سۋرەتتە: قىزمەتكەرلەر كەپتەرلەرگە جەم بەرۋدە. لاي يۇينيڭ، جاڭ چيڭحۋا فوتوسى

تىلشىلەرىمىز لاي يۇينيڭ، جاڭ چيڭحۋا حابارلايدى. تاياۋدا ٴتىلشى توعىزتاراۋ اۋدانى توعىزتاراۋ قالاشىعى تاشكەنساز قىستاعىنداعى قۋات سويىس كەپتەر باعىمشىلىعى سەلبەستىك كووپەراتيۆىنىڭ باعىمشىلىق الاڭىندا رەتتى تىزىلگەن كەپتەر قاپاسىندا 2 قىزمەتكەردىڭ 4 مىڭ اسىل تۇقىمدى كەپتەرگە جەم بەرىپ جاتقانىن، قاپاستاعى كەپتەرلەردىڭ ٴوسىپ - جەتىلۋ جاعدايىنىڭ جاقسى ەكەنىن كوردى.

جاقىنعى جىلداردان بەرى تاشكەنساز قىستاعى ەرەكشە، باسىمدىققا يە كاسىپ سالاسىن ۇزدىكسىز دامىتىپ، زورايتىپ، سويىس كەپتەر باعىمشىلىعى كاسىپ سالاسىنىڭ «قان جاساۋ» يقۋاتىن كۇش سالا جانداندىرىپ، كاسىپ سالاسىنىڭ ونىمدىلىگىن ارتتىرۋدى ىلگەرىلەتىپ، بۇقارانىڭ كىرىسىن ارتتىرۋدى جەبەدى.

2016 - جىلى تاشكەنساز قىستاعى پارتيا ياچەيكاسى قىستاق تۇرعىندارىن قۋات سويىس كەپتەر باعىمشىلىعى سەلبەستىك كووپەراتيۆىن قۇرۋعا جەتەكتەپ، «پارتيا ياچەيكاسى +  سەلبەستىك كووپەراتيۆى + بازا + شارۋا وتباسى» ۇلگىسىن قولدانىپ، بۇقارانى كىرىستى ارتتىرىپ بايۋعا باستادى. قىستاق «ەكى كوميتەتى» 23 وتباسىن اۋلا باعىمشىلىعىن دامىتۋعا تاڭداپ، ٴار وتباسىنا 15 مىڭ يۋان جاردەماقى بەرىپ، 30 شارشى مەترلىك كەپتەر قوراسىن سالدى ٴارى كەپتەر قاپاسىن تولىقتادى، تاعى اسىل تۇقىمدى كەپتەردى تەگىن تاراتىپ، بۇقارانىڭ سويىس كەپتەر باعىمشىلىعىن دامىتۋىنا كومەكتەستى. ٴار وتباسى 200 كەپتەر باعادى دەپ قاراپ، كەپتەرلەردىڭ جىلدىق جۇمىرتقالاۋ، بالاپان شىعارۋىن 16 رەت دەپ ەسەپتەگەندە كەپتەر باقتاشىلارى ٴار جىلى كىسى باسىنا 2800 يۋاننان 3000 يۋانعا دەيىن كىرىس كىرگىزەدى.

قازىر 8 باعىمشىلىق وتباسى سەلبەستىك كووپەراتيۆىنە كىردى، سەلبەستىك كووپەراتيۆىندە باييۇيۋاڭ سياقتى سويىس كەپتەر تۇقىمى بار.

قۋات سويىس كەپتەر باعىمشىلىعى سەلبەستىك كووپەراتيۆى بيىل باعىمشىلىق كولەمىن كەڭەيتىپ، شاندۇڭنان مىڭ سويىس كەپتەر ەنگىزىپ، كەپتەر سانىن بىرتىندەپ 8 مىڭعا جەتكىزۋدى ٴارى ٴتىپتى دە كوپ قىستاق تۇرعىنىن باعىمشىلىق قاتارىنا تارتىپ، جەرگىلىكتى ورىننىڭ بازار قاجەتىن قاناعاتتاندىرۋمەن بىرگە، ٴتىپتى دە كوپ باعىمشىلىق وتباسىلاردىڭ كىرىستى ارتتىرىپ، اۋقاتتانۋىنا مۇمكىندىك جاساۋدى جوسپارلادى.