ٴتىلشىمىز جاڭ جينفىڭ، ەرىكتى تىلشىلەر لۋ حايشيا، شۋ گۋاڭ حابارلايدى. 12 - ايدىڭ 3 - كۇنى ٴتىلشىنىڭ تەكەس اۋداندىق عىلىم - تەحنيكا مەكەمەسىنەن ۇعىسۋىنشا، جۋىق جىلداردان بەرى بۇل اۋدان عىلىم - تەحنيكا نىسانىن ٴوتىنىش ەتۋ تەبىنىن ارتتىرىپ، تۇتاس كاسىپ تىزبەگىن دامىتۋداعى كەلەلى عىلىم - تەحنيكالىق سۇرانىستى كوزدەپ، زاپاس نىسانداردى تاڭداپ بەلگىلەپ، بازاردى باعدار ەتىپ، كاسىپورىنداردى تەحنيكادا جاڭالىق اشۋعا شابىتتاندىرىپ، عىلىم ـ تەحنيكادا جاڭالىق اشۋ ارقىلى كاسىپورىندارعا جاڭا قوزعاۋشى كۇش ۇستەپ، اۋداننىڭ وڭىرلىك ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتتى.

شۋەرىن اۋىل شارۋاشىلىق ماشينالارىن جاساۋ شەكتى سەرىكتەستىگى وسى اۋدانداعى تۇڭعىش زەرتتەۋ ـ اشۋ، جاساۋ، ساتۋ ٴبىر تۇلعالانعان امبەباپ كاسىپورىن بولىپ، تۋ باستاعى شاعىن شەبەرحانادان دامىپ، بۇگىنگى كۇنى 3 مىڭ 500 شارشى مەترلىك ٴىرى زاۆود ٴۇيى بار، تۇراقتى مۇلكى 5 ميلليون يۋاننان، جىلدىق ٴونىم قۇنى ٴبىر ميلليون 500 مىڭ يۋاننان اسقان كاسىپورىنعا اينالعان.

سەحتان ماشينالاردىڭ گۇرىلدەگەن داۋىسى شىعىپ، دانەكەرلەۋ ورىندارىنان وت ۇشقىندارى شاشىراۋدا.  جۇمىسشىلار 10 - ۇرپاق ۇنتاقتاۋ ماشيناسىن جاساۋدا. «ٴبىزدىڭ بيىلعى جوسپارىمىز ۇنتاقتاۋ ماشيناسىنان 100 داناسىن ٴوندىرۋ بولاتىن، قازىر مىندەتتى ارتىعىمەن ورىندادىق، 150 دانا ۇنتاقتاۋ ماشيناسىن جاساپ شىقتىق» - دەدى شۋەرىن اۋىل شارۋاشىلىق ماشينالارىن جاساۋ شەكتى سەرىكتەستىگىنىڭ قىزمەتكەرى لي چىڭحۋ.

2003 - جىلدان قازىرگە دەيىن بۇل سەرىكتەستىك ىلگەرىندى - كەيىندى مەملەكەتتىڭ، اۆتونوميالى رايوننىڭ، اۆتونوميالى وبلىستىڭ عىلمي زەرتتەۋ نىسانى قارجىسىنان، ٴوسىمى ەسەپكە الىنعان قارىز اقشادان، جاڭالىق جاراتۋ قورىنان جالپى 2 ميلليون 370 مىڭ يۋان يگىلىكتەنگەن. ۇكىمەتتىڭ قولداۋى مەن كومەگى كاسىپورىننىڭ تەحنيكادا جاڭالىق جاراتۋىنا بەرىك نەگىز قالاعان.

قازىرگە دەيىن بۇل سەرىكتەستىك تەحنيكالىق جاڭالىق اشۋعا ٴبىر ميلليون 200 مىڭ يۋاننان استام قارجى قوسقان، ونىڭ بىرەگەي ٴونىمى ٴشوپ تۋراۋ ماشيناسى 15 ٴتۇرلى مەملەكەتتىك پاتەنت ۇقىعىنا يە بولعان. بيىل جاڭادان زەرتتەپ جاسالعان «120 وزدىگىنەن تالقاندايتىن ماشينا» قۇرىلىمى قاراپايىم، مەڭگەرۋگە قولايلى بولۋداي ەرەكشەلىكتەرگە يە بولعاندىقتان، ەگىنشى - مالشىلاردىڭ قارسى الۋىنا يە بولعان.

بيىل تەكەس اۋدانى عىلىم ـ تەحنيكادا جاڭالىق اشۋدى ساياساتتىق بەتالىستى دۇرىس يگەرۋمەن ۇشتاستىرىپ، شاعىن، ۇساق كاسىپورىنداردىڭ عىلىم ـ تەحنيكادا جاڭالىق اشۋعا، زەرتتەۋ ـ اشۋعا قاتىستى نىساندارعا ٴوتىنىش بەرۋ تەبىنىن ارتتىرىپ، بيىل 65 پاتەنت ۇقىعىن ٴوتىنىش ەتىپ، بۇرىنعىمەن سالىستىرعاندا تىڭ ورەگە كوتەرگەن.

بۇل اۋدان 150 ميلليون يۋان قارجى قوسىپ، تەكەس اۋدانىنىڭ ەگىن، مال شارۋاشىلىعىن جان - جاقتىلى اشۋدان ۇلگى كورسەتۋ باقشا رايونىن قۇرعان؛ اۋىل شارۋاشىلىق عىلىم - تەحنيكا نەگىزدىك قۇرىلعىلارىن بار كۇشپەن قۇرىپ، اۆتونوميالى رايون دارەجەلى اۋىل شارۋاشىلىق عىلىم - تەحنيكا باقشا رايونىنان بىرەۋىن، اۆتونوميالى وبلىس دارەجەلى 7 شاعىن، ۇساق كاسىپورىندى ٴساتتى ٴوتىنىش ەتىپ، 4 جوعارى، جاڭا كاسىپورىندى جوبالاعان؛ تۇعىر قۇرىپ، كاسىپورىنداردى مەملەكەت جانە اۆتونوميالى رايون دارەجەلى عىلمي زەرتتەۋ مەكتەپتەرىمەن سەلبەستىك جاساۋعا شابىتتاندىرعان؛ 11 عىلىم ـ تەحنيكا نىسانىن ٴساتتى ٴوتىنىش ەتكەن، مۇنىڭ ىشىندە اۆتونوميالى رايون دارەجەلى ٴبىر ٴتۇيىندى زەرتتەۋ ـ اشۋ نىسانى بولىپ، جوعارى دەڭگەيلى عىلمي زەرتتەۋ نىساندارىنىڭ بوستىعىن تولىقتاعان. قازىرگە دەيىن تياناقتانعان نىسان قارجىسى 2 ميلليون 470 مىڭ يۋان بولىپ، بىلتىرعىدان %58 ارتقان.