ٴتىلشىمىز جاڭ جينفىڭ، ەرىكتى تىلشىلەر دي ماۋ، جاڭ جىڭبين حابارلايدى. بىرنەشە كۇننەن بەرى تەكەس اۋدانى پارتيا 20 ـ قۇرىلتايىنىڭ رۋحىن مۇقيات ۇيرەنىپ، ۇگىتتەپ جانە دايەكتىلەندىرىپ، ۇيرەنۋ جەتىستىكتەرىن ٴىس جۇزىندىك ارەكەتكە اينالدىرىپ، ونى حالىق ٴۇشىن قىزمەت ەتۋ، دامۋدى ىلگەرىلەتۋ جاعىندا تياناقتاندىرىپ، حالىق ٴۇشىن ناقتى ىستەر ىستەپ، بۇقاراعا قىزمەت وتەۋدىڭ «ەڭ سوڭعى ٴبىر كيلومەترىن» جالعادى.

«وتباسىمىزدىڭ 2 توننا تاباقشا اسقاباعى ساتىلىپ كەتتى، قىستاق كادرلارىنىڭ كومەگى بولماعاندا تاباقشا اسقاباق جىلىجايدا ٴشىرىپ كەتۋى دە مۇمكىن ەدى» دەدى قۇجىرتى موڭعۇل اۋىلى العا جاڭا قىستاعىنداعى تاباقشا اسقاباق ەگىمشىسى نيە گودۇڭ.

العا جاڭا قىستاعىنىڭ جىلىجاي كوكونىس كاسىبىن دامىتقانىنا 20 نەشە جىل بولعان، قازىر 3 مىڭ 600 مۋدان استام جەرگە كوكونىس ەگەدى، قىستاق تۇرعىندارىنىڭ كىرىسى نەگىزىنەن كوكونىس جىلىجايىنان كەلەدى. 11 - ايدىڭ ورتا شەنىندە العا جاڭا قىستاعىنداعى 50 جىلىجايدا وسىرىلگەن تاباقشا اسقاباق ىركەس ـ تىركەس ٴۇزۋ مەزگىلىنە ٴوتتى، ٴبىراق ساتىپ شىعارۋ قيىنداسىپ، كوكونىس ەگەتىن ەگىنشىلەر قاتتى ابىرجىدى.

قىستاق «ەكى كوميتەتى» جاعدايدان حاباردار بولعاننان كەيىن، دەرەۋ تەكەس اۋداندىق كوكونىس تولايىم ساتۋ بازارىمەن بايلانىس جاساپ، ٴار كيلوگرامىن 4 يۋاننان تولايىم ساتقان. قىستاق «ەكى كوميتەتى» تاعى موڭعۇلكۇرە اۋدانىنداعى كوكونىس تولايىم ساتۋ ساۋداگەرلەرىمەن دە بايلانىس جاساپ، تاباقشا اسقاباقتى مەرزىم بويىنشا ساتۋعا كەلىسكەن. كەزەكتە كوكونىس ەگەتىن ەگىنشىلەردىڭ 6 توننا تاباقشا اسقاباعىن ساتۋىنا كومەكتەسكەن.

قىس كىرىسىمەن تەكەس اۋداندىق حالىق ىستەرى مەكەمەسى قيىنشىلىعى بار بۇقارانى كومىرمەن قامداۋعا كەپىلدىك ەتۋ قىزمەتىن الدىن الا جوسپارلاپ، 3 ميلليون يۋان قارجىعا جىلۋعا پايدالانىلاتىن 6500 توننا كومىر ساتىپ الىپ، بۇكىل اۋدانداعى 6500 جالعىز باستى قارت، اۋىر مۇگەدەكتەر سياقتى قيىنشىلىعى بار بۇقارانىڭ بيىلعى قىس پەن كەلەر جىلعى كوكتەمدەگى جىلىنۋ ماسەلەسىن شەشىپ، ولاردىڭ قىستان قىسىلماي وتۋىنە مۇمكىندىك جاسادى.

تاياۋدا تەكەس اۋداندىق حالىق شيپاحاناسى «ٴمورالى تاماشا، باۋىرمال شيپاگەر» دەگەن جازۋ جازىلعان سيلىق جالاۋشاسىن تاپسىرىپ الدى، ونى ناۋقاس ارۋنا باعداۋلەت قىزىنىڭ اناسى ۇسىنعان ەدى.

ارۋنا 8 جاستا عانا بولاتىن، اناسى ونى شيپاحاناعا جەتكىزگەندە الدەقاشان ەسىنەن تانىپ قالعان، تەكسەرۋ ارقىلى بازدانۋ سيپاتتى قۇرساق پەردەسى قابىنۋىنان پايدا بولعان قۇرساق قۋىسى كونەكتەنۋى دەپ دياگنوز قويىلىپ، وپەراتسيا جاساۋعا تۋرا كەلگەن. شينجياڭعا كومەككە كەلگەن شيپاگەرلەردىڭ جەتەكشىلىگىندە، 2 ساعاتتان استام ۋاقىت وپەراتسيا جاساۋ ارقىلى اۋرۋ وشاعى مەن ينفەكسيالانعان ورىن ٴساتتى الاستالىپ، ارۋنا قاتەردەن قۇتىلىپ، امان قالدى.

وسى رەتكى وپەراتسيا اقىسى 25 مىڭ يۋانعا تاياعان، ەمدەۋ قامسىزداندىرۋ ساياساتى بويىنشا، ارۋنانىڭ وتباسى تەك 3900 يۋان عانا تاپسىراتىن ەدى. ولاردىڭ وتباسىنىڭ ەكونوميكالىق قيىنشىلىعىن ەسكەرگەن شيپاحانا ولارعا سالماقتى ناۋقاس كومەك قاراجاتىن ٴوتىنىش ەتىپ، ەمدەۋ قاراجاتىن كەشىرىم ەتتى. بۇل تۇردەگى قۇتقارۋ - كومەك بەرۋدى وسى شيپاحانا ەڭ تومەنگى تۇرمىسى قامتاماسىزداندىرىلاتىن وتباسىلارىنا، ەڭبەك قابىلەتى جوق، ەمدەلۋ قاراجاتىن تولەي المايتىن ناۋقاستار ٴۇشىن ارناۋلى ورنالاستىرعان ەدى.

سوڭعى جىلدارى تەكەس اۋدانى ەمدەۋ قۇتقارۋ - كومەكتەسۋ قابىلەتىن ۇزدىكسىز جوعارىلاتتى، بيىل الدىڭعى جارتى جىلدا ٴبىر رەتتە قۇتقارىلعان - كومەكتەسىلگەن جالپى ادام سانى 80، قۇتقارۋ سوماسى 465 مىڭ 700 يۋان، ەكىنشى رەت قۇتقارىلعان - كومەكتەسىلگەن جالپى ادام سانى 133، قۇتقارۋ سوماسى 358 مىڭ 800 يۋان بولعان.

بيڭتۋان مەن جەرگىلىكتى ورىننىڭ ەمدەۋ قامسىزداندىرۋى ٴوزارا بايلانىستىرىلىپ - تۇتاستىرىلىپ، بەلگىلەنگەن 3 ٴدارى ـ دارمەك قۇرىلىمى ٴوزارا تانۋدى جۇزەگە اسىرعان.