جەدەل جەتكىزۋ كاسىبى اۋىل - قىستاقتارعا جەتكىزىلىپ، اۋىل - قىستاقتى گۇلدەندىرۋگە دەم بەردى
قۇلجا قالاسىنداعى 53 اكىمشىلىك قىستاققا پوچتانىڭ جەدەل جەتكىزۋ قىزمەت وتەۋى جاپپاي جالپىلاستىرىلدى
سۋرەتتە: جەدەل جەتكىزۋشى پوچتا جولدامالارىن رەتتەۋدە. مىڭ شيا فوتوسى
ٴتىلشىمىز مىڭ شيا حابارلايدى. 2 - ايدىڭ 10 - كۇنى قۇلجا قالاسى بايانداي قالاشىعى گانگوۋ قىستاعىنىڭ پوچتانىڭ جەدەل جەتكىزۋگە قىزمەت وتەۋ ورنى − فۋليانحۇڭ ەرەن بازارىندا دۇكەن قوجايىنى يۇي حۇڭ تاڭەرتەڭ جەتكىزىلگەن جەدەل جولدامالاردى رەتتەۋدىڭ قاربالاستىعىنا ٴتۇسىپ، كودتى ٴبىر - بىردەن جايمالاپ ەستەلىككە الىپ، زاتتاردى سورەگە قويدى...
«جەدەل جولدامانى قىستاقتىڭ وزىندە جونەلتىپ، قابىلدايتىن بولدىق، ۋاقىت ۇنەمدەلەدى ٴارى قولايلى». يۇي حۇڭ بىلاي دەدى: «جەدەل جەتكىزۋ كاسىبىنىڭ قىستاققا جەتۋى قىستاق تۇرعىندارىنا زات ساتىپ الۋدىڭ قولايلىلىعىن سەزىندىردى، سونداي - اق دۇكەنىمە كەلۋشىلەردىڭ قاتارى مولايىپ، كىرىسىم ارتتى».
بىلتىر قۇلجا قالاسى جەدەل جولدامانى قىستاققا جەتكىزۋ قىزمەتىن بەلسەنە ىلگەرىلەتىپ، اۋىل - قىستاقتاعى زات اينالىمى − جەتكىزۋ، پوچتامەن جىبەرىپ قىزمەت وتەۋدىڭ «ەڭ سوڭعى ٴبىر كيلومەتر» ماسەلەسىن ٴبىر تۇتاس جوسپارلاپ شەشىپ، اۋدان ورتالىعى، اۋىل - قالاشىق، قىستاق سىندى ٴۇش دارەجەلى زات جەتكىزۋ جۇيەسىن قۇرىپ، جەدەل جولداما جەتكىزۋدە تۇتاس قالاداعى 53 اكىمشىلىك قىستاقتى %100 قامتۋدى جۇزەگە اسىردى.
«اۋىل - قىستاقتىڭ ٴتۇيىنى كوپ، اۋماعى كەڭ، جەلىسى ۇزىن، ونىڭ ۇستىنە جەدەل جەتكىزۋ كاسىبىنىڭ مولشەرى سالىستىرمالى تۇردە از، كوپ ساندى جەدەل جەتكىزۋ سەرىكتەستىكتەرى اۋىل - قىستاقتا جەدەل جەتكىزۋ قىزمەت وتەۋ تۇيىندەرىن قۇرۋدى قالامايدى». جۇڭگو پوچتا ىستەرى ىلە وبلىسى قالا رايونى بولىمشە سەرىكتەستىگىنىڭ ورىنباسار باس ديرەكتورى جاۋ ۋىنبو بىلاي دەدى: «2021 - جىلى سەرىكتەستىك بۇكىل قالاداعى 53 اكىمشىلىك قىستاقتا جاعداي ۇعىسىپ، تەكسەرۋ - زەرتتەۋ جۇرگىزىپ، تۇيىندەردى تاڭداپ، 2022 - جىلى جەدەل جەتكىزۋ كاسىبىن قىستاقتارعا جەتكىزۋدىڭ تولىق قامتۋىن جۇزەگە اسىردى».
سول كۇنى ٴتىلشى قۇلجا قالاسى بايانداي قالاشىعى انكاڭ جيناۋ - جەتكىزۋ بولىمىنەن پوچتانىڭ جەدەل جەتكىزۋشىلەرىنىڭ پوچتا جولدامالارىن ٴبولىپ، ماشيناعا تيەپ، ونان سوڭ ٴارقايسى قىستاقتىڭ پوچتانىڭ جەدەل جەتكىزۋگە قىزمەت وتەۋ تۇيىنىنە جەتكىزىپ جاتقانىن كوردى.
«تاڭەرتەڭ ساعات 7 دە جيناۋ - جەتكىزۋ بولىمىنە كەلىپ پوچتا جولدامالارىن تيەپ، ونان سوڭ قىستاقتاعى پوچتانىڭ جەدەل جەتكىزۋ قىزمەت وتەۋ تۇيىنىنە جەتكىزەمىز، ساعات 16 دا جيناۋ - جەتكىزۋ بولىمىنە بارىپ ىرىكتەيمىز، ونان سوڭ قىستاقتارعا جەتكىزەمىز». انكاڭ جيناۋ - جەتكىزۋ ٴبولىمىنىڭ ديرەكتورى بەرلىنباي بىلاي دەدى: «بۇل جيناۋ - جەتكىزۋ ٴبولىمى 7 قىستاقتىڭ جەدەل جەتكىزۋ قىزمەتىنە جاۋاپتى، ەڭ الىس قىستاق بايانداي قالاشىق ۇكىمەتىنەن 20 كيلومەتردەي شالعايدا، وسى قىستاقتىڭ جەدەل جەتكىزۋشىسى كۇنىنە 70 كيلومەترگە جۋىق جول باسادى».
قىستاقتا پوچتا جەدەل جەتكىزۋ قىزمەت وتەۋ ورنى قۇرىلعاننان بەرى قىستاق تۇرعىندارىنىڭ توراپتان زات ساتىپ الۋ مولشەرى ارتتى. 2022 - جىلى 12 - ايدا انكاڭ جيناۋ - جەتكىزۋ ٴبولىمى جىبەرگەن پوچتا جولداما مولشەرى وتكەن جىلدىڭ سايكەس مەزگىلىندەگىدەن %40 ارتتى.
«بۇرىن قىستاقتا جەدەل جەتكىزۋ قىزمەت وتەۋ ورنى جوق بولاتىن، ٴار رەت سالەم - ساۋقىت العاندا تۇگەلدەي بايانداي قالاشىعىنا باراتىنبىز، بارىپ - كەلۋگە 4 يۋان كولىك اقىسى جۇمسالادى، ونىڭ ۇستىنە ۋاقىتىمىز ىسىراپ بولاتىن». فۋليانحۇڭ ەرەن بازارىندا جولداما الىپ جاتقان گانگوۋ قىستاعىنىڭ تۇرعىنى رازيا ٴاليا تىلشىگە قۋانا بىلاي دەدى: «قازىر قىستاقتا جەدەل جەتكىزۋ قىزمەت وتەۋ ورنى بار، وتە قولايلى».
تۇستە داردامتى قالاشىعى نوعايتى قىستاعىنداعى پوچتانىڭ جەدەل جەتكىزۋگە قىزمەت وتەۋ ورنى − لي - ان الەۋمەتتىك اۋماق ەرەن بازارىندا پوچتا جولدامالارىن الۋعا كەلگەندەردىڭ اياعى ۇزىلمەدى.
«پوچتانىڭ جەدەل جەتكىزۋ سەرىكتەستىگى دۇكەنىمىزگە ٴبىر جولداما قويسا، 30 فىن قىزمەت وتەۋ اقىسىن بەرەدى، وتكەن ايدا مەن 2 مىڭ يۋان قىزمەت وتەۋ اقىسىن الدىم». بۇل دۇكەننىڭ قوجايىنى ساۋىرجان يارمامەت بىلاي دەدى: «قازىر باسقا جەدەل جەتكىزۋ سەرىكتەستىكتەرى دە ەرەن بازارىما پوچتا جولدامالارىن قويا باستادى».
«بۇرىن جۇمىستان تۇسكەننەن كەيىن قالاشىقتان جەدەل جولداما الاتىنبىز، ٴبىز بارعاندا جەدەل جولداما جەتكىزۋ قىزمەت وتەۋ تۇيىندەرى دە جۇمىستان تۇسەدى، وتە قولايسىز بولاتىن». نوعايتى قىستاعىندا تۇراتىن قالبىنۇر ساۋىرجان بىلاي دەدى: «قازىر قىستاقتا جەدەل جولداما جەتكىزۋگە قىزمەت وتەۋ ورنى بار، ساعات 10 نان 23 كە دەيىن ىستەيدى، قاي كەزدە جولداما الماقشى بولساق، سول كەزدە الامىز، مۇنداي قىزمەت وتەۋ قىستاق تۇرعىندارىنىڭ كوڭىلىنەن شىقتى».
قۇلجا قالالىق ساۋدا جانە ونەركاسىپ، ينفورماتسيالاندىرۋ مەكەمەسى جۇڭگو پوچتا ىستەرى ىلە وبلىستىق قالا رايونى بولىمشە سەرىكتەستىگىمەن بىرلەسىپ، «جەدەل جەتكىزۋدى قىستاقتارعا جەتكىزۋ» ينجەنەرياسىن كۇش سالا اتقارىپ، «ورنى، قىزمەتكەرى، زات سورەسى، بەلگىسى، سالىستىرمالى تۇراقتى الارماندارى بولۋ» 5 ولشەمى بويىنشا پوچتا جولدامالارىن نەمەسە جەدەل جەتكىزۋ جولدامالارىن ۋاكىلدىك جەتكىزۋدى جولعا قويىپ، جەدەل جەتكىزۋشى مەن ەرەن بازار، جەدەل جەتكىزۋشى مەن دۇكەن سەلبەسۋ تاسىلىمەن بۇكىل قالاداعى 53 اكىمشىلىك قىستاقتا پوچتانىڭ جەدەل جەتكىزۋگە قىزمەت وتەۋ ٴتۇيىنىن قۇرىپ، پوچتانىڭ جەدەل جەتكىزۋىن قىستاقتارعا جەتكىزىپ، اۋىل - قىستاقتى گۇلدەندىرۋگە دەم بەردى.