وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى:

حالىققا، كاسىپورىندارعا تيىمدىلىك جەتكىزۋ ساياساتتارى ارقىلى جۇمىسقا ورنالاستىرۋ، شارۋاشىلىق قۇرۋ قىزمەتىن ىلگەرىلەتتى

ٴتىلشىمىز حۋاڭ يان، ەرىكتى ٴتىلشى ۋاڭ شىڭساي حابارلايدى. بىرنەشە كۇننىڭ الدىندا ٴتىلشىنىڭ ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن ۇعىسۋىنشا، 2 - ايدىڭ 7 - كۇنىنەن 10 - كۇنىنە دەيىن، بۇل مەكەمە وبلىسقا توتە قاراستى اۋدان، قالالاردىڭ ادام كۇشى بايلىعى جانە قوعامدىق قامتاماسىزداندىرۋ تاراۋلارىنان، اۋىل - قالاشىق (ٴمالى) الەۋمەتتىك جۇمىستانۋعا قىزمەت وتەۋ قۇرىلىمدارىنان 150 نەشە كاسىپتىك تىرەكتىنى كاسىپتىك قابىلەتىن جوعارىلاتۋ بويىنشا تاربيەلەپ، حالىققا تيىمدىلىك جاسايتىن ٴتۇرلى ساياساتتاردىڭ ناقتى، ەگجەي - تەگجەيلى تياناقتانۋىن جەبەپ، جۇمىستانۋدى ورنىقتىرۋ قىزمەتىن ىلگەرىلەتكەن.

«وسى رەتكى ينتەرنەت جەلىسىندە باۋلۋدىڭ مازمۇنى نەگىزگى ساتىداعى الەۋمەتتىك جۇمىستاندىرۋعا قىزمەت وتەۋ، نەگىزگى ساتىنىڭ جۇمىستاندىرۋ تۇعىرى قۇرىلىسى، جۇمىستاندىرۋعا قىزمەت وتەۋ تۇعىرىن جۇرگىزۋ ٴتارتىبى سياقتى ٴتۇيىندى قىزمەتتەردى قامتىدى، ٴوزارا ىقپالداستىق، اۋىس - كۇيىس جاساۋ ارقىلى مەن ۇيرەنۋ بارىسىندا ٴبىلىم الىپ، ۇيرەنۋ بارىسىندا ٴتۇسىنىپ، ۇيرەنۋ بارىسىندا ناتيجەگە قول جەتكىزدىم، ٴىس تىندىرىپ، ناتيجە شىعارۋ جىگەرىم تاسقىنداي ٴتۇستى» دەدى قۇلجا اۋدانى جەلىجۇزى قالاشىعىنىڭ جۇمىسقا ورنالاستىرۋ قىزمەتىنە جاۋاپتى كادرى ٴنابىلاي ابۋسىلي.

بيىل وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى الەۋمەتتىك جۇمىستانۋعا قىزمەت وتەۋ دەڭگەيىن ۇزدىكسىز جوعارىلاتىپ، جۇمىستانۋ، شارۋاشىلىق قۇرۋ قىزمەتىنىڭ تىڭ ساتىعا كوتەرىلۋىن ىلگەرىلەتتى. ٴتۇيىندى ادامدار شوعىرىن جۇمىستاندىرۋعا ۇزدىكسىز كۇش سالىپ، اۋىل - قىستاقتارداعى جۇمىستانباعان ەڭبەككۇشتەردى، جۇمىستانباعان جوعارى مەكتەپ بىتىرگەن وقۋشىلاردى، جۇمىستانۋى قيىن بولعانداردى جۇمىستاندىرۋ قىزمەتىن كۇش سالا ويداعىداي ىستەدى؛ جۇمىستاندىرۋعا كومەكتەسۋ ايى، كوكتەم سامالى ارەكەتى، ساياحاتقا ارناۋلى قىزمەتكەر قابىلداۋ، قۇرىلىس سالاسىندا ارناۋلى قىزمەتكەر قابىلداۋدى قامتىعان 24 ٴتۇرلى الەۋمەتتىك جۇمىستاندىرۋعا قىزمەت وتەۋ ارناۋلى قيمىلىن ىرىقتىلىقپەن الدىن الا جوسپارلاپ، اپتا سايىن قىزمەتكەر قابىلداۋدى، اي سايىن قيمىل وتكىزۋدى ورىندادى؛ جۇمىستانۋدى قولدايتىن، جۇمىسشى ىستەتۋدى قامتاماسىز ەتەتىن، ريزا بولۋ دەڭگەيىن جوعارىلاتاتىن مەيىر جەتكىزۋ قيمىلىن كوپ ٴتۇرلى ارنامەن ىلگەرىلەتتى؛ جۇمىس باسىندا جۇمىسقا قابىلداۋ كولەمىن ۇزدىكسىز كەڭەيتىپ، كاسىپورىندارعا، باقشا رايوندارىنا، اۋىل - قىستاقتارعا، وتباسىلارىنا بارۋ ارقىلى كاسىپورىندار مەن ەڭبەكشىلەرگە ساياسات ۇگىتتەپ، قىزمەت ورنىن ازىرلەپ، ينفورماتسيا جەتكىزىپ، بازارلاردا، ٴىرى ساۋدا سارايلارىندا، ەرەن بازارلارىندا، قىستاقتاردا (الەۋمەتتىك اۋماق) كاسىپ، ٴوڭىر بويىنشا ناق مايداندا جۇمىسقا قابىلداۋ قيمىلىن وتكىزۋدى ۇدايىلاندىردى.

الەۋمەتتىك جۇمىستاندىرۋ تۇعىرى جۇمىس ىزدەۋشىلەردىڭ تەلەفون ارقىلى جۇمىس ورنىن تاڭداۋىنا، «ٴبىر پۋنكت ارقىلى قىزمەتكە شىعۋىنا» دەم بەردى. وبلىسقا توتە قاراستى اۋدان، قالالار ىلە دارىندىلار تورابى، ٴۇنحات الەۋمەتتىك ٴنومىرى، قىزمەت ىزدەۋ، قىزمەتكەر قابىلداۋ ٴۇنحات شاعىن پروگرامماسى سياقتىلار ارقىلى توراپتا قىزمەتكەر قابىلداۋ قيمىلىن ورىستەتتى. سونىمەن بىرگە، ينتەرنەتتە تىكە تاراتۋ تۇعىرى ارقىلى قىزمەت ورنى، كاسىپتىك جەتەكشىلىك، ساياساتتىق ۇگىت سياقتى قيمىلداردى تىكە تاراتۋدى ورىستەتتى.

جىل باسىنان قازىرگە دەيىن وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ينتەرنەت جەلىسىندە جانە جەلىدەن تىس قىزمەتكەر قابىلداۋ قيمىلىن 117 مايدان - رەت وتكىزىپ، ٴبىر مىڭ 568 جۇمىسشى ىستەتۋشى ورىن 20 مىڭ 700 جۇمىس ورنىمەن قامداپ، 4 مىڭ 734 ادام العاشقى جۇمىستانۋ تىلەك حاتىنا قول قويدى.