وبلىستىق اۆتـوكولىك جولاۋشى تاسىمال باس بەكەتى:

ىستىق ىقىلاستى قىزمەت وتەپ، جولاۋشىلارعا  قولايلىلىق جاسادى

ٴتىلشىمىز لي يافىڭ حابارلايدى. 1 - ايدىڭ 24 - كۇنى ەسكىشە جىل ەسەبى بويىنشا جاڭا جىلدىڭ 3 - كۇنى، شىمقاي قىزىل قاعازداعى «福» ٴارپى مەن قىزىل تۇمشالامالى شامدار ىلە وبلىستىق اۆتوكولىك جولاۋشى تاسىمال باس بەكەتىن مەرەكەلىك تۇسكە ەنگىزدى، ٴتىلشى كوپتەگەن قىزمەتكەرلەردىڭ جولاۋشى تاسىمالىنىڭ ٴبىرىنشى شەبىنەن تاپجىلماي، جولاۋشىلارعا ىستىق ىقىلاسپەن قىزمەت وتەپ جاتقانىن، ىركىلىسسىز ارنا اشىپ، جۇك تاسۋعا مىندەتتەۋ، قايناق سۋ ازىرلەۋ، ٴبىر بەكەتتىك بەلەت ساتىپ الۋ سياقتى قىزمەت وتەۋ تۇرلەرىمەن قامداپ، جولاۋشىلاردىڭ حاۋىپسىزدىگىنە جانە ٴجۇرىس - تۇرىسىنا قولايلىلىق جاراتۋدى بار كۇشپەن قامتاماسىز ەتكەنىن كوردى.

سول كۇنى ساعات 11 دە، وبلىستىق اۆتوكولىك جولاۋشى تاسىمال باس بەكەتىنىڭ كىرەر اۋزىندا، جولاۋشىلار ۇلكەندى - كىشىلى سومكالارىن كوتەرىپ، تارتىپپەن بەكەتكە كىرىپ بەلەت ساتىپ الدى، جولاۋشى اۆتوكولىكتەرى كەزەكپەن جولعا شىعۋدا. جولاۋشىلاردىڭ ٴجۇرىس - تۇرىس حاۋىپسىزدىگىنە، ىركىلىسسىزدىگىنە كەپىلدىك ەتۋ ٴۇشىن، وبلىستىق اۆتوكولىك جولاۋشى تاسىمال باس بەكەتى الدىن الا جوبا جاساپ، قىسقا ارالىقتى جولاۋشى مولشەرىنە قاراي كەزەكشى اۆتوكولىك سانىن ارتتىرىپ، جولاۋشى تاسىمال قۋاتىنا كەپىلدىك ەتتى، سونداي - اق شوفەرلەردىڭ تولىمدىلىعىن تەكسەرۋدى، اۆتوكولىكتەردى تەكسەرۋدى، حاۋىپسىزدىك تاربيەسىن جۇرگىزۋدى كۇشەيتىپ، تاسىمال اۆتوكولىكتەرىن قاتاڭ باسقارىپ، كوكتەم مەرەكەسى كەزىندە حاۋىپسىزدىككە، شىرعالاڭ تۋىلماۋعا كەپىلدىك ەتتى.

«ەسكىشە جىل ەسەبى بويىنشا جاڭا جىلدىڭ 2 - كۇنىنەن باستاپ، جولاۋشىلار مولشەرى كوبەيىپ، كۇنىنە 167 اۆتوبۋز قاتىناپ، مىڭنان استام جولاۋشىنى امان - ەسەن تاسىمالدادى. كەزەكتە قورعاس اۋدانى، كۇنەس اۋدانى سياقتى باعىتتارعا قىسقا ارالىققا جولاۋشىلايتىندار ٴبىرشاما شوعىرلى بولدى. كوكتەم مەرەكەسى كەزىندە دە حاۋىپسىزدىك ەڭ ماڭىزدى، جولاۋشىلاردىڭ ۋاعىندا جولعا شىعۋىنا كەپىلدىك ەتۋمەن بىرگە، كوپشىلىكتىڭ حاۋىپسىزدىگىن اناعۇرلىم قامتاماسىزداندىردىق» دەدى وبلىستىق اۆتوكولىك جولاۋشى تاسىمال باس بەكەتى شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى شيا ۋىنگۋاڭ.

ٴتىلشى مىنانى ۇعىستى: ٴار جىلعى كوكتەم مەرەكەسى دەمالىسى وبلىستاعى قىسقا ارالىقتى جولاۋشى تاسىمال مىندەتىن ۇستىنە العان وبلىستىق اۆتوكولىك جولاۋشى تاسىمال باس بەكەتى جونىنەن جولاۋشى تاسىمالىنىڭ تاسىمال قۋاتىن سىناۋمەن بىرگە، جولاۋشى تاسىمال قىزمەتكەرلەرىنىڭ كاسىپتىك تاباندىلىعىن  سىننان وتكىزەتىن كەزەڭ ەسەپتەلەدى.

«كوكتەم مەرەكەسىنىڭ دەمالىسىندا ٴبىز قالىپتى قىزمەتكە شىقتىق». شيا ۋىنگۋاڭ مىنانى ٴبىلدىردى: ٴاربىر قىزمەتكەر كوپشىلىكتىڭ جۇمىسىن ٴوز جۇمىسىنان جوعارى قويىپ، قىزمەت ورنىنان تاپجىلماي، ٴاربىر جولاۋشىعا ىستىق ىقىلاسپەن قىزمەت وتەپ، ولاردىڭ ۇيىنە قايتۋىنا شىن نيەتىمەن سۇيىسپەنشىلىك سيلادى.

سۋرەتتە: قىزمەتكەرلەر جولاۋشىلاردىڭ بەلەت ساتىپ الۋىنا كومەكتەسۋدە.      لي يافىڭ فوتوسى