سۋرەتتە: ىلە وبلىستىق انالار مەن بالالاردىڭ دەنساۋلىعىن قورعاۋ شيپاحاناسىنىڭ ەمدەۋ قىزمەتكەرلەرى جاڭا بوسانعان اناعا نارەستەنى قالاي كۇتىمدەۋ جونىندە جەتەكشىلىك ەتۋدە.
ليۋ چىڭگاڭ فوتوسى
ٴتىلشى ليۋ چىڭگاڭ حابارلايدى. جۇكتى ايەلدەر مەن بوسانعان ايەلدەر ەرەكشە توپ سانالادى. وسى رەتكى ىندەت بارىسىندا وبلىسقا توتە قاراستى ورىندار كوپ ٴتۇرلى مەيىر باعىشتاۋ شارالارىن شىعارىپ، بوسانۋ الدىنداعى، جاڭا بوسانعان ايەلدەر مەن جاڭا تۋىلعان نارەستەلەردى جان - جاقتى قورعاپ، مەيىرگە تولى، جانعا جايلى دياگنۋز قويۋ، ەمدەۋ ورتاسىن جاراتتى.
وبلىسقا توتە قاراستى ورىندار ٴۇش جاق بىرلەسىپ قيمىلداۋ اينالىم مەحانيزمىن، «قىزىل، سارى، جاسىل» كودتى شيپاحانا اينالىم مەحانيزمىن قولدانىپ، الەۋمەتتىك اۋماق، 120 قولباسشىلىق ورتالىعى، شيپاحانا اراسىنداعى ارنالاردى ىركىلىسسىزدەندىرىپ، ىندەتتەن ساقتانۋ - تىزگىندەۋ شاراسىن عىلمي، دالمە - ٴدال اتقارىپ، جۇكتى، بوسانعان ايەلدەرگە قىزمەت وتەۋ مەن باسقارۋدى، شيپاگەرگە كورىنۋ تارتىپتەرىن ولشەمدەندىرىپ، جۇكتى، بوسانعان ايەلدەر مەن بالالاردىڭ اقاۋسىزدىعىنا ساياتىن ٴتۇرلى قىزمەتتەردى شىنايى، ناقتى ىستەپ، انا مەن نارەستەنىڭ حاۋىپسىزدىگىنىڭ تومەنگى شەگىن ساقتادى.
8 - ايدىڭ 1 - كۇنىنەن بەرى وبلىسقا توتە قاراستى ٴار دارەجەلى ەمدەۋ قۇرىلىمدارى بالا جولداسىنىڭ الدىعا ورنالاسۋى، اۋىر دارەجەلى جۇكتىلىك تالماسىنىڭ الدىڭعى مەرزىمى، بالا جولداسىنىڭ ەرتە اجىراۋى سياقتى قاتەرلى، اۋىر ناۋقاس بەلگىلەرى بايقالعان جۇكتى ايەلدەردى ٴساتتى قۇتقارىپ الدى. ٴارقايسى ەمدەۋ قۇرىلىمدارىندا جالپى 4 مىڭ 520 نارەستە دۇنيەگە كەلدى، مۇندا قۇلجا قالاسىندا ٴبىر مىڭ 627 نارەستە دۇنيەگە كەلدى. 23 مىڭ ادام - رەت جۇكتىلىك مەزگىلىندەگى تەكسەرتۋدى قابىلدادى.