汉文 ىلە اقپارات تورابىنا حوش كەلدىڭىزدەر!
ٴۇشىنشى توقساندا دۋلات وتكەلىنىڭ سىرتقى ساۋداسى قاۋىرت ارتتى
2022-11-18 11:56:02     كورىلىم:رەت كەلۋ قاينارى:ىلە گازەتى  جاۋاپتى رەداكتور:جازيرا بولاتباي قىزى

ٴتىلشىمىز دۋ لەي، ەرىكتى ٴتىلشى لي زىچيڭ حابارلايدى. 11 - ايدىڭ 11 - كۇنى ٴتىلشى دۋلات كەدەنىنەن بيىل 7 - ايدان بەرى دۋلات وتكەلىنىڭ ەكسپورت جاعدايى جاقسى بولىپ، جۇك تاسىمال مولشەرى اي سايىن ارتقانىن ۇعىستى. 7 - ايدان 9 - ايعا دەيىن دۋلات كەدەنى باقىلاپ - باسقارعان ەكسپورت جۇك قورابى جيىنى رەت سانى بويىنشا 2902 قوراپقا، جۇك تاسىمال مولشەرى 50 مىڭ 700 تونناعا جەتكەن. بۇل ەكىنشى توقسانداعىمەن سالىستىرعاندا جۇك قورابى سانى %512، جۇك تاسىمال مولشەرى %503 ارتقان.

بيىل جىل باسىنان بەرى دۋلات كەدەنى «ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ» ماڭىزدى تالابىن باتىل دايەكتىلەندىرىپ، قولايلى دا تەز باقىلاۋ - باسقارۋ ٴتارتىبىن قاراستىرىپ، زات قاينارىنان زاتتى جيناپ قوراپتايتىن، وتكەلگە تىكەلەي جەتكىزىپ، كەدەنگە مالىمدەيتىن، مەملەكەت قاقپاسىندا كرانمەن تيەلەتىن كەدەننەن ٴوتۋ ۇلگىسىن قالىپتاستىرۋعا جەتەكشىلىك ەتتى. وتكەلدە كەدەننەن ٴوتۋ قارقىنىن جەدەلدەتۋ ٴۇشىن دۋلات كەدەنى ۇستەمە قىزمەت ىستەپ تەكسەرۋ، كۇندەلىك اداقتاۋ ٴتۇزىمىن اتقارىپ، «جولسەرىك بولماي» تەكسەرۋدى اتقارىپ، ەكسپورت زاتتارىن 4 - ايداعى كۇنىنە 20 نەشە جۇك قورابىنان قازىر كۇنىنە ەڭ كوپ بولعاندا 90 نەشە جۇك قورابىنا كوبەيتتى.

ەكسپورتتىڭ جەدەل ارتۋىمەن بىرگە، يمپورت كاسىبىندە دە توتەنشە جاقسى بەينە جارىققا شىقتى. دۋلات كەدەنى ىلە وبلىسىنىڭ ەكونوميكانىڭ ارتۋىن جەدەلدەتۋ جونىندەگى ٴبىرقىدىرۋ ساياسات - شارالارىن جالعاستىرىپ، ورنىقتىلىققا كەپىلدىك ەتۋ، ساپانى جوعارىلاتۋدىڭ 10 تارماقتى شاراسىن ەگجەي - تەگجەيلىلەندىرىپ، كاسىپورىنداردىڭ اڭگىمە ٴماجىلىسىن، ارناۋلى تاقىرىپتىق لەكسيا وتكىزىپ، ساياسات ۇگىت - لەكسياسىن جاساپ، جەلىدە جانە جەلى سىرتىندا جيىنى 35 رەت كۋرس وتكىزدى، بۇل 30 دان استام كاسىپورىندى قامتىدى، يمپورت كاسىپورىندارىمەن تۇيىننەن - تۇيىنگە، بىرگە - ٴبىر بايلانىس جاساۋ مەحانيزمىن ورناتىپ، الدىن الا ٴوتىنىش ەتۋگە قولايلىلىق جاساپ، مالىمدەگەندى دەرەۋ ٴبىتىرىپ قىزمەت وتەدى. 8 - ايدان بەرى دۋلات كەدەنى ماقسارى مايى، جوڭىشقا ٴدانى، يمپورت ەتىلگەن اۋىل شارۋاشىلىق ماشيناسى سياقتى تاۋارلاردى 5 رەت يمپورت ەتتى.

قورعاس رۇڭدا ساۋدا شەكتى سەرىكتەستىگى دۋلات بولىمشە سەرىكتەستىگىنىڭ جاۋاپتىسى نيە شيلين بىلاي دەدى: «جۇك قورابىن كرانمەن تيەۋ ۇلگىسىن قولدانعاندا زات اينالىمى ىركىلىسسىز، كەدەننەن ٴوتۋى دە تەز بولىپ، كاسىپورىنداردىڭ وزىندىك قۇنىن ٴونىمدى تۇردە تومەندەتەدى، سەرىكتەستىگىمىز ٴار كۇنگى ەكسپورت ەتىلەتىن زاتتاردى 4 - ايداعى 4 - 5  قوراپتان قازىر 20 نەشە قوراپقا كوبەيتتى. كەلەسى قادامدا ٴبىز زات قاينارىن كەڭىنەن ۇيىمداستىرىپ، ەكسپورت مولشەرىن ۇزدىكسىز كەڭەيتەمىز». دۋلات كەدەنى پارتكومىنىڭ مۇشەسى، ورىنباسار كەدەن باستىعى جۋ دۇڭمەي بىلاي دەدى: «كەلەسى قادامدا دۋلات كەدەنى پارتيا 20 - قۇرىلتايىنىڭ رۋحىن جەتەكشى ەتىپ، سىرتقا ەسىك اشۋ دەڭگەيىن ۇزدىكسىز جوعارىلاتادى. قازىر اتقارىپ وتىرعان <قايتارىلعان بوس قوراپتى> باقىلاۋ - تەكسەرۋ نەگىزىندە <الدىن الا ۋادەلەسىپ كەدەنگە جولداۋ>، <شوعىرلى تەكسەرىپ جونەلتۋ> سياقتى شارالاردى قولدانىپ، بوس جۇك قورابىن شەكارادان كىرگىزۋدى بارىنشا جەبەپ، كاسىپورىنداردىڭ جۇك قورابىن ىستەتۋ قيىنشىلىعىن شەشىپ، سىرتقى ساۋدانىڭ ورنىقتىلىعىنا، باياندى ارتۋىنا كەپىلدىك ەتەمىز».