاننان بەرى قۇلجا قالاسى وبلىستىق پارتكوم مەن ۇكىمەتتىڭ قىزمەت تالابىنا ساي، بۇقارانىڭ ٴدارى ساتىپ الۋ قاجەتىن مۇمكىندىكتىڭ بارىنشا قاناعاتتاندىرىپ، بولشەك ساتاتىن ٴدارى دۇكەندەرىنىڭ ٴدارى اينالىمىن باقىلاۋ - باسقارۋدى كۇشەيتىپ، قاراستى رايونداعى ٴدارى - دارمەكپەن قامداۋدىڭ جەتكىلىكتى بولۋىنا، بۇقارانىڭ ساتىپ الۋ ارناسىنىڭ ىركىلىسسىز بولۋىنا، ٴدارى - دارمەك، جابدىقتاردىڭ ساپا حاۋىپسىزدىگىنە كۇش سالا كەپىلدىك ەتتى.

ٴبىرىنشى، ٴدارى - دارمەكپەن قامداۋ، ىندەتتەن ساقتانۋ حاۋىپسىزدىگى وتكەلىن قاتاڭ يگەردى. ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ العى شارتىندا، تيجارات جۇرگىزۋ شارت - جاعدايىنا يە بولشەك ساتاتىن ٴدارى دۇكەندەرىنىڭ قالىپتى تيجارات جۇرگىزۋىنە دەم بەرىپ، بولشەك ساتاتىن ٴدارى دۇكەندەرىنىڭ «جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ جوباسىنداعى (9 - نۇسقاسى)» قاتىستى تالاپتاردى قاتاڭ اتقارۋىنا قۋزاۋشىلىق ەتىپ، قىزۋ قايتارۋ ٴدارىسى، جوتەل ٴدارىسى، انتيبيوتيك ٴدارى جانە ۆيرۋسقا قارسى ٴدارى - دارمەكتەردى شىن اتى - جونىمەن تىزىمدەپ ساتۋ سىندى تۇيىق اينالىمدا باسقارۋدى ويداعىداي ىستەدى، بازاردى باقىلاۋ - باسقارۋ مەكەمەسى مەن قاتىستى تاراۋلار بولشەك ساتاتىن ٴدارى دۇكەندەرىندەگى قىزمەتكەرلەردىڭ حىسۋانىن تەكسەرۋ، تۇيىق اينالىم بويىنشا باسقارۋ، ينتەرنەت جەلىسىنەن تىس جۇعىسپاي ٴدارى - دارمەك جەتكىزۋ سياقتى شەشۋشى بۋىنداردى قاتاڭ باقىلاپ، جەتەكشىلىك ەتىپ، بۇكىل قالا تۇرعىندارىنىڭ كۇندەلىكتى ٴدارى - دارمەك ساتىپ الۋ قاجەتىن قاناعاتتاندىرۋمەن بىرگە، ىندەتتەن ساقتانۋ - تىزگىندەۋ بارىسىنداعى ٴدارى - دارمەكپەن قامداۋ ٴتارتىبىنىڭ حاۋىپسىزدىگىنە ٴبىر تۇتاس كەپىلدىك ەتتى.

ەكىنشى، ٴدارى - دارمەكپەن جەتكىلىكتى قامداۋعا كەپىلدىك ەتتى. قازىر بۇكىل قالادا 294 ٴدارى دۇكەنى تيجارات جۇرگىزۋدە، ٴدارى دۇكەندەرىندە «ٴتورت تۇردەگى ٴدارى - دارمەك»، سوزىلمالى اۋرۋلار تۇرىندەگى، ينسۋلين تۇرىندەگى، وسپەنى ەمدەۋ تۇرىندەگى سياقتى ٴدارى - دارمەك تۇرلەرى جانە ٴتۇرلى نەگىزدىك ٴدارى - دارمەكتەردىڭ ساقتالعان قورى جەتكىلىكتى، مۇنىڭ ىشىندە بۇكىل قالادا سوزىلمالى اۋرۋلار دارىلەرىن ساتۋ بەلگىلەنگەن 25 ٴدارى دۇكەنى سوزىلمالى اۋرۋلارعا قولدانىلاتىن دارىلەرمەن قامدايدى، تۇرعىندار «قوس ارنانى» پايدالانىپ ٴدارى ساتىپ الادى، شيپاگەردىڭ رەتسەبىنە ساي، سوزىلمالى اۋرۋلار ٴدارى دۇكەنىنەن نەمەسە بەلگىلەنگەن ەمدەۋ قۇرىلىمىنان ساتىپ السا بولادى، نەگىزگى ٴدارى ساتىپ الۋ قاجەتىن قاناعاتتاندىرا الادى.

ٴۇشىنشى، ٴدارى - دارمەكپەن قامداۋ كوپ ارنامەن ىركىلىسسىزدەندىرىلدى. ٴدارى دۇكەندەرىنىڭ بايلانىس تەلەفونىن دەر كەزىندە جاريالاندى. تۇرعىندار ٴدارى ساتىپ العاندا، ولارعا ٴدارى دايىنداۋعا تۋرا كەلگەندە، الەۋمەتتىك اۋماق كادرلارى، ەرىكتىلەر ارقىلى ٴدارى جەتكىزىپ بەرىپ، ناۋقاستاردىڭ جاناسپاي ٴدارى ساتىپ الۋى جۇزەگە اسىرىلدى، سونىمەن بىرگە، ٴدارى بولشەك ساتۋ دۇكەندەرى ينتەرنەتتە ساتۋ ۇلگىسىن اشۋعا شابىتتاندىرىلىپ، جەلىدە ٴدارى - دارمەك ساتۋ ارقىلى ناۋقاستاردىڭ قالىپتى ٴدارى تۇتىنۋىنا كەپىلدىك ەتىلىپ، بۇقارانىڭ ٴدارى تۇتىنۋ قاجەتى قاناعاتتاندىرىلدى. ٴدارى دۇكەندەرىنىڭ ٴدارى - دارمەك جانە ىندەتتەن ساقتانۋ بۇيىمدارى تاپشى بولۋ ماسەلەسىن شەشۋ ٴۇشىن، قالا ىشىندەگى ٴدارى - دارمەك ٴتۇرى تولىق، جەتكىزۋگە قۋاتتى 8 ٴدارى - دارمەك تولايىم ساتۋ كاسىپورنى ٴدارى - دارمەكتى دەر كەزىندە جەتكىزىپ بەرۋگە بەلسەنە سايكەستىرىلىپ، شۇعىل ٴدارى - دارمەك قاجەت ەتكەن تۇتىنۋشىلاردىڭ دەركەزىندە ٴدارى - دارمەك تۇتىنا الۋىنا مۇمكىندىك جاسالدى. قازىرگە دەيىن قالا بويىنشا 2 ميلليون 990 مىڭ قوراپتان استام ٴدارى - دارمەك جەتكىزىلدى، مۇنىڭ ىشىندە سوزىلمالى اۋرۋ ٴدارىسى 680 مىڭ قوراپتان اسادى.

كەلەسى قادامدا قۇلجا قالاسى ىندەتتەن ساقتانۋ - تىزگىندەۋدىڭ ٴىس جۇزىندىك جاعدايىمەن ۇشتاستىرىپ، ٴدارى - دارمەكپەن قامداۋ مەن ساپا حاۋىپسىزدىگىن شىنايى قامتاماسىز ەتىپ، بولشەك ساتاتىن ٴدارى دۇكەندەرىنىڭ تۇلعالىق جاۋاپكەرشىلىگى قاتايتىلىپ، ناقتىلاندىرىلىپ، ٴدارى دۇكەندەرىن باقىلاۋ - تەكسەرۋ جيىلىگى ارتتىرىلىپ، ىندەتتەن ساقتانۋ - تىزگىندەۋ مەزگىلىندە ىندەتتەن ساقتانۋ - تىزگىندەۋ شارالارىن تياناقتاندىرماۋ، باعانى قىمباتتاتۋ، جالعان، جارامسىز ٴدارى - دارمەك ساتۋ سياقتى زاڭعا، بەلگىلەمەگە قايشى ارەكەتتەر تۇگەلدەي قاتاڭ، اۋىر جازالاپ، بۇقارانىڭ ٴدارى تۇتىنۋ قاجەتى مەن حاۋىپسىزدىگى شىنايى قامتاماسىزداندىرىلدى. قالىڭ قالا تۇرعىندارىنىڭ بەلسەنە باقىلاۋ جۇرگىزىپ، ماسەلە بايقالسا، دەر كەزىندە 12315 ٴنومىرلى باقىلاۋ تەلەفونىنا تەلەفون سوعۋىنا بولادى، ٴبىز مۇنى، ٴسوز جوق، ۋاعىندا ٴبىر جاقتى ەتىلەدى.