ٴتىلشىمىز ما چىڭلۋ حابارلايدى. 3 - ايدىڭ 1 - كۇنى تۇستەن كەيىن ىلە گازەتى مەكەمەسى قۇلجا قالاسى سايبويى ٴمالى باسقارماسى احىمەتجان جولى سولتۇستىك الەۋمەتتىك اۋماعىمەن بىرلەسىپ، ”لەي فىڭ رۋحىن جالعاستىرىپ، ەرىكتىلەر قىزمەت وتەۋىن امالياتتا ايگىلەۋ“ قيمىلىن ورىستەتتى.
”سالەمەتسىز بە، اپاي، بەرى قاراي ٴجۇرىڭىز، قان قىسىمىڭىزدى ولشەپ بەرەيىك“، ”اعاي، جايشىلىقتا بەيتانىس تەلەفونداردى قابىلداعاندا الدانىپ قالۋدان اباي بولىڭىز، مىناۋ ۇگىت ماتەريالى، ۇيگە الا قايتىپ كورسەڭىز بولادى“، ”قار ٴۇيىلىپ قالىپتى، تازالاسىپ جىبەرەلىك...“ وسى كۇنى ىلە گازەتى مەكەمەسىنىڭ كادرلارى مەن جۇمىسشى ـ قىزمەتكەرلەرى احمەتجان جولى سولتۇستىك الەۋمەتتىك اۋماعىنداعى كادر، جۇمىسشى ـ قىزمەتكەرلەرمەن بىرگە قاراستى رايونداعى كوشەلەردە، ساۋدا سارايلارىنىڭ ماڭىندا ەرىكتى قىزمەت وتەۋ سياقتى كوپ ٴتۇرلى فورمالار ارقىلى لەي فىڭ رۋحىن امالياتتا ايگىلەپ، كوشە تازالاۋ جانە ۇساق - تۇيەك زاتتاردى رەتتەۋ، قان قىسىمىن اقىسىز ولشەۋ، زاڭ جالپىلاستىرۋ ۇگىتى بارىسىندا لەي فىڭنىڭ باسقالارعا كومەكتەسۋ، قالتقىسىز ۇلەس قوسۋ رۋحىن سەزىندى جانە ۇيرەندى.
”بۇگىن لەي فىڭنان ۇيرەنۋ قيمىلىنا قاتىناسقانىمدى ەرەكشە ٴماندى سەزىندىم، پارتيا مۇشەسى بولۋ سالاۋاتىممەن قىزمەت بارىسىندا لەي فىڭ رۋحىنىڭ داۋىرلىك ٴمانىن ىشكەرىلەي يگەرىپ، ۇلگىلىك، باستاماشىلدىق رولىمدى اناعۇرلىم ويداعىداي ساۋلەلەندىرىپ، ٴىس جۇزىندىك ارەكەتىم ارقىلى ەرىكتى قىزمەت وتەۋگە قاتىناسىپ، لەي فىڭ رۋحىن كۇندەلىكتى تۇرمىسىممەن توعىستىرىپ، ۇنەمىلىككە اينالدىرامىن“ دەدى ىلە گازەتى مەكەمەسىنىڭ كادرى ما يان.