سۋرەتتە: ۋ ۋىنبين ۇلكەن ات كۇشىندىك تراكتوردى جوندەۋدە.                  حۋا يانميڭ فوتوسى

ٴتىلشىمىز دۋ لەي حابارلايدى. «وتباسىمىزداعى ۇلكەن ات كۇشىندىك تراكتورعا تۇگەلدەي بەيدوۋ جول نۇسقاۋ جۇيەسى ورناتىلدى، بۇل ماشينا جابدىقتاردىڭ اتىزدا جۇمىس ىستەگەندە اناعۇرلىم دالمە ـ ٴدال بولۋىنا، ونىمدىلىگىنىڭ، جەردىڭ ٴتۇسىم مولشەرىنىڭ اناعۇرلىم جوعارى بولۋىنا زور مۇمكىندىكتەر الا كەلدى». 2 - ايدىڭ 16 - كۇنى ەگىنشىلىك ماشينالارىن تەكسەرىپ جوندەپ جاتقان چاپچال سىبە اۆتونوميالى اۋدانى التىنبۇلاق قالاشىعى ٴۇش سۇمىن قىستاعىنداعى ەگىنشىلىك ماشينالارى قوجايىنى ۋ ۋىنبين وبلىسقا توتە قاراستى ورىنداردىڭ جاقىنعى جىلداردان بەرى زەردەلى ەگىنشىلىك ماشينالارىن جالپىلاستىرۋ جانە قولدانۋ تەبىنىن ارتتىرۋدىڭ ونىمدىلىگىن تىلگە تيەك ەتتى. بۇل وبلىسقا توتە قاراستى ورىنداردىڭ ەگىن شارۋاشىلىعىندا قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، وسى زامانعى ەگىن شارۋاشىلىعىن جوعارى ساپالى دامىتۋداعى «جىلدامدىقتى ارتتىرۋ» شارالارىنىڭ ٴبىرى ەدى.

ەگىن شارۋاشىلىعىنىڭ جوعارى ساپالى دامۋىن ىلگەرىلەتۋدىڭ تەتىگى − ەگىن شارۋاشىلىعى عىلىم - تەحنيكاسىن وسىزامانداندىرۋدا. 2022 - جىلى وبلىسقا توتە قاراستى ورىندار استىق حاۋىپسىزدىگى جاۋاپكەرشىلىگىن جاپپاي تياناقتاندىرىپ، «استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ» ستراتەگياسىنا تاباندى بولىپ، استىق ٴوندىرىسىنىڭ فۋنكتسيالىق رايونىندا جوعارى ولشەمدى اتىز قۇرىلىسىن الدىمەن ورىستەتىپ، ورتا، تومەن ٴتۇسىمدى اتىزداردى ۇزدىكسىز جاقسارتىپ، جوعارى ٴونىمدى سۋ ۇنەمدەيتىن ەگىن شارۋاشىلىعىن زور كۇشپەن دامىتىپ، 715 مىڭ مۋ جوعارى ولشەمدى اتىزدى جاڭادان قۇرىپ، وتكەن جىلداعىدان ٴبىر ەسە ارتىق ورىندادى، بۇل الدىڭعى 3 جىلداعى قۇرىلىس كولەمىنىڭ جيىنتىعىنا بارابار بولىپ، نىسانعا قوسىلعان قارجى مەن ينجەنەريا قۇرىلىسىنىڭ ورىندالۋ مولشەرىندە «قوس 100 پايىز» نىساناسىن جۇزەگە اسىردى. وبلىسقا توتە قاراستى ورىندار ەگىنشىلىك ماشينالارى مەن ەگىنشىلىك تەحنيكاسىن توعىستىرۋدى ۇزدىكسىز جەدەلدەتىپ، سۋ مەن تىڭايتقىشتى ٴبىر تۇلعالاندىرۋ، تۇقىم مەن تىڭايتقىشتى ٴبولىپ شاشۋ، بەيدوۋ جۇيەسىمەن جول نۇسقاۋ، ۇشقىشسىز ۇشاقپەن وسىمدىك قورعاۋ سياقتى ٴبىر توپ جاڭا تەحنيكانى، جاڭا ماشينا جابدىقتارىن جالپىلاستىرىپ، ٴبىر توپ زەردەلى ەگىن شارۋاشىلىعىنان، سيفرلى ەگىن شارۋاشىلىعىنان ۇلگى كورسەتۋ ٴوندىرىس بازاسىن قۇردى.

2022 - جىلى وبلىسقا توتە قاراستى ورىنداردىڭ استىق داقىلدارى ەگىلگەن جەر اۋماعى 5 ميلليون 760 مىڭ 200 مۋ بولىپ، وتكەن جىلداعىدان 133 مىڭ 500 مۋ ارتقان؛ استىقتىڭ جالپى ٴونىم مولشەرى 3 ميلليون 317 مىڭ 500 تونناعا جەتىپ، تاريحتاعى ەڭ جوعارى ورەنى جاراتىپ، تۇتاس شينجياڭ بويىنشا ٴۇرتىس ٴبىرىنشى ورىندى يەلەپ، وتكەن جىلداعىدان 207 مىڭ 300 توننا ارتىپ، تۇتاس شينجياڭداعى ارتۋ مولشەرىنىڭ %27 ىن يەلەگەن. تەكسەرۋگە نەگىزدەلگەندە 2022 - جىلى وبلىسقا توتە قاراستى ورىنداردا دۇمبە ٴبيدايدىڭ ەڭ جوعارى بىرلىك ٴونىمى 809.32 كيلوگرام، جۇگەرىنىڭ ەڭ جوعارى بىرلىك ٴونىمى 1367.44 كيلوگرام (سۋ قۇرامى %14)، كۇرىشتىڭ ەڭ جوعارى مۋ باسىندىق ٴونىمى 890 كيلوگرام بولىپ، وبلىسقا توتە قاراستى ورىندار استىق، داقىل وندىرىسىندە تاريحتاعى ەڭ جوعارى ٴونىمدى جاراتقان.

ٴبىر - بىرلەگەن سيفرلاردا وبلىسقا توتە قاراستى ورىنداردىڭ وتكەن ٴبىر جىلداعى وسىزامانعى ەگىن شارۋاشىلىعىنىڭ جوعارى ساپالى دامۋىن ىلگەرىلەتۋ بارىسىنداعى ايشىقتى قادامى ەستەلىككە الىنعان، تەكەس اۋدانى قارادالا قالاشىعى قۇمتۇبەك قىستاعىنداعى ٴىرى ديقان ما بيڭ وسى جونىندە تەرەڭ اسەر الدى. «2022 - جىلى مەن 1000 مۋ جەردى اينالىمعا سالىپ جۇگەرى ەكتىم، تاعى ٴبىر قىدىرۋ تۇقىم ەنگىزدىم، جۇگەرىنى ەگۋدەن ورۋعا جانە سوڭعى باسقىشتاعى ساباعىن ٴبىر جاقتى ەتۋگە دەيىن ماشينالاندىرۋدى نەگىزىنەن جۇزەگە اسىردىم، ۋاقىتىمدى، كۇشىمدى ۇنەمدەۋمەن بىرگە، ەكونوميكالىق ونىمدىلىكتى دە جوعارىلاتتىم». ما بيڭ بىلاي دەدى: «وسى جىلدارى پارتيانىڭ ەگىن شارۋاشىلىعىنا تيىمدىلىك جاساۋ ساياساتتارى بارعان سايىن كوبەيىپ، بۇقارانىڭ قاجەتىنەن شىعۋدا. جوعارى ولشەمدى ەگىنجاي قۇرىلىسى، جاڭا تەحنيكا، جاڭا سورتتىڭ قولدانىلۋى − ديقان وتباسىلارىنىڭ مول ٴونىم الۋىنىڭ نەگىزى بولدى. جۇگەرىدەن مۋ باسىنان 1.3 توننا ٴونىم الۋىمىز ٴبىزدىڭ وسى زامانعى ەگىن شارۋاشىلىعىن دامىتۋ جانە ەگىنشى - مالشىلاردىڭ كىرىسىن ارتتىرىپ، اۋقاتتانا ٴتۇسۋ سەنىمىمىزدى بەكەمدەدى». 

2022 - جىلى وبلىسقا توتە قاراستى ورىندار استىق حاۋىپسىزدىگى جاۋاپكەرشىلىگىن كۇشەيتۋمەن بىرگە، ەرەكشە كاسىپتەردى كۇش سالا دامىتىپ، ەگىمشىلىك قۇرىلىمىن ۇزدىكسىز ساپالىلاندىرىپ، سويا بۇرشاق، مايلى داقىل ٴوندىرىسىن قالپىنا كەلتىرىپ، كەڭەيتىپ، سورتتى داقىل، جۇپار ٴشوپ، كوكونىس، قىزىلشا، جۇڭگوشا ٴدارى ماتەريالدارى (ماقسارى)، جەم - ٴشوپ ماتەريالى سىندى 6 ۇلكەن تۇردەگى باسىمدىققا يە داقىلداردى زور كۇشپەن دامىتىپ، ەرەكشە داقىل ەگىمشىلىگىن 2 ميلليون 155 مىڭ 900 مۋعا جەتكىزدى.

توعىزتاراۋ اۋدانى جۇڭگوشا ٴدارى ٴشوپ ەگىمشىلىگى بويىنشا «ٴبىر قىستاقتا ٴبىر ٴونىم بولۋدى» تىڭعىلىقتى ىلگەرىلەتىپ، ەرەكشە كاسىپ سالاسىن دامىتقان ٴتۇيىندى اۋدان. بىلتىر وسى اۋدان «تاپسىرىس ۇلگىسىندەگى ەگىن شارۋاشىلىعىن» زور كۇشپەن دامىتىپ، كاسىپورىننىڭ جەتەكتەۋىن سۇيەنىش ەتىپ، ديقان وتباسىلارىن جان - جاقتى ۇشتاستىرىپ، «كاسىپورىن + بازا + ديقان وتباسى» تيجارات ۇلگىسىن كۇش سالا ورناتىپ، ساتۋ ارناسىن كەڭەيتىپ، ەگىنشىلەردىڭ الاڭسىز ەگىن ەگۋىنە، الاڭسىز ساتۋىنا مۇمكىندىك جاسادى.

جىڭ يۇيشان − توعىزتاراۋ اۋدانى ٴدوڭمالى قالاشىعى مىڭ مۋلىق جۇڭگوشا ٴشوپ ٴدارى ەگىمشىلىك بازاسىنداعى ٴىرى ديقان ٴارى توعىزتاراۋ اۋدانى جيڭحۇي جۇڭگوشا ٴشوپ ٴدارى ەگىمشىلىگى سەلبەستىك كووپەراتيۆىنىڭ باستىعى. بىلتىر بۇل سەلبەستىك كووپەراتيۆى جۇڭگوشا ٴدارى ٴشوپ ەگۋ كولەمىن كەڭەيتىپ، ٴتاتتى جاپىراقتى كۇرەڭكەي، قاسبوياۋ تامىرى، تاسپا ٴشوپ سياقتى جەرگىلىكتى ورىننىڭ كليماتىنا ۇيلەسەتىن ٴارى ەكونوميكالىق قۇنى جوعارى جۇڭگوشا ٴدارى ماتەريالدارى ٴتۇرىن ەنگىزدى. جۇڭگوشا ٴدارى ماتەريالدارىن جيناۋعا كەپىلدىك ەتۋ ٴۇشىن، ول ىلگەرىندى - كەيىندى 400 مىڭ يۋاننان استام قارجى قوسىپ، ارناۋلى تۇقىم سىڭىرەتىن ماشينا، ورۋ ماشيناسى، ساباق - جاپىراقتى ايىرۋ ماشيناسى سياقتى جۇڭگوشا ٴدارى ماتەريالدارىن ٴوندىرۋ، قوراپتاۋ ماشينالارىن ساتىپ الىپ، ەگىمشىلىك جالپى بارىسىن ماشينالاندىرۋدى جۇزەگە اسىردى.