ٴوز ٴتىلشىمىز لي رۋ - ي حابارلايدى. پارتيا 20 - قۇرىلتايىنىڭ رۋحىن شىنايى تياناقتاندىرۋ ٴۇشىن، بىرنەشە كۇننەن بەرى ىلە گازەتى مەكەمەسىنىڭ كۇنەس اۋدانى بەستوبە اۋىلى اشىلىبۇلاق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى ىندەتتەن ساقتانۋ - تىزگىندەۋ قىزمەتىن مىقتى يگەرۋمەن بىرگە， پارتيا 20 - قۇرىلتايىنىڭ رۋحىن قاراپايىم دا ۇعىنىقتى تاسىلمەن ۇگىتتەپ، نەگىزگى ساتىداعى بۇقاراعا پارتيانىڭ جاقسى ٴۇنىن، ابزال ساياساتىن دەر كەزىندە ٴتۇسىندىرىپ، پارتيا 20 - قۇرىلتايىنىڭ رۋحىن بارلىق وتباسىلارىنا جەتكىزىپ، قىستاق تۇرعىندارىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىستىرىپ، ۇمىتتەرىن ارتتىردى.

پارتيا 20 - قۇرىلتايىنىڭ بايانداماسىندا اۋىل - قىستاقتى كوركەيتۋدى جاپپاي ىلگەرىلەتۋ، اۋىل شارۋاشىلىعى مەن اۋىل - قىستاقتى الدىمەن دامىتۋعا تاباندى بولۋ، كەدەيلىكتەن ارىلتۋدان قامال الۋ جەتىستىگىن بەكەمدەپ، اۋىل شارۋاشىلىعى جاعىندا قۋاتتى ەل قۇرۋدى تەزدەتىپ، اۋىل - قىستاق شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ كوركەيۋىن تىڭعىلىقتى ىلگەرىلەتۋ كەرەك دەپ اتاپ كورسەتىلدى ..... بۇل جونىندە اشىلىبۇلاق قىستاعىنىڭ 1 - شۋجيى، قىزمەت اترەتىنىڭ باستىعى تۇردان جاناقىن ۇلى تەرەڭ ٴتۇيسىنىپ بىلاي دەدى: «پارتيا 20 - قۇرىلتايىنىڭ بايانداماسىندا العا قويىلعان نەگىزگى ساتىنى جاپپاي مىقتى يگەرۋ ايقىن باعدارىندا تاباندى بولىپ، نەگىزگى ساتى پارتيا ۇيىمىن پارتيانىڭ باسشىلىعىن جۇزەگە اسىرۋدىڭ مىعىم شايقاس قامالى ەتىپ قۇرىپ شىعۋ جونىندەگى مازمۇندى تىڭداعاندا، توتەنشە، جەلپىندىم، جاۋاپكەرشىلىگىمنىڭ زور ەكەنىن تەرەڭ سەزىندىم. بۇدان بىلاي پارتيا 20 - قۇرىلتايىنىڭ رۋحىن جەتەكشى ەتىپ، پارتيانىڭ يراداسى ارقىلى جۇرت تىلەگىن ۇيىستىرىپ، <ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇرۋ قىزمەت امالياتىمەن بىرلەستىرىپ، قىستاقتا تۇرۋ قىزمەتىنىڭ جاۋاپكەرلىگىن قاتاڭ اتقارىپ، بۇقاراعا ساياتىن بارلىق كىشكەنە ىستەردى، شۇعىل ىستەردى، قيىن ىستەردى قۇلشىنا ٴبىر جاقتى ەتىپ، قىستاقتىڭ كوللەكتيۆ ەكونوميكاسىن زورايتۋدى، شارۋالار كىرىسىن ارتتىرۋدى جانە كورىكتى اۋىل - قىستاق قۇرۋدى جۇزەگە اسىرۋ جاعىندا ۇلەس قوسامىز».

اشىلىبۇلاق قىستاعىنىڭ قارت پارتيا مۇشەسى توقتارالى سەيىتقان ۇلى بىلاي دەدى: «پارتيا 18 - قۇرىلتايىنان بەرگى قىستاعىمىزدىڭ وزگەرىسى زور. پارتيا 20 - قۇرىلتايىنىڭ بايانداماسىن تىڭداپ، حابارىن كورىپ شەكسىز تەبىرەندىم، قىستاعىمىزدىڭ اناعۇرلىم جاقساراتىنىنا سەنەمىن. پارتيا مۇشەسى بولعاندىقتان ۇزدىك، ونەگەلىك رولىمدى، ٴسوزسىز، ويداعىداي ساۋلەلەندىرىپ، پارتيانىڭ شارۋالارعا تيىمدىلىك جەتكىزۋ، شارۋالاردى اۋقاتتاندىرۋ، شارۋالاردى الۋەتتەندىرۋ ساياساتىن ويداعىداي ۇگىتتەپ، بۇقارانى پارتياعا العىس ايتۋعا، پارتيانىڭ ٴسوزىن تىڭداۋعا، پارتياعا ىلەسۋدەن اۋىتقىماۋعا باستايمىن».

11 - ايدىڭ 5 - كۇنى، اشىلىبۇلاق قىستاعىنىڭ باعىمشىلىقتاعى ٴىرى وتباسى ما يانچيڭ تۇردان جاناقىن ۇلىنىڭ ۇگىت - لەكسياسىن تىڭداعان سوڭ: «پارتيا 20 - قۇرىلتايىنىڭ بايانداماسىندا اۋىل - قىستاقتى گۇلدەندىرۋ تاعى دا العا قويىلىپتى، مەملەكەتىمىز وسىنشاما قولداپ تۇرعاندا ٴبىز بىلەك سىبانا ىسكە كىرىسىپ، اناعۇرلىم كوپ بۇقارانى اۋقاتتاندىرىپ، تۇرمىسىن جاقسارتامىز»، - دەدى.