جات جەر اتا مەكەنگە اينالدى

ليۋ بيڭ (ٴوز ٴتىلشىمىز)

1 - ايدىڭ 22 - كۇنى، ياعني كوكتەم مەرەكەسىنىڭ 1 - كۇنى ساعات 19 دان ەندى عانا وتكەندە قۇلجا قالاسى جيارى - فىڭجيڭ تۇرعىندار رايونىنىڭ باتىس قاقپاسىنىڭ قارسىسىنداعى دۇكەندەردىڭ ىشىندەگى شينران جەمىس ـ جيدەك، كوكونىس دۇكەنى مەن چيڭكى جەمىس - جيدەك، كوكونىس دۇكەنىنىڭ قوجايىنى ەسىك الدىنداعى  زاتتارىن جيناستىرىپ ۇيلەرىنە قايتۋعا دايىندالدى. «بۇگىن جۇمىستى نەگە ەرتە اياقتاتتىڭىزدار؟» دەگەن ٴتىلشىنىڭ سۇراۋىنا، دۇكەندە قاربالاس جۇمىس ىستەپ جاتقان جۋ كىكى بىلاي دەدى: «بۇل ۋاقىتتا زات ساتىپ الۋشىلار كوپ بولمايدى، ٴبىر جىلدىڭ 365 كۇنىندەگى وسى بىرنەشە كۇندە ۇيگە ەرتەرەك قايتۋعا بولادى، جاڭا جىلعا قاراعان كۇنى تۇستەن كەيىن ساعات 5 تە دۇكەندى جاپتىق. مەرەكە بايلانىسىمەن جاقسىلاپ دەمالىپ، وتباسىممەن ٴبىر داستارقاندا ٴدام تاتپاقپىن».

 32 جاستاعى جۋ كىكى حىنان ولكەسى شينياڭ قالاسىنىڭ شيشيان اۋدانىنان، 2009 - جىلى قۇلجا قالاسىنا جۇمىس ىستەۋگە كەلگەن. ونىڭ مۇندا كەلۋى مۇلدە كەزدەيسوق بولعان، سول كەزدە ول جاڭادان ۇيلەنگەن، ىلەدە جۇمىس ىستەيتىن قايىن اتاسى وسىندا كەلۋگە ٴناسيحاتتاپ، قۇلجا قالاسى وتە تاماشا جەر دەپ ماقتايدى، سونىمەن جۇبايى ەكەۋى ۇزاق جول باسىپ وسى اراعا كەلەدى. بۇل جەر شىنىندا جاقسى ەكەن، گۋاڭدۇڭ ولكەسىنىڭ جۇڭشان قالاسىندا جاراقسىز زاتتاردى ساتىپ الۋمەن اينالىساتىن اكە - شەشەسىن دە ىلەگە كەلۋگە كەڭەس بەرەدى. كوپ وتپەي اكە - شەشەسى دە ىلەگە كەلەدى، بەيجيڭدە جۇمىس ىستەپ وتباسىلى بولعان قارىنداسى جۋ جينفىڭ اكە - شەشەسىن ساعىنعاندىقتان كۇيەۋىن ەرتىپ ىلەگە كەلەدى. سونىمەن شار تاراپتا جۇمىس ىستەپ جۇرگەن ٴبىر وتباسىنىڭ ادامدارى قۇلجا قالاسىندا باس قوسادى. مۇنداي بولارىن جۋ كىكى ەشقاشان ويلاماعان ەدى، ٴبارىنىڭ ىرىزدىعى قۇلجا قالاسىنان بۇيىرعانداي، ولار: «بۇكىل وتباسىمىزداعىلارمەن بىرگە تۇرمىس كەشىرۋىمىز ەڭ ۇلكەن باقىت» دەستى.

كوزدى اشىپ - جۇمعانشا 13 جىل وتە شىقتى،  بۇل وتباسىنداعى ەڭ ۇلكەن وزگەرىس ٴوسىپ - ونگەن ىرگەلى شاڭىراققا اينالۋى. جۋ كىكى 3 بالالى، قارىنداسى ەكى بالالى بولدى، اكەسى جۋ گۋاڭچيڭ مەن شەشەسى جوۋ شيۋدونىڭ قۋانىشىندا شەك جوق، نەمەرەلەرىنە قارايلاسادى، ازداپ شارشاتاتىن، بەينەتتى جۇمىس بولعانىمەن ولار بارىنە ريزا. جاپاعا شىداۋ رۋحىمەن جۋ كىكى وتباسىنىڭ تۇرمىسى بارعان سايىن جاقساردى، 2016 - جىلى قۇلجا قالاسىنىڭ شياڭشۇيۋان تۇرعىندار رايونىنان قارىز اقشامەن 100 شارشى مەتردەن استام تاۋار ٴۇي ساتىپ الدى، العاشىندا ٴبىر وتباسىندا 11 جان بىرگە تۇردى، ٴبارى بىرگە تۇرعانىمەن وتە جاراسىمدى، اسىرەسە، قايىن ٴسىڭلىسى مەن جەڭگەسى تاتۋ - ٴتاتتى ٴوتتى. 2019 - جىلى قارىنداسى دا قۇلجا قالاسىنىڭ التىن الما تۇرعىندار رايونىنان ٴۇي ساتىپ الدى، قونىستانۋ شارت ـ جاعدايى وسىدان باستاپ بارىنشا جاقساردى.

«باۋىر - تۋىس اراسىندا ەسەپ اشىق بولسا وتباسى بەرەكەلى بولادى، بارلىق ٴىس وڭىنا باسادى» دەيتىن ٴتامسىل بار. جۋ كىكىنىڭ وتباسى وسى جولدى ۇستاندى، 2012 - جىلى ونىڭ شەشەسى مەن قارىنداسى قارجى شىعارىپ، ەكى كوكونىس دۇكەنىن اشقان ەدى، ادەتتە دۇكەندى شەشەسى مەن قارىنداسى باسقاراتىن، شەشەسى ەسەپ - قيساپقا جاۋاپتى، اكەسى ۇساق - تۇيەك جۇمىستارعا كومەكتەسەتىن، جۋ كىكى مەن كۇيەۋ بالاسى تولايىم بازارىنان جەمىس - جيدەك، كوكونىس ساتىپ الۋعا جاۋاپتى ەدى. قىزمەت وتەۋ قىزعىندىلىعى جاقسى بولعاندىعى سەبەپتى، ەكى دۇكەن ٴتۇن جارىمىنا دەيىن تيجارات جۇرگىزەتىن، جاپالى بولعانىمەن كوڭىلدى ەدى. جۋ كىكى تىلشىگە بىلاي دەدى: «وتكەن جىلى ىندەتتەن ساقتانۋ - تىزگىندەۋ كەزىندە اكەم جانە كۇيەۋ بالا ۇشەۋىمىز دۇكەندە 3 ايدان استام ۋاقىت جاتتىق، ماڭايداعى شاعىن تۇرعىندار رايونىن كوكونىسپەن قامداۋ ٴۇشىن، ۇنەمى كۇن - ٴتۇن دەمەي قاربالاس بولدىق. دۇكەن تار بولعاندىقتان، دەمالاتىن ورىن دا جوق ەدى، شارشاپ - شالدىقساق قاعاز جاشىك جايىپ، كەزەكتەسىپ ۇيىقتايتىن ەدىك. ول كەزدە ٴبىز اقشا تابۋدى ەمەس، قايتا كوكونىس، جەمىس - جيدەكتەردى تۇرعىندارعا ەرتە جەتكىزىپ بەرۋدى عانا ويلايتىن ەدىك».

بيىل جاڭا جىل كىرىسىمەن جۋ كىكىنىڭ اكە - شەشەسى مەن قارىنداسى حىنانداعى اۋىلدارىنا قايتقان بولاتىن. جۋ كىكىنىڭ 90 جاستاعى ناعاشى اپاسى توسەك تارتىپ جاتىپ قالعان ەدى، شەشەسىنىڭ 4 اپەكە - ٴسىڭلىسى كەزەكتەسىپ ٴاربىرى ەكى ايدان قارايلاسۋعا كەلىسكەن ەدى، ٴاسىلى 2022 - جىلى 9 - ايدا  جۋ كىكىنىڭ شەشەسىنە قاراۋ كەزەگى كەلگەن بولاتىن، الايدا ىندەت سەبەبىنەن ۇيىنە قايتا الماعان، وسى رەت اۋىلىنا قايتۋىنداعى ەڭ ماڭىزدى مىندەتى قارتقا قارايلاسۋ ەدى، جۋ كىكى دۇكەندەرىن قاراۋعا قالدى.

ٴتىلشى ناق مايداننان ادام كۇشى جەتىسپەۋ سەبەپتى جۋ كىكىنىڭ ۇلكەن قىزى جۋ ي - ران جالعىز ٴوزى تاعى ٴبىر دۇكەندى جۇرگىزىپ جاتقانىن، قاريدار كەلگەندە جەمىس - جيدەك، كوكونىستەردى تارازىعا تارتۋ، باعاسىن ەسەپتەۋ، قالتالاۋ سياقتى ٴبىر قىدىرۋ جۇمىستارعا ىسىلىپ قالعاندىعىن كورىپ قايران قالدى. ٴتىلشى: «ٴسىز كەلەشەكتە اۋىلعا قايتىپ قونىستاناسىز با؟» دەپ سۇراعانىندا ول: «جوق، قايتپايمىن، مەن قۇلجانى ۇناتامىن» دەپ جاۋاپ بەردى.

جۋ كىكى كۇلىمسىرەي: «ٴۇش بالا تۇگەل وسى ارانى جاقسى كورەدى، ٴبىز ىلەنى ٴوز ۇيىمىزدەي كورىپ كەتتىك» دەدى.