سۋرەتتە: جەل گەناراتور قالاقشاسىن كرانمەن قۇراستىرۋ جۇمىس ورنى. لاي يۇينيڭ، جاڭ چيڭحۋا فوتوسى

تىلشىلەرىمىز لاي يۇينيڭ، جاڭ چيڭحۋا حابارلايدى. 12 - ايدىڭ 22 - كۇنى قۇلجا اۋدانى مازار اۋىلىنداعى جۇڭحى قۇلجا اۋدانى 130 مەگاۆاتتىق جەل ەلەكتر نىسانىنىڭ قۇرىلىس مايدانى دۋماندى دا قاربالاس بەينەگە ەندى، نەشە ون مەتر ۇزىندىقتاعى جەل گەناراتور قالاقشاسىن تيەگەن ٴىرى جۇك اۆتوموبيلى كرانمەن قۇراستىرۋ جۇمىس ورنىنا كىرگەن سوڭ، بىرنەشە ٴىرى تۇرپاتتى كرانمەن قۇراستىرۋ جابدىعى مەن نەشە ونداعان جۇمىسشى جۇمىس ٴتارتىبى بويىنشا، جەل گەناراتور قالاقشاسىن جۇك اۆتوموبيلىنەن باياۋ كوتەرىپ، قاتىستى قوندىرعىلارعا ورناتتى.

بۇل جۇمىسشىلار ورناتىپ جاتقان 10 - جەل گەناراتور، اتالعان نىسان بيىل 8 - ايدا جۇمىس باستاپ قۇرىلىس جۇرگىزگەننەن بەرى، ٴتۇرلى قىزمەتتەردىڭ اياق الىسى ٴساتتى بولعان.

جۇڭحى قۇلجا اۋدانى 130 مەگاۆاتتىق جەل ەلەكتر نىسانى قۇلجا اۋدانىنىڭ اۋليە اۋىلى مەن مازار اۋىلى وڭىرىنە ورنالاسقان، نىسان ورنى قۇلجا اۋدانى قالاشىعىنان شامامەن 32 كيلومەتر قاشىقتىقتا، نىسان ورنىنىڭ تەڭىز دەڭگەيىنەن بيىكتىگى 950 مەتردەن ٴبىر مىڭ 190 مەتر ارالىعىندا، بۇل ارانىڭ جەل ەنەرگياسى بايلىعى مول. نىسانعا جالپى 800 ميلليون يۋان قارجى قوسىلعان، جوباداعى جالپى سيىمدىلىعى 130 مەگاۆات، جيىنى 26 جەل گەناراتور بار.

قۇلجا اۋدانى جۇڭحى جاڭا ەنەرگيالى شەكتى سەرىكتەستىگى جۇڭحى قۇلجا اۋدانى 130 مەگاۆاتتىق جەل ەلەكتر نىسانىنىڭ مەڭگەرۋشىسى لي شيۋبو بىلاي دەدى: قازىر نىسان قۇرىلىسىن جۇرگىزىپ جاتقان 300 دەن استام جۇمىسشى - قىزمەتكەر بار، ولار ۇستەمەلەپ جۇمىس جۇرگىزىپ، قاۋىرت ىستەۋدە، قازىر جەل گەناراتور قالاقشاسىن كرانمەن قۇراستىرۋ جۇمىسىن ىستەپ جاتىرمىز.

قازىرگە دەيىن جەل گەناراتورىن قۇراستىرۋ جۇمىسىنىڭ %23 ى، ەلەكتر توپتاۋ لەنياسى مۇناراسىن قۇراۋدىڭ %26 ى ورىندالىپ، ەلەكتر جەتكىزەتىن لەنيا مۇناراسىن قۇراۋ %100 ورىندالعان.

«نىسان اياقتاعاننان كەيىن، جەرگىلىكتى ورىندى جىلىنا مولشەرمەن 300  ميلليون كيلوۆات - ساعات تازا ەنەرگيامەن قامداپ، كومىرتەگى قوس توتىعى، كۇكىرت قوس توتىعى سياقتى پارنيكتىك گازدىڭ شىعارىلۋى ٴونىمدى ازايتىلىپ، ەنەرگيادان پايدالانۋ ونىمدىلىگى جوعارىلاتىلادى». لي شيۋبو بىلاي دەدى: وسى 26 «ۇلكەن جەل گەناراتورى» رەسمي ىسكە قوسىلعاننان كەيىن، جەرگىلىكتى ورىنداعى كاسىپورىندار مەن تۇرعىنداردى تۇراقتى ەلەكترمەن قامدايتىن بولادى. بۇل «كومىر قىشقىل گازىنىڭ شىعارىلۋى ەڭ جـوعارى ماننەن اسىرماۋ، كومىر قىشقىل گازىن بەيتاراپتاندىرۋ» نىساناسىن جۇزەگە اسىرۋدا، ەنەرگيا قۇرىلىمىنىڭ تيپىنە بۇرىلىس جاساۋدى ىلگەرىلەتۋدە، جاڭا ەنەرگيانى نەگىزگى تۇلعا ەتكەن جاڭاشا ەنەرگيا جۇيەسىن قۇرۋدا ماڭىزدى مانگە يە.

جاقىنعى جىلداردان بەرى قۇلجا اۋدانى جاڭا ەنەرگيانى دامىتۋدى ساۋداگەر شاقىرۋداعى ٴتۇيىندى كاسىپ ەتىپ، ەلەكتر قۋاتىنىڭ جاسىل دامۋىن جانە تازا، تومەن كومىرتەكتى، ەكولوگيالىق ورتانى قورعايتىن، اۋدان ٴوڭىرىنىڭ كاسىپ سالاسىنداعى ەلەكتر تۇتىنۋ قۇرىلىمىنا رەتتەۋ جۇرگىزەتىن جاڭا ەنەرگيا + كاسىپ سالاسى دامۋىنداعى جاسىل اينالمالى شارۋاشىلىقتى جەدەل ىلگەرىلەتتى. 

بىلتىر جىل سوڭىندا قۇلجا اۋدانىنداعى تۇڭعىش جاڭا ەنەرگيالى جەل ەلەكتر نىسانى − 20 مەگاۋاتتىق جەل ەنەرگياسى ەلەكتر نىسانى سالىنىپ بولدى ٴارى ٴساتتى توراپتاستىرىلىپ ەلەكتر تاراتتى.