ەرىكتى ٴتىلشى لو چۇنمەي حابارلايدى. 1 - ايدىڭ سوڭىنان باستاپ قۇلجا اۋدانىندا جاڭا كەزەكتى جالپى حالىقتىق دەنساۋلىق تەكسەرتۋ قىزمەتى رەسمي باستالدى. بيىل بۇل اۋدانداعى 308 مىڭ بۇقارا كوزبەن كورىپ، قولمەن ۇستاۋعا بولاتىن «سالاماتتى جۇڭگو» حالىققا تيىمدىلىك جەتكىزۋ شاراسىنان يگىلىكتەنەدى.

تاياۋدا، ٴتىلشى قۇلجا اۋدانى قۇديارٴجۇزى قالاشىعى ەمحاناسىنا دەنساۋلىق تەكسەرتۋگە كەلگەن بۇقارانىڭ ەمدەۋ قىزمەتكەرلەرىنىڭ ٴجون سىلتەۋىندە قاتارعا تۇرىپ، كەزەكپەن دەنساۋلىق تەكسەرتىپ جاتقانىن كوردى. ەمحانا تاعى ارناۋلى تۇردە حالىققا قولايلى تاماقتانۋ ورنىن قۇرىپ، بۇقارانىڭ دەنساۋلىق تەكسەرتىپ بولعان سوڭ دەر كەزىندە تاماقتانىپ، ەنەرگيا تولىقتاۋىنا قولايلىلىق جاراتقان.

بيىل نيجات شاۋكەت پەن ونىڭ وتباسىنداعىلاردىڭ دەنساۋلىق تەكسەرتۋگە قاتىناسقانىنىڭ 8 - جىلى. قان قىسىم ولشەتۋ، B تيپتى ۋلترا دىبىس تولقىندا تەكسەرىلۋ، جۇرەك سۋرەتتەۋىشتەن تارتىپ، قان تەكسەرتۋگە دەيىن، ٴاربىر تەكسەرۋ بۋىندارىندا ەمدەۋ قىزمەتكەرلەرى وعان ەگجەي - تەگجەيلى تەكسەرۋ جۇرگىزدى ٴارى تەكسەرۋدە بايقالعان ماسەلەلەردى دەر كەزىندە باقىلاپ ەمدەدى. «ٴۇيىمىزدىڭ جانىنداعى اقىسىز دەنساۋلىق تەكسەرتۋ ۋاقىت ۇنەمدەپ قانا قالماي، دەنساۋلىق جاعدايىمدى دەر كەزىندە تەكسەرتۋىمە مۇمكىندىك جاراتتى» دەدى ول.

قۇديارٴجۇزى قالاشىق ەمحاناسى پارتيا ياچەيكاسىنىڭ شۋجيى حاۋ يانرۇڭ بىلاي دەدى: «ٴبىز اپتاسىنا 6 كۇن دەنساۋلىق تەكسەرۋىن جۇرگىزەمىز، مولشەرمەن كۇنىنە 150 ادام دەنساۋلىق تەكسەرتەدى. سوزىلمالى اۋرۋلارعا دەر كەزىندە ٴىز قۋالاپ تەكسەرۋ جۇرگىزىپ، سوزىلمالى ناۋقاستاردى باسقارۋ كولەمىنە ەنگىزەمىز، تەكسەرۋدە كۇماندى، اۋىر ناۋقاستار بايقالسا دەر كەزىندە جوعارى دارەجەلى شيپاحانالارمەن قايتا تەكسەرۋگە بايلانىس جاسايمىز».

ٴتىلشى قۇلجا اۋداندىق دەنساۋلىق ساقتاۋ جانە سالاماتتىق كوميتەتىنەن بيىلعى جالپى حالىقتىق دەنساۋلىق تەكسەرتۋ اۋەلگىدەي تۇراقتى تۇيىندە دەنساۋلىق تەكسەرتۋ مەن ۇيىنە بارىپ تەكسەرۋ سياقتى ەكى ٴتۇرلى تاسىلدە ورىستەتىلەتىنىن، ٴجۇرىپ - تۇرۋى قولايسىز بۇقارا مەن قارتتار جونىنەن تۇتاس اۋدانداعى 24 دەنساۋلىق تەكسەرۋ قۇرىلىمى ارناۋلى ۇيىنە بارىپ دەنساۋلىق تەكسەرۋ - ەمدەۋ شاعىن اترەتىن قۇرىپ، توپقا ٴبولىپ، ٴتارتىپتى تۇردە بۇقارانىڭ دەنساۋلىعىن تەكسەرەتىندىگىن ۇعىستى.

قۇلجا اۋداندىق دەنساۋلىق ساقتاۋ جانە سالاماتتىق كوميتەتى الەۋمەتتىك دەنساۋلىق ساقتاۋ ٴبولىمىنىڭ باستىعى مايرا ٴايسا بىلاي دەدى: «2016 - جىلى 9 - ايدىڭ 23 - كۇنى تۇڭعىش كەزەكتى جالپى حالىقتىق دەنساۋلىق تەكسەرتۋ ينجەنەرياسى باستالعاننان بەرى قۇلجا اۋدانى جالپى حالىقتىق دەنساۋلىق تەكسەرتۋ - ەمدەۋ بويىنشا حالىققا تيىمدىلىك جاساۋ ساياساتىن بەلسەنە تياناقتاندىردى. بيىل 10 - ايدىڭ 30 - كۇنىنەن بۇرىن 308 مىڭ 200 ادامدى جالپى حالىقتىق دەنساۋلىق تەكسەرۋگە قاتىناستىرىپ، دەنساۋلىق تەكسەرۋ ناتيجەسى قالىپسىز بولعان بۇقاراعا قايتالاي تەكسەرۋ جۇرگىزىپ، تەكسەرۋ ناتيجەسىن دەر كەزىندە اڭىس ەتىپ، نەگىزدىك اۋرۋى بار بۇقارانى دارەجەگە، تۇرگە ايىرىپ باسقارۋدى جوسپارلاپ وتىرمىز. اسىرەسە، جاسى 65 تەن اسقان قارتتارعا 11 مىڭ دانادان استام سالاماتتىققا قىزمەت وتەۋ سومكەسىن تاراتىپ، ۇيگە بارىپ قىزمەت وتەۋ رەت سانىن ارتتىرىپ، قالىڭ بۇقارانىڭ القاۋىنا بولەندىك».