汉文 ىلە اقپارات تورابىنا حوش كەلدىڭىزدەر!
مادەنيەت پەن ساياحاتتىڭ توعىسۋىن ىلگەرىلەتىپ، ماركانىڭ ىقپالىن جوعارىلاتامىز
2022-11-12 12:04:02     كورىلىم:رەت كەلۋ قاينارى:ىلە گازەتى  جاۋاپتى رەداكتور:گۇلدەن ماقسات قىزى

 وبلىسقا توتە قاراستى ورىندارداعى مادەنيەت - ساياحات جۇيەسى: مادەنيەت پەن ساياحاتتىڭ توعىسۋىن ىلگەرىلەتىپ، ماركانىڭ ىقپالىن جوعارىلاتامىز 

ٴتىلشىمىز لۋ جۇڭ، ەرىكتى تىلشىلەر لياڭ ۋيپيڭ، لي شياۋۋي حابارلايدى. نەشە كۇننەن بەرى ىلە وبلىسىنا توتە قاراستى ورىندارداعى مادەنيەت - ساياحات جۇيەسى ٴتۇرلى فورمالارمەن پارتيا 20 - قۇرىلتايى مەن 20 - كەزەكتى پارتيا ورتالىق كوميتەتى ٴبىرىنشى جالپى ماجىلىسىنىڭ رۋحىن جەتكىزدى جانە ۇيرەندى. كوپشىلىك ٴبىر اۋىزدان بىلاي دەدى: جاڭا دامۋ ۇستانىمىن ىشكەرىلەي امالياتتا ايگىلەپ، جاڭا داۋىردەگى مادەنيەت - ساياحات قىزمەتىنىڭ جاڭا جاعدايىن قۇلشىنا اشىپ، پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ قوزعاۋشى كۇشىنە اينالدىرامىز.

پارتيا 20 - قۇرىلتايىنىڭ بايانداماسىندا: جاپپاي سوتسياليستىك وسىزاماندانعان مەملەكەت قۇرۋدا، ٴسوز جوق، جۇڭگوشا سوتسياليستىك مادەنيەتتى دامىتۋ جولىنا تاباندى بولىپ، مادەنيەت سەنىمىن كۇشەيتىپ، تۋدى بيىك ۇستاۋدى، حالىق تىلەگىن توعىستىرۋدى، جاڭا ادام تاربيەلەۋدى، مادەنيەتتى وركەندەتۋدى، وبراز ايگىلەۋدى ارقاۋ ەتە وتىرىپ، مادەنيەت جاعىندا قۇدىرەتتى سوتسياليستىك مەملەكەت قۇرىپ، وسىزاماندانۋعا بەت العان، دۇنيە جۇزىنە بەت العان، بولاشاققا بەت العان، ۇلتتىق، عىلمي، بۇقارالىق سوتسياليستىك مادەنيەتتى دامىتىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراتىن رۋحاني كۇشتى نىعايتۋ كەرەك دەپ اتاپ كورسەتىلگەن.

ىلە وبلىستىق مادەنيەت - ساياحات مەكەمەسى پارتيا باسشىلىق گرۋپپاسىنىڭ مۇشەسى، ىلە وبلىستىق مۇراجايدىڭ باستىعى حۋ جياڭجيە بىلاي دەدى: «مادەنيەت - ساياحات قىزمەتكەرى بولعاندىقتان ىلەنىڭ مادەنيەت جانە ساياحات ٴىس جۇزىندىك قىزمەتىن تياناق، مادەنيەت تانىمىن نىعايتۋدى نىسانا ەتىپ، <شينجياڭدى مادەنيەتپەن نارلەندىرۋ> ينجەنەرياسىن ىشكەرىلەي اتقارىپ، جۇڭحۋانىڭ تاڭداۋلى، ٴداستۇرلى مادەنيەتىن كۇش سالا ساۋلەلەندىرىپ، مادەني مۇرالاردى قورعاۋ جانە ودان پايدالانۋدى، مادەني مۇراعاتتاردى قورعاۋ جانە وعان مۇراگەرلىك ەتۋدى كۇشەيتىپ، الەۋمەتتىك مادەنيەتكە قىزمەت وتەۋدى ينفورماتسيالاندىرۋ ورەسىن جوعارىلاتىپ، مادەنيەت پەن ساياحاتتىڭ توعىسۋىن ۇزدىكسىز جەبەپ، ساياحاتتاپ سەزىنۋ تاسىلىندە، قىزمەت وتەۋ تاسىلىندە جاڭالىق اشىپ، مادەنيەت پەن ساياحاتتىڭ جالپىلىق جەتەكشىلىك رولىن ويداعىداي ساۋلەلەندىرىپ، ىلەنىڭ مادەنيەت - ساياحات ماركاسىنىڭ ىقپالىن جاپپاي جوعارىلاتىپ، مەملەكەتتىڭ مادەنيەت جۇمساق كۇشىن نىعايتۋ، جاپپاي سوتسياليستىك وسىزاماندانعان مەملەكەت قۇرۋ ٴۇشىن ٴتيىستى ۇلەس قوسامىز».

كۇنەس اۋداندىق مادەنيەت - دەنەتاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ۋاڭ يۇڭمەي بىلاي دەدى: «مادەنيەت - ساياحات كاسىبىن باسقاراتىن نەگىزگى تاراۋ بولعاندىقتان ساياحات ماركاسىن ۇزدىكسىز جاراتىپ، وڭىرلىك ابزالدىق پەن بايلىق ابزالدىعىن تياناق ەتىپ، تۇتاس وڭىرلىك ساياحاتتى دامىتۋ جوباسىن جوعارى دەڭگەيدە، جوعارى ولشەمدە، جوعارى ساپادا جاساپ جانە كەمەلدەندىرىپ، ىندەتتەن ساقتانۋ - تىزگىندەۋ مەن ساياحات كاسىبىن دامىتۋدى جوعارى ٴونىمدى، ٴبىر تۇتاس جوسپارلاپ، تۇتاس وڭىرلىك ساياحات نەگىزدىك قۇرىلعى قۇرىلىسى نىسانىن جەدەل اتقارۋ ارقىلى مەملەكەت بويىنشا تۇتاس وڭىرلىك ساياحاتتا ۇلگى كورسەتەتىن رايون قۇرۋعا كۇش سالامىز؛ وسى زامانعى الەۋمەتتىك مادەنيەتكە قىزمەت وتەۋ جۇيەسىن ۇزدىكسىز اقاۋسىزداندىرىپ، جۇڭحۋانىڭ تاڭداۋلى، ٴداستۇرلى مادەنيەت فاكتورىن بۇقارا ۇناتاتىن مادەنيەت ارقىلى حالىققا تيىمدىلىك جەتكىزۋ قيمىلىنا ٴسىڭىرىپ، تۇتاس اۋدانداعى ٴار ۇلت كادر - بۇقاراسىنىڭ كۇن سايىن ارتىپ وتىرعان رۋحاني وركەنيەت سۇرانىسىن ۇزدىكسىز قاناعاتتاندىرۋعا قۇلشىنامىز».

قورعاس قالالىق مادەنيەت - دەنەتاربيە، راديو - تەلەۋيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى ياڭ چۇنمەي بىلاي دەدى: «ەلىمىزدىڭ باتىسقا ەسىك اشۋداعى ماڭىزدى تەرەزەسى بولعاندىقتان قورعاستى سىرتقا باعىتتالعان مادەنيەت - ساۋدا بازاسى ەتىپ قۇرۋدى مىقتى يگەرىپ، حالىقارالىق تاراتۋ قۋاتى قۇرىلىسىن كۇشەيتىپ، مادەنيەت كاسىبىن سيفرلاندىرۋ ستراتەگيالىق ورايىن مىقتى يگەرىپ، سىرتقا باعىتتالعان مادەنيەت اۋىس - كۇيىس ٴتاسىلى مەن ادىسىندە جاڭالىق اشۋعا قۇلشىنامىز. مادەنيەت اۋىس - كۇيىسى مەن كاسىپ سەلبەستىگىن ٴبىر تۇتاس جوسپارلاپ، ٴوزارا جەبەيتىن، ٴوزارا ورتاق داميتىن قىزمەت جاعدايىن قالىپتاستىرامىز. جۇڭگو حيكاياسىن ويداعىداي اڭگىمەلەپ، جۇڭگو ٴۇنىن ويداعىداي تاراتىپ، سەنىمدى، سۇيكىمدى، قۇرمەتتى جۇڭگو وبرازىن ايگىلەپ، جۇڭحۋا مادەنيەتىنىڭ اناعۇرلىم ويداعىداي دۇنيەگە بەت الۋىن ىلگەرىلەتەمىز. مادەنيەت سەنىمىن كۇشەيتىپ، سوتسياليستىك مادەنيەتتىڭ تىڭ شۇعىلاسىن جاراتۋعا قورعاستىڭ كۇش - قۋاتىن ارنايمىز».

كۇنەس اۋدانى نارات قالاشىعى پارتكومىنىڭ مۇشەسى، ۇگىت القاسى باعيلا تايىر قىزى بىلاي دەدى: «پارتيا 20 - قۇرىلتايىنىڭ جەڭىسپەن اشىلۋى ساياحات كاسىبىنىڭ جوعارى ساپالى دامۋىنا العا باسۋ باعىتىن ايقىن نۇسقادى. ٴبىز نارات ساحاراسىنىڭ ماركاسىن بەلسەنە ۇگىتتەپ، اۋقاتتانۋدىڭ كوشباسشىلارىن باۋلىپ، اۋىل - قىستاق ەرەكشە ساياحات مەرەكەسىن وتكىزىپ، ۇلتتىق تۇسەلحانا سەلبەستىك كووپەراتيۆىن قۇرىپ، <ينتەرنەت +> تيجارات - ساتۋ ۇلگىسىن ەنگىزىپ، ٴبىر توپ قوراپتالۋى اسەم، ەرەكشەلىككە يە اۋىل شارۋاشىلىق قوسىمشا ونىمدەرىن بازارعا سالىپ، ساياحات ارقىلى جۇمىستاندىرۋدى جەبەپ، كاسىپ سالاسى بويىنشا قىزمەت وتەۋگە تاربيەلەۋدى ۇدايىلاندىرىپ، ساياحاتقا قىزمەت وتەۋدىڭ ساپاسىن جوعارىلاتىپ، دارەجەسىن ارتتىرۋعا جەتەكشىلىك ەتەمىز».